24-01-2007

  17:29:43, por Lugris   , 272 palavras  
Categorias: Escrever nom é mau, Livros

Volver-lhes a palavra

Recentemente, tem-me chegado à minha morada o volume colectivo "Volverlles a palabra", umha coediçom, coordenada por Xoán Carlos Domínguez e Baldo Ramos, da Difusora de Artes Letras e Ideas, da Junta da Galiza e com a colaboraçom da Associaçom Arraianos, no que se recolhem as colaboraçons literárias de 57 autoras/es e gráficas doutras 14 pessoas (entre elas, modestamente, eu próprio, com um pequeno poema inédito, nom publicado ainda em papel nem na rede) que querem, em palavras dos coordenadores, "render umha solidária e comovida homenagem a todas as mulheres e homens que foram repressaliados pola ditadura franquista por pensar e viver livremente num país que começava a nascer".

Entre as pessoas que participam, encabezados por um prólogo de Xesús Alonso Montero, (nom os vou nomear a todos por que som muitos/as), quero citar especialmente, por motivos diversos, ao próprio Baldo Ramos, Maria do Cebreiro, Estíbaliz Espinosa, e Franck Meyer.
Mais a nómina é muito mais ampla:Anxo Angueira, Xurxo Borrazás, Marica Campo, Arturo Casas, Olalla Cociña, Bento da Cruz, Marta Dacosta, Isaac Diaz Pardo, Celso Fernández Sanmartin, Antón Lopo, Chus Pato, Elvira Riveiro Tobio, Martín Veiga, José Viale Moutinho, Miro Villar, etc...

"Tentamos implicar, dim os coordenadores, o maior número para que a devoluçom da palavra fose plural e definitiva. Ao nosso chamado tiverom a bem responder as voces que fam possível este clamor. Que agrome nelas o futuro que a tantos inocentes lles negarom e que na nossa memória se deam por vingados".

Que assim seja.

Sem comentários ainda