Kike Martins no IES Félis Muriel de Rianxo

Asistimos a un obadoiro que ten un nome moi interesante: OPS! que quere dicir: O portugués simples. Ao noso IES acudiu a darnos a charla Henrique Martíns. Primeiro esinounos as diferenzas gráficas entre o galego e o portugués con exemplos moi claros, actuais e sinxelos. Tamén nos ensinou a capacidade dos galegos para aprendermos o portugués ante outras persoas que non falan galego, polo tanto os galegos temos capacidade competitiva respecto doutras linguas románicas. Despois ensinounos as diferenzas fonéticas entre as dúas linguas da Península Ibérica. [...]

Kike Martins no IES San Clemente

No 21 de setembro de 2011 os alumnos de 2ºSMR asistiron ao obradoiro O Português Simples, impartido polo profesor Henrique Martins.

A través dunha coidada exposición, puideron comprobar de forma amena, que a lingua portuguesa é moito máis fácil de aprender polo feito de sabermos galego.

O ateliê serviu de punto de partida para a sección bilingüe do módulo Sistemas Operativos en Rede.


Kike Martins lecciona aos alunos do IES Illa de San Simón

O alunado o IES Illa San Simón, tirou as seguintes conclusões:

  • Que se sabes galego, é fácil aprender portugués.
  • Que se quixésemos, poderiamos comunicarnos facilmente en portugués.
  • Que o galego é moi semellante ao portugués.
  • Que galego e portugués teñen moitísimo en común e que o portugués é a lingua de moitos países.
  • Que case falamos portugués.
  • Que hai que ter coidado cos falsos amigos.
  • Que saber galego é unha avantaxe porque nos permite encontrar traballo tamén fóra de aquí, e tamén pola súa riqueza cultural.
  • Que o Brasil é un país máis importante do que eu pensaba, xa que é a 7ª potencia económica.
  • Que é unha lingua moi falada no mundo, e que no Xapón hai moitos portugueses.
  • Que o portugués é unha lingua moi importante no mundo.
  • Que o portugués é unha lingua moi divertida e moi parecida ao galego, e que o galego está moi castelanizado.
  • QUE O GALEGO É UNHA LINGUA QUE, TARDE OU TEMPRANO, NOS ABRIRÁ AS PORTAS NO MUNDO, E QUE O PORTUGUÉS NOS AXUDARÁ A FACELO.

Por xentileza do Concello de Ferrol e mais da Associaçom Galega da Língua, impartíronse dúas sesións lectivas no noso centro, para dar a
entender a proximidade entre galego e portugués, e como a nosa lingua abre para nós unha inmensa porta, a do mudo lusófono, con moi poucos coñecementos de partida, apenas coa idea de nós pertencermos tamén ao mundo da lingua portuguesa ou galego-portuguesa, como se queira.

Unha das aulas foi pola tarde, para alumnado voluntario de 3º e 4º da ESO, e a segunda durante horario lectivo, para alumnado de 2º da ESO.

Revista Navegantes do ENDL do IES Canido
A professora Noemi Pinheira com o alunado do IES A Paralaia

[...]No transcurso desta actividade, uns 230 alumnos e alumnas de ESO e de 1º de bacharelato interactuaron co monitorado. En xeral, amosáronse participativos e sorprendéronse ao descubriren que eran capaces de comprender, cun pequeno esforzo, a fala e a escrita portuguesa.

Nos grupos máis participativos, mesmo a ocasión deu lugar para realizar un pequeno debate ao rematar a sesión na que expuxeron as súas opinións e reflexionaron sobre o significado, a importancia e a vantaxe que lles supón aprender o portugués como lingua estranxeira xa que, ao sermos galegos e galegas, posuímos unhas destezas lingüísticas que nos permiten avanzar rapidamente na comprensión do léxico e na estrutura gramatical da lingua.

O profesorado que acompañou o seu alumnado durante o obradoiro tamén valorou positivamente esta actividade como un complemento ao seu labor docente e constataron a adecuación dos contidos das unidades didácticas coa idade da mocidade á que vai dirixida.

O pasado martes @s alumn@s de 4º asistiron a unha interesante clase maxistral de portugués no marco do proxecto: " O galego, a nosa vantaxe. O portugués, a nosa vantaxe."

O obxectivo desta clase era darnos de conta de que saber galego ábrenos as portas do mundo lusófono, moi amplo, xa que é a terceira lingua do mundo, xunto co español e o inglés. Chegamos a el a través da lingua de noso, e percatámonos de que sabemos e entendemos portugués,lingua do tronco común do galego, enfrontándonos a situacións como as que se presentaron, soubemos encher os ocos dunha cantiga portuguesa, soubemos localizar lugares, palabras e costumes, e démonos de conta, que saber galego si nos abre as portas para un futuro dentro e fóra de Galiza.

A semana pasada fun ao instituto de Teis para participar xunto co alumnado nun obradoiro que estamos desenvolvendo desde a concellería de normalización nos centros de ensino secundario da nosa cidade, titúlase “O galego a nosa vantaxe, o portugués a nosa vantaxe”, supoño que con ese título non precisa moita descrición. Apetecíame ir porque quería ver a reacción dos rapaces e as rapazas fronte a esta proposta de ver o galego como unha vantaxe para se comunicar con toda a lusofonía, tiña curiosidade por ver se o pensaran algunha vez ou non. Teño que dicir que o obradoiro pareceume interesantísimo, moi ameno e moi ben levado por Noemí, a rapazada estaba moi atenta e creo que entenderon perfectamente a mensaxe. Porén, ademais de quedar moi claro que nunca pensaran que era máis doado ligar con Giselle Bündchen sabendo galego que non sabendo, pareceume detectar unha certa resistencia a recoñecer este feito como unha realidade ou como un feito relevante para as súas vidas. Nin sequera lles parecía demasiado significativo que puidesen comprender perfectamente e mesmo facer sen maiores dificultades un exercicio de encher ocos cunha canción brasileira, algo absolutamente imposible cunha inglesa se nunca estudaches inglés, por exemplo. Pero vaia, todo se andará. Grazas á AGAL por facernos esta proposta que está tendo moi boa acollida nos centros por parte do profesorado e, sobre todo por parte do alumnado.

P.D.: Hai esperanza, cando lles amosaron o chiste que reproduzo aquí ningún deles sabía onde estaba o Padornelo pero todos situaron perfectamente Valença do Minho ;-)

<< 1 2 3 4 5 6 7 8 >>

Contacto OPS!

Feeds XML
powered by b2evolution free blog software