23-01-2007
Conta-me como se passou (ou "Aqueles marabilhosos anos")
Entro no meu messenger, e aperece alguem que me envia umha ligaçom para um vídeo de youtube, no que se recolhe um capítulo dumha possível série para a tele, que se poderia chamar "Conta-me como se passou" ou bem "Aqueles marabilhosos anos", ou ainda "Momentos gloriosos do movimento nacional popular".
Entre, e mira a colecçom completa, para saber como eram todos estes com 22 anos menos (e é que, contrariamente ao que di o tango, 20 anos som muito!)
Suso Vaamonde, Milladoiro, Los Ilegales, Radio Océano, Lois Diéguez, Xosé Mª Álvarez Cáccamo, Os Resentidos, Manuel María, Darío Xohán Cabana, Terminal Norte, 39 Escalones, Na Lúa, Xosé Manuel Beiras, Manuel Rivas, Antón Reixa, Xosé Luís Méndez Ferrín, Aerolíneas Federales... Todos juntos e revoltos a dizer cousas que hoje, practicamente todos eles, nom diriam. Por certo: fixai-vos que todos som ELES. Elas, no glorioso movimento nacional popular, deviam estar dedicadas a outras cousas.
Ferrim a reclamar o socialismo real "que existe na URSS, em Cuba, em Ángola", para Galiza; Rádio Oceano a falar contra "um governo de moros, de moros, de moros de mierda que quiere acabar con un pueblo de trabajadores navales; Xosé Manuel Beiras, "rector in pectore" da USC, segum o apresentador, acusando ao governo espanhol do PSOE e a Junta de querer reconvertir a universidade para que apodreza, etc... etc... etc...
3 comentários
E que… vinte anos pasan para todo o mundo. Non cres que a mudanza forma para da existencia humana? Tampouco o país era o mesmo…
Nom tenho dúvida, Davidú, de que a mudança nom só fai parte da existência humana, mas é mesmo intrínseca ao ser humano. Há 22 anos o país nom era o mesmo, e ninguém de nós era practicamente o mesmo que o que è agora. O destacável destes vídeos nom é constatar o passo do tempo, mas constatar o(s) cámbio(s) políticos e intelectuais de algumhas pessoas. Porque, até onde a mim se me alcanza, por exemplo, a USC segue a ser tam podre como há 22 anos, só que Beiras já nom denuncia isso (e a moreia de catedráticos e profesores vinculados ao Bloco também nom, claro). Este comentário pode-se ler acompanhado do anterior, o referido aos ex-esquerdistas.Saúde!
Escreve-me o Ramiro (www.tangaranhovermelho.blogspot.com)um correio, a conta deste comentário e estes vídeos, e di-me:
“hehehe…eu estivem aló. Porque o meu pai trabalhava em ASTANO, e de facto, mercé a aquela reconversom naval perdeu o emprego. Todo um espectáculo ver a Xosé Manuel Pereiro chamando “moros de mierda” aos seus hoje praticamente correligionários, passadíssimo, por certo, de algum tipo de substáncia sico-trópica. Dos despojos de Terminal Norte surgiu o sub-produto horteril Limones del Caribe.
Ciao, ciao…”
Pois também há um video dos Limones no youtube: http://youtube.com/watch?v=RXH8C8Tvox8 O seu grande “sucesso” Ferrol. Em duas palavras Spes Tacular
