ovnis e isoglossas

O Conselho Comarcal do Berzo vem de editar um novo número da sua revista, "boletín informativo", o número 2, correspondente ao mes de Junho de 2005. A capa, como nom, umha grande foto do Presidente do Conselho Comarcal, o galego-falante Ricardo González Saavedra, com ZP na visita que este realizou há umhas semanas à nossa comarca.

Mas o destacável nom é isso.
O pequeno movimento sísmico que significa a ediçom deste número é a inclussom dum artigo de Xabier Lago, Secretário de Organizaçom de Fala Ceive, em galego!!!
O artigo, "A reforma do Estatuto do Bierzo", é basicamente o mesmo que já apareceu publicado no vozeiro de Fala Ceive, Berro do Leste, editado no mês de Maio, e refere-se às petiçons que desde o movimento em defesa da língua e cultura galegas do Berzo realizamos com motivo do debate sobre a possível e futura reforma da Lei da Comarca, que é o texto legal que deu lugar ao reconhecimento formal e institucional da comarca berziana.
Está é a primeira vez, quando menos que nós tenhamos conhecimento, que umha publicaçom dum organismo institucional recolhe nas suas páginas umha colaboraçom em galego. Já temos falado outras vezes sobre a postura favorável que a respeito da língua galega, como língua própria e autóctona do Berzo, tenhem o Conselho Comarcal e, especialmente o seu Presidente. De facto, na mesma revista recolhe-se, com umha foto, a presência do Presidente do Conselho Comarcal do Berzo nos actos organizados por Fala Ceive no passado 13 de Maio para celebrar o Dia das Letras em Ponferrada.
Por umha vez, as instituiçons vam por diante dumha parte da sociedade: lembremos que os meios de comunicaçom da comarca, tanto impresos, como radiofónicos, como electrónicos, ponhem muitos reparos e problemas para publicar textos, artigos ou notícias em galego. De facto, som poucos, muito poucos, os meios que publicam de quando em vez algumha cousa em galego, e ningum o que fai um uso normal da nossa língua.
Aguardemos que este pequeno mas relevante facto, seja realmente um movimento sísmico que remova consciências e actitudes.