02-07-2008

  08:26:40, por Lugris   , 172 palavras  
Categorias: Cousas por aí, Escrever nom é mau

Cinco por cento

Leo
em algures
que do que existe
do que nos rodeia
da realidade
só vemos um 5%
Só chegamos a ver um cinco por cento
Isso dim os científicos
E os filósofos
E os científicos filósofos
e imagino que também os filósofos científicos

Leo
que umha enigmática
desconhecida
e para nós invisível
matéria escura
ocupa o vinte por cento da realidade

E leo
que umha misteriosa
e se calhar
só hipotética
energia escura
supom o setenta e cinco
por cento
da realidade

A imensa maioria da realidade
se calhar nom existe
Em termos democrático-constitucionais
Todo é mentira
E a verdade é umha minoria
Respetável
mas minoria
e portanto insignificante

Estamos rodeados
por algumha cousa que nom só nom vemos
mas nem compreendemos
e que se calhar nom existe
ou nunca saberemos se realmente existe

Nem se trata de tomar
umha pílula
dumha ou doutra cor
Trata-se de ir mais alá
da realidade que conhecemos
cara a verdade
que nos agacham

Sem comentários ainda