ovnis e isoglossas

Estivemos no Sábado da semana passada, como nom podia ser doutra forma, na Jornada organizada pola esquerda anticapitalista berziana. De manham, no roteiro de homenagem aos guerrilheiros e guerrilheiras antifranquistas berzianas, nas Pontes de Malpaso. De tarde, no encontro sobre a situaçom do mundo laboral, em Carracedelo.

Foi umha jornada muito interessante, onde os e as organizadoras ficamos contentes polo sucesso da convocatória. No roteiro participamos perto de quarenta pessoas, e depois de chegar à Ponte grande, com parada na Ponte pequena para nos refrescar e descansar um pouco, celebramos o jantar de confraternizaçom e desenvolvimos umha animada e muito interesante conversa sobre diversos aspectos relacionados com a resistência antifascista no Bierzo, com as internvençons de Quico e Ramiro Vidal, e doutras várias pessoas assistentes. O acto culminou com o cántico de diversas cançons, entre elas o Grândola.
No acto da tarde, juntamo-nos perto de 60 pessoas, para falarmos sobre a situaçom do mundo laboral no Bierzo, e intercambiarmos experiências, pessoais e colectivas, contando com a animada intervençom de vários companheiros e companheiros que nos contarom as suas experiências na precariedade, as subcontratas, etc... e com a introduçom de Laurentino, que nos contou parte da sua intervençons sindical nos últimos anos e a actividade da Rede contra a Precariedade de Barcelona.

E as actividades relacionadas com a recuperaçom da memória histórica e a luita contra a simbologia fascista continuam. Esta semana, em Ponferrada, poderemos asistir ao acto de apresentaçom do livro de memória de Benjamim Rubio "Memórias de la lucha antifranquista", o dia 22 às 19.00 na Casa da Cultura de Ponferrada.

E para termos memória da actual luita contra a simbologia fascista ainda presente nas nossas ruas, nas nossas vilas, nas nossas aldeias e cidades, deixo-vos este interessante vídeo.

[youtube]lNXWK9M5azs[/youtube]