ovnis e isoglossas

Manham, Sexta-feira, 15 de Junho, às 21'30h., abre as portas o encontro artístico, literário e gastronómico que, baixo o nome de "alimentARTE", se celebrará na Galeria DOSMILVACAS.a r t e (Avd. de Astorga, 7, baixo) de Ponferrada. Umha mostra colectiva na que participam perto de 30 artistas, e que apresentaram as suas obras na sala dirigida por Remédios Carrera.

Este encontro, que oferece umha visom ampla, plural, colectiva e diversas sobres as relaçons entre o mundo da arte, a literatura e a gastronomia, estará aberto até o 19 de Junho.

À proposta enviada pola Galeria e por este blog a diversos artistas, galegos/as e berzianos/as, foi aceitada por um amplo numero de pessoas que agora nos oferecem a sua versom, a sua visom, tendo como resultado umha coral de miradas, umha mostra lúzida e mestiza, que, de variadas perspectivas e técnicas, da pintura à poesia, passando pola fotografia, a escultura ou a instalaçom, refletem sobre as conexons e interrelaçons possíveis, e às vezes mesmo impossíveis, entre os mundos propostos.

A mostra, que se inaugurará contando com a presença de grande parte dos e das autoras, conta com a colaboraçons de diversas entidades, relacionadas com a gastronomia e/ou a arte, que fam possível as interesantes actividades paralelas previstas dentro dos dias que esteja a exposiçom aberta. Carnicas bolero, o pub La Escandalera e a Escola de Cinema de Ponferrada som também parte integrante deste encontro, que ante todo se pretende aberto, participativo e lúdico. Um espaço de encontro para e por os e as artistas e o público em geral.

Baldo Ramos, Benjamin G. Laiz, Bruno Santín, Callejo, Chn, Cocky, Concha Rousia, Cristina González, Eva Moreno Herrera, Elvira Ribeiro Tobio, Federico Segura, Gloria Villaroel, Guillermo Muriel, Igor Lugris, Jayme Filho, Lolo Serantes, Luis Gómez Domingo, Mónica Doldán, Paco Arias, Patere, Raquel Montero, Reme Remedios, Ricardo Fernández, Ricardo Pérez Palacios, Roberto Sanz e Talita Acosta som as pessoas responsáveis das obras, que nos abrem as portas para adentrarmo-nos, com todos os sentidos possíveis, com todos os sentidos que sejamos capazes de levar conosco, a um mundo, a uns mundos, como dim os organizadores/as, "próximos e longínquos, imprescindíveis e necessários".

Só nos resta dizer: Bom proveito!!!