ovnis e isoglossas

Finalmente, o Sábado 31 celebramos a Expo Cadáver.
Concha Roussia, Rosanegra, Cruz Martínez e Ramiro Vidal acompanharom-nos no recital-apresentaçom dos, por agora, 61 poemas, 61 cadáveres, que configuram a exposiçom.

Com música ambiente de Fanny e Alexander, Le Glamour Grotesque, Marful, Madredeus, Bajo Fondo Tango Club e Abe Rábade, e com a ausência, por problemas de última hora, de Xosé Constenla, às 20'30h. abrimos as portas da Galeria de Arte Dosmilvacas.arte de Ponferrada.

Continua:

Várias dúzias de pessoas assistiram à inaguraçom da Expo Cadáver, e ao recital de poesia, no que, ademais, várias das pessoas assistentes participarom lendo alguns do Cadáveres esquisitos que estavam pendurados nas paredes.

El Mundo-La Crónica de León, publicava onte, Domingo 1 de Abril, umha notícia (com foto)e umha breve sobre a inauguraçom. Também foi recolhida a celebraçom da exposiçom por Canal 4 TV, e por Bierzo TV. Nesta última, podedes ver umha pequena reportagem, onde se recolhem imagens da Exposiçom e umha pequena entrevista (bilíngüe) que me figerom, entrando na ligaçom de "Exposiciones".

Bica de Trives (espectacularmente deliziosa), vinho do Bierzo e licor café de Compostela acompanharom-nos durante todo o acto, e as palavras das e dos poetas presentes figerom que a tarde-noite decorrera suave entre palavras, versos e poemas.

As celebraçons posteriores, entre limonadas, cervejas, e outras bebidas de mais alta graduaçom, e com a companhia da música dos bares que percorrimos em peregrinaçom (Jazz Machine, Gatera, Escandalera e Gato Pardo), durarom até as cinco da manham para os mais resistentes.

Nos próximos dias irei subindo algumhas das fotos do acto. Resta é agradecer a todas as pessoas que tenhem participado na elaboraçom desde Cadáver, aos e às poetas que asistirom (e aos que nom puderom asistir também), e a todas as pessoas que participarom na inauguraçom. Por suposto, agradecer especialmente à Galeria e à galerista, Reme, por ter apoiado entusiasticamente a ideia desde um princípio, e às pessoas que me ajudarom a fazer realidade esta proposta (muito especialmente a Fede, o sudaca, porque sem ele nom teriamos aberto às portas às 20'30h.) E agradecer também à Tradutores sem Fronteiras, que figerom a versom inglesa do texto de apresentaçom.

Agora, a intençom é que a Expo Cadáver visite outras vilas, outras cidades, outras galerias e salas de exposiçons. Terei-vos informados/as.

Vemon-nos na rede!. Lemo-nos na literatura! Omnia sunt comuna.