ovnis e isoglossas

NÓS-UP homenageará as vítimas do holocausto galego no Dia da Galiza Combatente

A nossa organizaçom dedica neste ano o Dia da Galiza Combatente, que nesta ocasiom será no dia 7 de Outubro, às vítimas do que pode ser definido como verdadeiro holocausto galego, aplicado implacavelmente polos fascistas alçados em 1936 contra a legalidade republicana. O acto celebrara-se no Alto do Furriolo na Terra de Cela Nova.
Coincidindo com o ?Ano da Memória? que sectores mui diversos do movimento popular e algumhas instituiçons estám a comemorar, NÓS-UP quijo centrar a jornada em que comemoramos a capacidade de luita historicamente demonstrada polo nosso povo numha série de actos que reivindiquem essa memória.

E vamos fazê-lo ultrapassando a evocaçom nostálgica, sentimental e historicista, ligando a liquidaçom de milhares de galegos e galegas durante quatro décadas de ditadura militar com a continuaçom do franquismo reformado que representa o sistema monárquico imposto à morte do ditador.

A luita que custou a vida a tantos e tantas compatriotas mantém plena vigência e assim o afirmamos, sem complexos nem concessons, neste Dia da Galiza Combatente. Denunciaremos, sim, a política de extermínio físico e ideológico do melhor da Galiza que estava a ser construída pola classe trabalhadora e o movimento popular na década de 30. Mas também esta II Restauraçom Bourbónica ilegítima e que nega os nossos direitos nacionais, da classe trabalhadora e das mulheres.

Porque nós, como o melhor de aquele movimento popular ceifado polo fascismo, somos também anticapitalistas, laicistas e anticlericalistas; somos também pola soberania nacional plena, defendemos umha democracia verdadeira ao serviço da maioria, os direitos das mulheres e umha Galiza republicana.

Por todo o anterior, afirmamos: 1936-2006 A luita continua!

HOMENAGEM NACIONAL ÀS VÍTIMAS DO HOLOCAUSTO GALEGO

Sábado dia 7 de Outubro

Programa previsto:

· 13 horas: Concentraçom no alto do Furriolo, a poucos quilómetros de Cela Nova, onde fôrom fusiladas dúzias de presas e presos procedentes do campo de concentraçom do mosteiro de Sam Rosendo de Cela Nova.

· Intervençom de:

- Carlos Morais, membro da Direcçom Nacional de NÓS-Unidade Popular

- Diego Bernal, BRIGA (organizaçom juvenil da esquerda independentista)

- Conchita Nogueira, Comissom da Memória do 36 em Vigo

- Representante da Associaçom Cultural Arraianos

- Lois Pérez Leira , Comité Galego Bolivariano

· Oferta floral no monumento às vítimas do franquismo

· Recital poético com Igor Lugris, Cruz Martínez, Rosanegra e Ramiro Vidal Alvarinho

· Canto da Internacional e do Hino Nacional

· Posteriormente terá lugar um jantar de confraternidade num restaurante próximo.

Para facilitar a assistência, a nossa organizaçom disponibilizará autocarros que partirám de Ferrol, Corunha, Compostela, Ponte Vedra, Vigo e Ponte Areas.

Saídas:

FERROL-CORUNHA-COMPOSTELA- ALTO DO FURRIOLO
Ferrol às 9h da paragem das Pias
Corunha às 10h de Sam Pedro de Mezouço
Compostela às 11h da Estaçom de Autocarros

PONTE VEDRA ? VIGO ? PONTE AREAS ? ALTO DO FURRIOLO
Ponte Vedra às 10h diante do Concelho
Vigo às 11h na Praça dos cavalos (Praça de Espanha)
Ponte Areas às 11,30 h na Baiuca Vermelha

Por preços populares de 15 ? para estudantes e desempregad@s e 20 ? para trabalhadores/as em activo, inclui-se a viagem e o jantar com que concluirá a jornada.

As pessoas interessadas podem adquirir o bono na Fundaçom Artábria (Ferrol), CS Henriqueta Outeiro (Compotela), CS Revira (Ponte Vedra), LS Baiuca Vermelha (Ponte Areas) ou no Local dos argentinos no exterior (Doutor carracido nº 27, Vigo).