29-01-2007

Link permanente 08:46:49, por i (gor) Email , 319 palavras   Português (GZ)
Categorias: Cousas por cá

Pola devoluçom do Património Histórico-Artístico berziano!

O Foro Cultural pola Província do Bierzo recolhe assinaturas para recuperar a Cruz de Penalva.

O Foro Cultural pola Provincia do Bierzo, entidade que trabalha em defesa da cultura, identidade história, territorialidade e idiosincrásia da regiom berziana, vem de iniciar umha campanha de recolhida de assinaturas para conseguir a devoluçom da Cruz de Penalva, símbolo do Bierzo que aparece na Bandeira e no Escudo desta nossa regiom.
O Foro informa de que esta iniciativa se insire dentro das suas actividades de denuncia do expólio do património histórico-artístico berziano, e que tem como obxectivo recuperar esta cruz votiva de Ramiro II, datada cara o 940, que foi feita “dessaparecer” e levada a Leom a meados do século XX por um penitenciário da Catedral de Leom que, posteriormente, chegou a ser Bispo de Astorga.A Cruz, é umha das principais peças históricas das que se reivindica, desde há tempo, a sua devoluçom ao Bierzo por parte de numerosas associaçons e colectivos conscienciados na defesa do património berziano.
O Foro declara que “resulta muito triste que o Sr. Presidente da Junta (de Castela e Leom), Juan Vicente Herrera, diga que tem muito presentes os museus do Bierzo, ao tempo que possa, diante dumha das principais obras de arte expoliadas”, e que mentres diversas instáncias leonesas protestam da dispersom do seu património por diversos museus e cidades, afanam-se em apresentar como um dos seus principais reclamos turísticos umha peça “substraida ao Bierzo”.
O Foro insiste em que esta iniciativa nom é negumha reclamaçom partidista, mas umha exigência dos berzianos e as berzianas ante a falta de atençom que a nossa regiom vem sofrendo ao reclamar a devoluçom do património.O seu comunicado remata dizendo: “Queremos que a Cruz de Penalva e todas as demais peças ROUBADAS ao Bierzo sejam devoltas”.

28-01-2007

Link permanente 17:24:32, por i (gor) Email , 64 palavras   Português (GZ)
Categorias: Escrever nom é mau, Livros, O Livro das Confusons

O Livro das Confusons no Diário Cultural da Rádio Galega

Durante esta semana, os poemas que se poderam escuitar no Diário Cultural da Rádio Galega, serám os do meu livro "O Livro das Confusons".

Lembra que a Rádio Galega pode-las escuitar nestes pontos do teu dial, ou bem na internet em directo, ou escolhendo o programa que desejar.

Escuitamo-nos nas ondas!

E para rematar, umha ligaçom musical. Que gostedes!

25-01-2007

Link permanente 20:50:13, por i (gor) Email , 183 palavras   Português (GZ)
Categorias: Cousas por aí

Lugris, apelidos e emigraçom

Navegando pola rede, chego até esta página, do Instituto Nacional (espanhol) de Estatística, na que podes escrever o teu apelido, ou qualquer outro, e mirar a sua distribuiçom geográfica polo estado, tendo em conta bem o lugar de nascimento ou o actual lugar de residência.
Provei com Lugris, e di-me que há 95 pessoas que o tenhem como primeiro apelido (distribuidos principalmente entre a Corunha (78) e Madrid! (13), e outras 135 que o tenhem como segundo apelido, distribuidos novamente entre Corunha (96), Ponte Vedra (8)e Madrid (11). No resto do estado, só haveria 4 pessoas que o levam como primeiro apelido (e eu e Xende somo duas delas :)), e 20 que o tenhem como segundo apelido.
Curioso!
Depois decidim seguir provando com outros apelidos galegos. E constatei o que já todos sabemos: que há galegos em todas as partes, mas que a emigraçom às grandes cidades também se deixa notar aqui, e depois das quatro "províncias" da Comunidade Autónoma, os lugares onde mais apelidos galegos existem som Madrid e Barcelona, e muitas vezes mesmo por diante dalgumha das "nossas" províncias.

Link permanente 20:23:33, por i (gor) Email , 181 palavras   Português (GZ)
Categorias: Cousas por cá

Filo-café da incomunidade em Ponferrada

Enviam-me duas ou tres pessoas distintas, um correio para me informar da convocatória por parte da Incomunidade, dum filo-café em Ponferrada, que, coordenado por Deborah Nofret, terá lugar o 24 de Fevereiro, Sábado, a partir das 22:30 horas, no Café de Arlés, na Rua Ancha, nº 18 (zona alta da cidade).

Leia mais »

24-01-2007

Link permanente 17:29:43, por i (gor) Email , 272 palavras   Português (GZ)
Categorias: Escrever nom é mau, Livros

Volver-lhes a palavra

Recentemente, tem-me chegado à minha morada o volume colectivo "Volverlles a palabra", umha coediçom, coordenada por Xoán Carlos Domínguez e Baldo Ramos, da Difusora de Artes Letras e Ideas, da Junta da Galiza e com a colaboraçom da Associaçom Arraianos, no que se recolhem as colaboraçons literárias de 57 autoras/es e gráficas doutras 14 pessoas (entre elas, modestamente, eu próprio, com um pequeno poema inédito, nom publicado ainda em papel nem na rede) que querem, em palavras dos coordenadores, "render umha solidária e comovida homenagem a todas as mulheres e homens que foram repressaliados pola ditadura franquista por pensar e viver livremente num país que começava a nascer".

Leia mais »

Link permanente 11:02:04, por i (gor) Email , 31 palavras   Português (GZ)
Categorias: Estam tolos estes espanhois

Cuidado! Vam por ti!

Neste caso, a categoria dos comentários deveria chamar-se: "Som uns fascistas estes espanhois". Já se ve qual é o verdadeiro talante dos progres!
De qualquer forma, cuidado. Muito olho, e avante!

23-01-2007

Link permanente 19:54:14, por i (gor) Email , 237 palavras   Português (GZ)
Categorias: Cousas por aí

Conta-me como se passou (ou "Aqueles marabilhosos anos")

Entro no meu messenger, e aperece alguem que me envia umha ligaçom para um vídeo de youtube, no que se recolhe um capítulo dumha possível série para a tele, que se poderia chamar "Conta-me como se passou" ou bem "Aqueles marabilhosos anos", ou ainda "Momentos gloriosos do movimento nacional popular".

Entre, e mira a colecçom completa, para saber como eram todos estes com 22 anos menos (e é que, contrariamente ao que di o tango, 20 anos som muito!)

Suso Vaamonde, Milladoiro, Los Ilegales, Radio Océano, Lois Diéguez, Xosé Mª Álvarez Cáccamo, Os Resentidos, Manuel María, Darío Xohán Cabana, Terminal Norte, 39 Escalones, Na Lúa, Xosé Manuel Beiras, Manuel Rivas, Antón Reixa, Xosé Luís Méndez Ferrín, Aerolíneas Federales... Todos juntos e revoltos a dizer cousas que hoje, practicamente todos eles, nom diriam. Por certo: fixai-vos que todos som ELES. Elas, no glorioso movimento nacional popular, deviam estar dedicadas a outras cousas.

Ferrim a reclamar o socialismo real "que existe na URSS, em Cuba, em Ángola", para Galiza; Rádio Oceano a falar contra "um governo de moros, de moros, de moros de mierda que quiere acabar con un pueblo de trabajadores navales; Xosé Manuel Beiras, "rector in pectore" da USC, segum o apresentador, acusando ao governo espanhol do PSOE e a Junta de querer reconvertir a universidade para que apodreza, etc... etc... etc...

Link permanente 19:08:02, por i (gor) Email , 82 palavras   Português (GZ)
Categorias: Stop hipocrisia!

Da esquerda da esquerda à direita do centro

Ia escrever um comentário sobre aquela velha (e agora já, caduca) "esquerda da esquerda" que nos anos 60 e 70 caminhavam entre nós, ao fio do aniversário dumha velha publicaçom da esquerda esquerdista espanhola, que estivo cheia de personagens que presumiam precisamente disso, de estar à esquerda da esquerda, para terminar, hoje em dia, à direita do centro (quando nom à direita da direita), mas atopei em Rebeliom um muito bom texto de Emir Sader, que recomendo: Guía para ser ex izquierdista

17-01-2007

Link permanente 15:17:22, por i (gor) Email , 63 palavras   Português (GZ)
Categorias: Cousas por cá

Mofa e Befa no Bierzo

Dentro do programa "Lenguas a escena", que organiza a Escola de Idiomas de Ponferrada, a quarta feira 14 de Fevereiro, às 21'00h,no teatro Bergidum de Ponferrada, poderemos ver a Mofa e Befa com a sua obra "SEMPRE LONXE", con Evaristo Calvo, Victor Mosqueira e Piti Sanz, dirigdos por Kiko Cadaval.

Aqui podedes ver umha pequena parte do espectáculo. Mais que recomendável!

Janeiro 2007
Seg Ter Qua Qui Sex Sab Dom
 << < Atual> >>
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31        

Busca

Ferramentas do usuário

Feeds XML

powered by b2evolution free blog software