ovnis e isoglossas

Coincidindo com o Dia Internacional da Non Violéncia contra as Mulheres, a Estrela Vermelha de cinco pontas, que engloba a diversos sectores da esquerda anticapitalista do Bierzo, entre os quais está a esquerda independentista representada por NÓS-UP, convoca umha nova jornada de homenagem e debate, sob a palavra de orde "Memória para construir futuro".

Nesta ocassom, às 12.30h. realizará-se umha homenagem a todas as mulheres que participarom, dumha ou outra forma, com as armas na mao ou colaborando com ela, na guerrilha antifascista. Representadas no nome de Alida González Arias, integrante do grupo de guerrilheir@s antifranquistas de Girom, que operou no Bierzo desde o 36 até o 51, recuperará-se a memória dos centos de mulheres que com a sua actividade, com o seu esforço, com o seu sacrificio, figerom frente à barbárie fascista. O acto celebrará-se no cemitério de Salas dos Barrios, em Ponferrada, onde Alida González Arias, falecida em Setembro de 2006, está soterrada.

Pola tarde, a partir das 17.00h., terá lugar, no bar "Lauburu" de Ponferrada (zona alta, acarom do Campus) umha "Charla-Colóquio sobre as nossas luitas presentes e futuras: carestia da vida, problemas da vivenda, precariedade, etc...", com a participaçom do sindicalista e trabalhador da construçom Angel Luis Parras.

Com este novo acto, este espaço comum de trabalho e debate que a esquerda anticapitalista vai conformando no Bierzo, desde a pluralidade e o reconhecimento da diversidade das identidades que o conformam, dá um novo passo no caminho da sua consolidaçom.