ovnis e isoglossas

Como informei no anterior comentário, este ano, na celebraçom do Dia das Letras no Berzo, Fala Ceive realizará umha homenagem a Aquilino Poncelas e a Alícia Fonteboa.

Aquilino Poncelas Abella, é autor dos livros ?Contos e Lendas do Bierzo?, bilíngüe galego e espanhol, editado polo Instituto de Estudos Bercianos, em Novembro de 2004, com o patrocínio da Xunta da Comunidade Autónoma de Galiza, a Junta de Castela e Leom,o Conselho Comarcal do Bierzo, o Concelho de Ponferrada, o Instituto Leonês de Cultura e Caja Espanha; ?Contos do Bierzo e os Ancares?, editado pola Associaçom Cultural Carocos, de Val Boa, em 1986; ?O mestro púxose louco" (1995); e ?Estorias e contos do Bierzo e dos Ancares?, editado em 1992, a proposta da entom existente Mesa para Defensa do Galego do Bierzo e do Instituto de Estudos Bercianos, pola Direcçom Geral de Política Lingüística da Xunta da CAG. Tem publicado numerosos artigos em diversos meios de comunicaçom, assim como participado em innumeraveis congressos e encontros sobre tradiçom popular, literatura oral, etc... Entre os seus artigos, destacamos um do que já falamos neste blog: "Leonesistas de ficción", publicado no Diário de Leom.

Alicia Fonteboa, é autora do importante livro ?Literatura de tradición oral en El Bierzo? (ediçom da autora, Ponferrada, 1992); e também co-autora de ?Didáctica do folclore literario?. Foi coordenadora do Atlas Lingüístico do Bierzo (ALBI), dirigido por Manuel Gutierrez Tuñón, e começado a publicar em 1996 polo Instituto de Estudos Bercianos.

No blogue "O Bierzo Ceive" poderás ver mais informaçom sobre bibliografia a respeito da língua e a cultura galegas do Bierzo.