10-11-2005

  19:42:07, por Lugris   , 131 palavras  
Categorias: Cousas por cá

Tempo...

Levo tanto tempo sem escrever no blogue, que mais de um ou umha pensariam que isto já estava morto. Pois nom! O que está morto, se algum deus das novas tecnologias nom o remédia, é o meu computador, que parece que decidiu boicotar o meu contacto com a rede...
Para alem disto, a minha condiçom de pluriempregado (um trabalho de manham, outro trabalho na tarde-noite), tem-me impedido mesmo achegar-me a um ciber para actualizar este modesto blog de operário. Hoje, só queria vir cá para dizer que sigo vivo, e que no Berzo seguimos recebindo visitas de Ovnis que sobrevoam as nossas isoglossas, ainda que eu nom poda contá-lo.
Veremos se com o passo do tempo, podo novamente recuperar as minhas relaçons com a rede...
Saúdos

1 comentário

Comentário de: oollodavaca [Visitante]
oollodavaca

O outro día comenchateábamos co meu irmán que este mundo non é para nós. Está deseñado para que nos machaquen vivos e nós deixámonos en aras da supervivencia (ás veces máis “súper” do mínimo indispensábel pero aí está a nosa capacidade infinita de crearnos necesidades (im)prescindíbeis). Pero, por riba, algúns temos a ocorrencia revolucionaria de querer facer cousas fóra do traballo que non son nin alimentar o corpo nin durmir.

El engadiu que este mundo non é así, pero nolo teñen secuestrado.

Ten razón.

Unha aperta grande, Igor. Que o mundo non te devore.

Eu sígoche debendo unha visita. Pero é que non sería un OVNI no Berzo. Sería a fin do mundo, a estas alturas…

17-11-2005 @ 14:26