Durante este luns día 19 e o martes día 20 de novembro tiveron lugar no IES Perdouro seis obradoiros de portugués (“OPS!” O Português Simples) dirixidos ao alumnado de ESO e Bacharelato.

..

Esta iniciativa puido levarse a cabo grazas á colaboración da Área de Cultura da Deputación de Lugo e da Associaçom Galega da Língua e tiña como obxectivo mostrarlle ao alumnado do noso Centro a vantaxe competitiva que representa a nosa lingua, o galego, no contexto español e europeo, porque nos permite acceder ao ámbito educativo e laboral dos países que se expresan en portugués (Brasil, Portugal, Angola...) e, polo tanto, ás súas sociedades, producións culturais e mercados laborais.

..

Porque o noso alumnado, ao rematar a secundaria obrigatoria, descoñece que o portugués, a través do galego, pode formar parte do seu currículo e que, ao coñecelo, se abrirán moitas portas no mercado laboral de países de economía emerxente como é o Brasil. Porque o plurilingüismo vai ter cada vez máis valor como consecuencia da globalización e o portugués, a través do galego, ampliará o seu ámbito formativo e laboral.

O mércores once de abril tivemos un obradoiro de portugués para todos os alumnos. Aprendemos moitas cousas e pasámolo xenial. Ensináronnos os lugares onde se fala esta lingua, vídeos de famosos portugueses e brasileiros, aprendemos a pronunciar algunhas palabras, escoitamos unha canción de Adriana Calcanhotto e logo completamos os ocos con palabras…
.O que máis nos chamou a atención foi o pouco valorado que está o galego. A nós resultaríanos moi fácil aprender esta lingua, pois o galego e o portugués son irmáns, proveñen os dous do latín. Ademais teriamos facilidade para ir, por exemplo, traballar ao Brasil, pois coñeceriamos o idioma. Aprendemos que grazas ao galego podémonos comunicar con moita xente porque o idioma de Portugal está entre as linguas máis faladas do mundo con máis de douscentos millóns de falantes. Algo que, ata o de agora, non nos pararamos a pensar. Rematamos o obradoiro apuntando unhas páxinas web para poder entrar ou investigar un pouquiño máis. Foi moi divertido.

..

Alumnado de 1º de ESO

..

Desde a Área de Cultura da Deputación de Lugo, xunto coa Associaçom Galega da Lingua (AGAL), desenvolveuse un obradoiro co obxectivo de lle mostrar ao noso alumnado a vantaxe competitiva que representa o galego, no contexto español e europeo, porque nos permite acceder ao ámbito educativo e laboral dos países que se expresan en portugués(Brasil, Portugal, Angola...)e, por tanto, ás súas sociedades, producións culturais e mercado laboral. Trátase de promover o achegamento ao mundo lusófono, no convencemento de que é un reforzo para o estatuto da lingua galega e unha porta máis a mellorar a formación dos nosos mozos e mozas.
.Noemí Nogueiras, coordinadora de OPs!, estuvo no noso Centro os días 18 de abril e 30 de maio nunha actividade que, estamos seguros, resultou moi proveitosa para o noso alumnado.
.Grazas Noemí!

Este obradoiro de cen minutos de duración pretende achegarlles ós rapaces as vantaxes que ten o coñecemento do galego para comprendermos facilmente a lingua portuguesa.
.Cunha actividade sobre a canción de Adriana Calcanhoto rematou o obradoiro.Pero a canción que houbo que escoitar e cantar, a petición do alumnado, foi a popular "Ai se eu te pego".

.

IES Vilalonga

Portugal tan cerca e tan lonxe. Polo menos ata agora. Para o alumnado de 3º, 4º de ESO, 1º e 2º de BAC despois de asistir o curso OPS (O Português Simples) -ideado por AGAL (Associaçom galega da limgua) e ofertado pola Diputación de Lugo- xa está un pouco máis cerca.

..

O curso, basicamente, consistiu en mostrar de xeito práctico os moitos aspectos comúns ou de proximidade entre galego e portugués que fan que poidamos entender esta lingua sen ningún tipo de problema a partir da nosa; ofrecer un pequeno estudo do lugar que ocupa no mundo a lusofonía desmontando o tópico de que "o galego non serve máis que para andar pola casa", vinculando tamén este feito, ás posibilidades laborais que se abren co coñecemento destas linguas...

.

IES Poeta Diaz Castro

Dentro da programación que a Concellería de Normalización Lingüística do Concello de Ferrol de-señou para conmemorar o Día das Letras Galegas atópanse os obradoiros de portugués simple, unha actividade solicitada por un total de seis centros educativos da cidade con ensinanzas de Secundaria. Onte, a proposta chegou ao IES Ricardo Carballo Calero logo de pasar o martes polo CPR Jesús Maestro e o Saturnino Montojo.
.Dous monitores foron os encargados de introducir aos alumnos de 1º de Bacharelato na “sexta lingua máis falada no mundo, oficial en catro continentes e 8 países, entre eles Brasil, unha potencia emerxente”, segundo se informa na propia actividade.
.A actividade, desenvolvida baixo o título “Ops, a lingua é a nosa vantaxe”, ten entre os seus obxectivos amosar ao alumnado que o galego “é unha entrada privilexiada para acceder ao mundo en portugués”.
.Estes obradoiros forman parte dun programa máis amplo, presentado a semana pasada polo goberno ferrolán e que inclúe diferentes propostas, a meirande parte desenvolvidas en colaboración coa Coordenadora de Equipas de Normalización Lingüística de Ferrolterra.

.

Diario de Ferrol

.