ovnis e isoglossas

Está Ponferrada inçada (imagino que como muitas outras cidades e vilas da Galiza) de cartazes anunciando festas de "Halloween". Mas, quem organiza essas festas?: bares, pubs, cafetarias, cervejarias, discotescas, tascas, furanchos,... Halloween, que se calhar dentro de cento cinqüenta ou douscentos anos é já considerada umha festa "tradicional" ou "histórica", pertencente ao património imaterial de quen ande por estes lares na altura, Halloween, digo, é umha das festas mais comerciais que se "celebram" hoje em dia no nosso país; Ou, se calhar, a festa mais comercial, muito por diante doutras. Marcas de cerveja a fazer promoçons, marcas de whiskei a fazer mais promoçom, todo tipo de negócios subindo-se ao carro do ócio com a excusa do halloween.

A maior parte dos cartazes som practicamente iguais. Eu, até figem algum no trabalho, por encargo. E é que é isso o que pedem. Umha "imagem de halloween", di quem encarrega o cartaz. Porque no seu imaginário, e no nosso imaginário colectivo, nom nos enganemos, umha "imagem de halloween" e umha imagem do halloween ianqui. Porque os ianquis, a indústria ianqui do espectáculo, do entremento, da cultura, é a maior produtora de imaginário colectivo na nossa sociedade. E o resultado é esse: uniformidade. As nossas cidades cheias de cartazes com cabazas ianquis, com tipografia Blood Cyrillic, e anuncinado festas onde a grande protagonista é a cerveja ou o whiskie que promociona essa festa.

Mas as cousas podem ser doutro modo.

Já som doutro modo em algumhas vilas e cidades da Galiza. Lugares onde a festa tradicional, esta sim do Samain, ou Samhain, ainda se celebra ou está sendo recuperada.
Porque o Samain era, é, a festa que celebra o fim de ano no calendário celta. E porque a festa do Samain resistiu agora e sempre ao invasor. Porque é umha festa que permaneceu viva em muitas pequenas vilas e aldeias, onde também se vaziavam as cabazas para por-lhe candeias dentro.

Se tendes a sorte de viver nalgumha vila, ou perto dela, onde se vaia celebrar o Samain, acudide. Se nom, já sabedes: cumpre organizarmo-nos para organizar o Samain do próximo ano. Ou, em todo caso, ter em conta que o cristao "Dia de Defuntos", nom é mais que a adaptaçom que a Igreja Católica realizou desta ancestral celebraçom.
E, em todo caso, temos o nosso magosto. As castanhas também se merecem umha atençom nestes dias, e umha boa festa. Mas disso, falaremos noutros comentário.
Feliz ano novo!!!