ovnis e isoglossas

Caminhando polas ruas virtuais, visitando as casas dos amigos e as amigas, tomando-lhe um café por aí e um licor café por alá, atopei um lugar onde descansar um pouco mentres via umha interesante curta.
De súpeto, descobres umha das melhores vozes da nossa literatura, a falar nessa curta, porque o texto é seu, e se calhar mesmo a música está escolhida por ela.
Vejo umha, duas, três vezes o vídeo, ensino-lho a umha das companheiras do trabalho, e, sem poder resistir-me, escrevo este pequeno comentário, para dar-lhe publicidade, cumprindo com umha das minhas (auto)obrigas: ser um operário da agit-prop. E entom decidido seguir caminhando por essas ruas que poucas vezes visito.

[youtube]CMHdp_Rf05o[/youtube]

Justo nestes dias, a entrada à aldeia onde vivo está "engalanada" com umha grande faixa enriba da estrada que di mais ou menos "Bienvenida Virgen de la Encina". E cada vez que passo por baixo, dam-me ganhas de pintar na parede branca que está ali mesmo algumha palavra soez, qualquer barbaridade, ou simplesmente um claro "Deus nom existe".
E qual é o motivo da faixa? Pois parece ser que a secta essa dos católicos, celebra que há cem anos umha figura de madeira dumha mulher (que representa a submissom, a repressom, o patriarcado, a perseguiçom da liberdade, etc...), foi por eles mesmos levada "aos altares e coronada", baixo o nome de Virgem da Azinheira.
E agora, este ano, dedicam-se a fazer proselitismo das suas teorías supersticiosas, como crer que falar com um anaco de madeira pode solucionar os problemas da humanidade.

Em fim, deixo-vos um decálogo interesante, para mandar a tomar vento a tanto fervente católico.

Decálogo do ódio

1º Francisco Vázquez, embaixador espanholíssimo no Vaticano tratou de fazer o impossível para impedir a ampliaçom de direitos a gais e lésbicas. No 2004 o Bispo de Mondonhedo comparou a homossexualidade co assasinato, insistindo em que os 'actos homossexuais' som pecado. As instituiçons políticas seguem a amparar a influência social da igreja num estado que se di aconfesional.
A igreja mata

2º Nas estatísticas de suicídio adolescente e de vítimas de 'mobbing escolar' dispara-se a percentagem de jovens maricas, trans ou bolheras. A homofobia, a transfobia ou a lesbofobia seguem a ser factores determinantes do suicídio adolescente.
A igreja mata

3º Ao redor de 5.000 homossexuais, lésbicas, transsexuais e transgénero forom detidas e repressaliadas polo franquismo, com a cumplicidade da igreja católica que, en ocasons, actuava como denunciante. O governo franquista habilitou duas prisóns para homossexuais, umha em Badajoz e outra em Huelva, que em realidade funcionavam como campos de concentraçom. Os pressos eram obrigados a realizar trabalhos forçados. Nom seremos livres mentres existam cárceres e pessoas pressas.
A igreja mata

4º Entre 1940 e 1945 mais de 300.000 maricas, bolheras e trans forom assasinadas nos Campos de extermínio nazis. A igreja católica guardou um significativo siléncio durante todo o período nazi.
A igreja mata

5º A igreja católica colaborou co Apartheid em Sudáfrica até a sua aboliçom, em 1994. Nos meses anteriores à sua aboliçom houvo grandes manifestaçons de grupos católicos e racistas a favor do Apartheid.
A igreja mata

6º Em 1963 quedou abolida em Missisipi a lei que proibia o matrimónio entre brancos e negros. O Ku Klux Klan e numerosas organizaçons católicas pressionarom para que se mantivera a proibiçom.
A igreja mata

7º Em 1920 aprova-se nos Estados Unidos o direito ao voto das mulheres. A aprovaçom contou coa firme oposiçom da igreja católica, que considerava às sufragistas umhas loucas. No seu própio seio segue a negar que as mulheres podam aceder a oficiar sacramentos. A igreja invisibiliza às mulheres e relega-nos preferentemente ao papel de nai e esposa sumisa. No que vai de ano 32 mulheres perderom a vida no Reino de Espanha a mans dos 'seus homes'.
A igreja mata

8º No Brasil produce-se um assasinato homófobo, lesbófobo ou tránsfobo cada dous dias. As pessoas transsexuais e transgénero H-M som o colectivo que, estatísticamente, sofre maior violência machista.
A igreja mata

9º Dous milhons de pessoas em Sudamérica e 23 milhons em Âfrica som seropositivas. A igreja quere mais: persiste nas suas campanhas pro-fidelidade e contra o uso do condóm.
A igreja mata

10º Durante vários séculos a Santa Inquisiçom torturou e assasinou a milhares de mulheres, acusadas de bruxas, e de sodomitas, acusados de 'pecado nefando'. Na Itália 'finoccio' significa maricóm porque aos maricas cubriam-nos de folhas de finoccio para retrassar a queima e aumentar a agonia no lume. O outro termo italiano que designa aos maricas é 'frocci' que, ao igual que o inglês 'faggot' significa 'fazer lenha' (para as fogueiras). Especialmente espeluznante foi a repressom contra as populaçons indígenas do 'Novo Mundo' que integravam as práticas lésbicas e homossexuais na sua cultura. A igreja católica nunca se desculpou e segue a considerar 'contra natura' as nossas práticas sexuais.
A igreja mata.

Seguem a odiar-nos, seguem a considerar-nos enfermas, seguem a negar a nossa existência e liberdade....vas ficar calada?

Paremos à igreja católica e à sua reacçom moral