ovnis e isoglossas

Pois sim. Matarile Teatro, fará História em Ponferrada. Nom é umha exageraçom.

Em primeiro lugar porque a obra que representaram o 16 de Setembro, sexta-feira, a partir das 21'30h., no Teatro Bergidum de Ponferrada, leva por título "História Natural (elógio do entusiasmo)".
Em segundo lugar, porque há já muito, muito tempo que a direcçom do Teatro Bergidum nom programava umha obra dumha companhia galega por iniciativa própria. Certo que neste mesmo ano pudemos contar com a presência de Talia Teatro, com a sua obra "Bicos com língua", mas foi devido à iniciativa do Departamento de Língua Galega da Escola de Idioma de Ponferrada, e mercé ao esforço de muitas pessoas que garantirom a venda dum determinado número de entradas. Agora, é a própria direccçom do Teatro de quem parte a iniciativa.
E nada menos que com Matarile, com um espectáculo, di a imprensa, de grande formato, que auna teatro, dança e música em directo, de criaçom e direcçom de Ana Vallés, com composiçons originais de Benjamín Otero e espaço e iluminaçom de Baltasar Patiño.
Umha obra que recebeu o Prémio do Público ao Melhor Espectáculo na XIII Feira do Teatro da Galiza.

Contribuamos a fazer esta História, com a nossa presência esse dia acompanhando à Matarile. Nom só por ser umha companhia galega, e animar assim à Direcçom do Bergidum a que traiam mais companhias galegas, mas também porque Matarile bem o merece: as suas obras som, sem dúvida algumha, do melhor que se está a fazer na Galiza. Paga a pena.
As entradas, a 5 e 6 euros, estaram à venda a partir do dia 12 no próprio Teatro Bergidum.

E, para começar bem essa noite, nada melhor que antes passar pola Gatera (que está a menos de dous minutos), visitar ao camareiro e tomar umhas cervejas ou uns whiskies.
: )

Vemo-nos!