ovnis e isoglossas

Onte mesmo, falavamos sobre a renovaçom do convénio "del gallego", e criticavamos que todo se resumira, finalmente, na esperança de que a vontade da "Ghunta" de Castela e Leom em permitir o ensino da nossa língua na nossa regiom nom tivera fim. De certo, na próxima quarta-feira, quando o conselheiro de educaçom da "Ghunta", Francisco Javier Álvarez Guisasola, e a conselheira da Junta, Laura Elena Sánchez Piñón, assinem o novo acordo, todo serám fotos, declaraçons de boas intençons, promesas. Propaganda. Pura e dura propaganda. E agitaçom, claro. Que a realpolitik nom está rifada com a agitprop (isso já o descobrirom os políticos profesionais há muito tempo). Mas será tudo, realmente, umha grande mentira.


Onte mesmo pudemos descobrir novamente a realidade. A realidade que, com certeza, nom vai sair nos meios de comunicaçom massiva. A realidade que demostra que a política a respeito da nossa língua no Berzo (e em geral no conjunto dos territórios da faixa oriental) nom é mais que promesas e mentiras.

Leia mais »

Começou a anexom, a colonizaçom, a invasom,... Como lhe queirades chamar.
Política de factos consumados. E logo ainda haverá quem diga que o bipartito nom tem audácia!

Parece que finalmente na próxima quarta-feira, a Junta da Galiza e a "Ghunta" de Castela e Leom vam assinar, por meio dos/as seus/suas conselheiros/as de educaçom, a renovaçom do convênio que permite impartir a nossa língua na nossa regiom. Nom está mal. Nom foi sem tempo que andiverom a negociar. Fala Ceive vinha reclamando há tempo esta renovaçom, como um mal menor.

Leia mais »

O CGAC, o Centro Galego de Arte Contemporánea, apresentou onte o novo vestiário d@s trabalhadores/as, que foi encarregado às alunas (todas elas som alunas, nom há homens), do Centro de Estudos Superiores de Desenho Textil e Moda de Galiza (Esdemga), radicado em Ponte Vedra, onde compartilha edifício com a Faculdade de Belas Artes da Universidade de Vigo.

Leia mais »

Nos EUA duvidam da capacidade intelectual de Bush. Editorialistas e comentaristas conservadores norte-americanos estam começando a duvidar da capacidade do presidente George W. Bush para dirigir os EUA e se questionam a respeito de sua política exterior, especialmente no Iraque, segundo AFP.

"Bush é um imbécil?". Tal foi a provocadora pergunta que há dias atrás lançou Joe Scarborough, ex-legislador republicano e apresentador do programa "Scarborough Country", da cadeia de televisom MSNBC, um questionamento ouvido mais freqüentemente entre os grupos da esquerda norte-americana.

"Há seis anos que George W. Bush é ridicularizado polos círculos de esquerda do país. Mas agora, em lugar de rir-se da arrogáncia dos democratas, os republicanos se unem à esquerda para questionarem a respeito das façanhas intelectuais do presidente", disse Scarborough no site de seu programa, onde censura o mandatário por sua "falta de curiosidade intelectual".

Numerosos candidatos republicanos, em campanha para as eleiçons legislativas de Novembro, se distanciam da administraçom Bush sobre Iraque, enquanto vários editorialistas e comentaristas conservadores da televisom, os chamados "formadores de opiniom", começaram a lançar suas dúvidas.

Aparece nos meios a projecçom hoje do documental. Podedes ver a notícia no web de NÓS-UP e no de Corrente Vermelha (acertadamente, titulam: "Galiza: NÓS-UP y Corriente Roja organizan proyección del video documental Memoria, Dignidad y lucha"). Também no Diário de Leom, que parece que querem boicotar o acto e dim que é para as 22'00h, e nom para as 20'00h. E também aparece no Mundo-Crónica de Leom, mas só na sua ediçom impresa.

Esta Quinta-feira, 24 de Agosto, a partir das 20’00horas, na Casa da Cultura (Polígono das Hortas), em Ponferrada, projectará-se o documental “Memória, Dignidade e Luita”, realizado polo colectivo La Plataforma , num acto organizado conjuntamente pola Assembleia Comarcal do Berzo de NÓS-Unidade Popular e a estrutura berziana de Corrente Vermelha.
O documental, é umha reflexom sobre a ‘Transiçom democrática’ ou a continuidade do franquismo por outras vias.

Leia mais »

Conhecemos hoje pola imprensa, que o Conselho Comarcal do Berzo, a única instituiçom que reconhece e recolhe a existência desta regiom, convoca o "Primeiro Certame de pintura Maruja Malho", com a Igualdade de Oportunidades entre Mulheres e Homens como temática de fundo, e fazendo parte das iniciativas desenvoltas dentro do II Planop de Igualdade de Oportunidades entre Mulheres e Homens da dita instituiçom.

O praço de apresentaçom de obras remata o 6 de Outubro, e estabelece um prémio de 600 euros para a pessoa ganhadora, e 400 euros para a finalista. Cada pessoa poderá participar com um máximo de duas obras, inéditas e originais.
Neste certame, poderam participar pintoras e pintores que tenham fixada a sua residência na regiom do Berzo ou em Viveiro (lugar de nascimento de Maruja Malho)
Todas as obras seram expostas ao público do 16 ao 29 de Outubro na Obra Social de "Caja España" em Ponferrada.
As bases podem ser recolhidas na sede do Conselho Comarcal ou na sua página web.

Link: http://www.agal-gz.org/blogues/index.php?blog=16&cat=259

Quem conheça o Berzo, saberá que em Ponferrada se celebra um grande mercado todas as quartas e sábados: roupa, froita e demais produtos desta regiom, e, por suposto, música, é o que se pode atopar quem dedique os dias a caminhar um lugar que ocupa várias ruas, e que conserva o agradável sabor de antano.
Pois nese mercado, no típico posto de venda de CD's e DVD's, com a música a todo volume,... qual é umha das cançons que podemos escuitar cada quince ou vinte minutos?
Acertarom.

Compreendim tarde de mais
que nom era que tu nom fosses vir
Era que eu
nom ia estar