ovnis e isoglossas

Parece que há novos pequenos movimentos sísmicos na comarca do Berzo. Hoje El Mundo-La Crónica de León desperta-nos com o titular "El PSOE comarcal busca el acercamiento político entre el Bierzo y la comunidad gallega". Agora é nada menos que o Secretário Comarcal do PSOE, e actual alcaide do concelho, galegófono, de Camponaraia, o que fala sobre a necessária reintegraçom da nossa comarca na CAG.

Ainda que, como soe ser habitual, relacionando esta aspiraçom-reclamaçom, com "formas de pressom" ante a Junta de Castela e Leom para reclamar mais competências, inversons ou atençom.

Ainda assim, António Canedo, declara que a dia de hoje ninguem oficialmente (cousa nom de todo certa) planteja a possibilidade de integrar-se na Galiza, mas também nom a descarta "porque todo o mundo se cansa de ser o último da fileira, e o Berzo para a Junta de Castela e Leom tem sido o último da fileira, como vimos denunciando infinidade de vezes".

Bem sabemos que o sonho da "quinta próvíncia" soe ser empregado como forma de pressom ante a CACeL, mas também sabemos que, como di o dito popular, "tanto vai o cántaro à fonte..."

O mesmo jornal comenta as habituais reunions entre alcaides, tanto do PSOE como do PP, de ambos lados da raia administrativa que nos separa.

Mas, para que nom todo seja optimismo, o artigo "Una unión política inviable juridicamente", no mesmo jornal, devolve-nos à realidade dos problemas do actual quadro jurídico-político. E ainda reconhecendo, e o di o diario de Pedroghota, nom o vozeiro nacional de NÓS-UP, que "o achegamento político e institucional entre a comarca berziana e a CAG é umha velha e utópica aspiraçom que ao longo do tempo tem sido compartilhada polos mais diversos sectores políticos e sociais", a uniom política é totalmente inviável com os actuais estatutos de autonomia e a actual constituiçom espanhola na mao.
Quer dizer: que as aspiraçons populares nom som realizáveis porque o quadro jurídico-político decide sobre as pessoas e nom à inversa.

Com tudo, mais um novo pequenos movimentos sísmico. Pequenos movimentos sísmicos que modificam, pouco a pouco, o terreo, pode que nom na sua capa mais superficial, mas sim na profunda.