ovnis e isoglossas

Entre outras cousas que me mantiverom ocupado neste último mês, nom foi a menor (e também nom foi a maior, claro está), os exames de final de curso da EOI.
Onte mesmo pudem ver as qualificaçons no web, e estou contento. Rematado este curso, parece que agora me darám um título.

Mas há já uns quantos dias, celebramos umha ceia de fim de curso, e na mesma entregamo-nos a nós mesmos umha orla. Na foto, podedes ver (mal, porque é umha foto de móbil), à subdelegada Patrícia entregando-me a minha em solene acto, sem grandes alaracas mas entranhável.