ovnis e isoglossas

Com umha dessas notícias nas que nom se entende nada de nada se nom sabes de que vai o tema, e com um titular que parece tirado dum jornal de há sessenta ou setenta anos ("Apoyo a la defensa de las tradiciones del Bierzo"), El Mundo-La Crónica de León informava na sua ediçom do Sábado 3 de Setembro de que o Conselho Comarcal do Berzo apoiava a candidatura do Património Inmaterial Galego-Português para ser declarado Património da Humanidade por parte da UNESCO.

A notícia diz (a traduçom é nossa): "A Comissom de Cultura do Conselho Comarcal aprovou umha declaraçom de apoio à proposta de declarar Património da Humanidade às tradiçons do Berzo, englobadas dentro das da zona noroeste da península". Isso é saber redactar!
Prosigue. "A iniciativa surgiu da associaçom Santo Tirso do Eu, da localidade asturiana (sic) de Santo Tirso de Abres. Este colectivo impulsiona umha candidatura para que a UNESCO estabeleza o seu máximo grau de protecçom para as tradiçons e ritos do Occidente das Astúrias, o Berzo, Galiza e Portugal".

"Esta proposta foi aprovada por unanimidade na Comissom do Conselho. A conselheira de Cultura, María Luisa González, expresou o seu respaldo a umha iniciativa que procura preservar umha cultura a ponto de desaparecer. Estra proposta recebeu também o apoio de multidom de instituiçons galegas e portuguesas".

A notícia ainda sigue umhas quantas linhas mais.

Bem está que o Conselho Comarcal apoie esta candidatura. O negativo é que os meios de comunicaçom informem tam mal sobre a notícia. É possitivo este apoio por parte de entidades berzianas, tendo em conta, ademais, que, novamente, nas Astúrias, os elementos mais patologicamente antigalegos tenhem montado (com o apoio da imprensa reaccionária) umha nova campanha de manipulaçom devido ao apoio a esta mesma iniciativa por parte de diversas entidades do Návia-Eu.

Proximamente, parece ser que o dia 17 de Setembro se nom há mudanças, haverá um acto público, a celebrar em Vila Franca, de apoio a esta Candidatura, com a presença de diversas entidades culturais do Berzo, alcaides, concelheiros, responsáveis políticos de diversas administraçons, tanto da Comunidade Autónoma da Galiza como da Comunidade Autónoma de Castela e Leom, etc..., e possivelmente também com representaçom da Seabra e as Portelas. O acto consistirá num encontro sobre tradiçom oral, e contará com umha exposiçom de artesania e ofícios tradicionais e música por parte de grupos da regiom.