01-09-2005

  15:13:03, por Lugris   , 233 palavras  
Categorias: Cousas por cá

Tira por ela Galiza... (II)

Hoje, no Diario de León (página 12, ediçom Berzo), publicam, em espanhol, o artigo que aparecia neste blog há uns dias. Podede-lo ver .

Em La Crónica-El Mundo nom publicam o artigo, mas recolhem como notícia a sua existência (página 25, ediçom Berzo), baixo o titular (parcialmente inexaxto) "Galleguistas bercianos reclaman la adhesión del Bierzo a Galicia". Lamentavelmente, nom aparece na sua ediçom electrónica. Junto a esta notícia, recolhem outra, em breve, que também é de interés, referida à recolhida de assinaturas que o Foro Cultural pola Província do Berzo está a realizar nos últimos dias em Ponferrada, para solicitar ao Alcaide que coloque a bandeira da comarca na casa do Concelho (onde figuram as bandeiras de Europa, do Estado espanhol e de Castela e Leom, mas nom a do Berzo). Falaremos desta interesante iniciativa, com a que estamos a colaborar na medida das nossas possibilidades, em próximos comentários.

Voltando ao artigo em questom, temos que dizer que a algumhas pessoas surprende o facto de que meios de comunicaçom, electrónicos e impresos, tidos por "nacionalistas", "galeguistas" ou simplesmente "progresistas", nom tenham publicado o artigo nem recolhido como notícia a sua existência. Será que nom é notícia? Sim, claro, como umha cousa assim ocorre todos os días...

Seguiremos a falar do tema nos próximos dias

Sem comentários ainda