03-05-2006

  16:11:56, por Lugris   , 426 palavras  
Categorias: Cousas por cá

Dia das Letras no Berzo em risco

Colo aqui a informaçom tirada do PGL sobre a celebraçom do Dia das Letras no Berzo, da autoria da Sílvia Ribas. Evidentemente, agradecemos a sua maxima difussom possível, e a colaboraçom de todas as pessoas.

Os actos que desde há uns anos vêm decorrendo no Berzo, organizados pola Associaçom Cultural Fala Ceive, correm o risco este ano de nom se poderem realizar. Nos últimos anos, membros da associaçom corriam com as despesas das actividades, que, ainda que modestas, davam a conhecer por muitos lugares a problemática do galego e do ensino em galego nesta parte da Galiza nom administrativa.

O problema que agora se levanta é que a Universidade de Castela e Leom acaba de nos passar um orçamento de mais de 300 euros para podermos utilizar durante 4 horas, sexta-feira dia 12, um salom de actos, algo, ao menos pola minha parte, nunca visto em nengumha outra Universidade. Como se pode supor, nós nom podemos somar essa despesa às outras que se geram na organizaçom de um encontro com mais de 300 pessoas de assistência e uns 30 convidados entre crianças, poetas, músicos, etc.

O que tenho claro é que parece que querem calar-nos a boca. Este ano todos os locais «estám ocupados» e das portas em que batim, até os dias de hoje, ainda nom recebim resposta. Falo do Presidente da Junta da Galiza, Vice-presidente, Conselheira da Cultura e outras associações da Galiza administrativa que em princípio poderiam dar umha mão para solucionar esta situaçom, porque polos da outra banda, já vemos o que há.

Já chegados a este ponto, só fica fazermos pública a grave situaçom em que nos encontramos. Ou fazemos um acto menos ruidoso, e que nom moleste tanto, ou nom fazemos nada, que quase pode ser o mesmo.

Temos claro e somos conscientes que Fala Ceive molesta, e muito, em certos lugares, que nom estamos bem vistos nem bem considerados. É o que tem a defesa da língua nalguns lugares.

Agora solicito ajuda a todo o mundo que poda. Apenas 1 euro, 3, 5... somando fam umha boa cheia. O prazo, quinta-feira desta semana, para fazermos pública a noticía de se podemos ou nom organizar os actos pagando o local e outras pequenas cousas que há.

* Sílvia Ribas é Secretária de Organizaçom de Fala Ceive do Berzo e Coordenadora do Dia das Letras 2006.

Número de conta 2091-0542-11-3000026492 de Caixa Galicia [Sílvia Ribas] depositando a ajuda em conceito de Dia Das Letras do Berzo 2006.

1 comentário

Comentário de: ocorral [Membro]  
Corral

O que seguo sem entender é como Fala Ceive ainda nom existe legalmente. E fago-me umha pergunta, por quê?

03-05-2006 @ 22:37