ovnis e isoglossas

Sabemos (as pessoas que queremos sabé-lo) desde há tempo que a revoluçom nom vai ser televisada. Mas o que sim vai ser televisada, youtubeada, myspace-ada e facebook-ada (se se me permite os neologismos), é a guerra do futuro. E a do presente.
O Governo de Israel, ao tempo que mantém a censura como ferramenta de guerra (táctica tam velha como a própria guerra), abre os seus espaços na rede (segundo podes ler aqui), criando umha canle em youtube e páginas em facebook e myspace, para repetir mil e mil vezes as suas mentiras e a sua propaganda, com a esperança de que assim se convirta em verdade. Informaçom? Nom, propaganda política. Pura e dura apologia da massacre.

Mas na rede também há respostas. Som muitas as páginas de informaçom, blogues, organizaçons, colectivos e meios que nestes dias falam de Gaza, de Palestina. Neles é possível procurar informaçom, para nom só escuitar o que o estado terrorista de Israel quer que escuitemos, para nom só ver o que o estado terrorista de Israel quer que vejamos. Para nom só ler o que o estado terrorista de Israel quer que leamos.

Podemos, devemos, participar nos actos de protesto que contra a massacre se convocam nas cidades e vilas do nosso país. Participar nelas. Promové-las. Promocioná-las. Publicitá-las.

E também podemos fazer algumha cousa das nossas webs, dos nossos blogues. Por exemplo, publicar este banner que colo aqui abaixo, e que publicita a boicote aos produtos fabricados em Israel.

Ou incluir a imagem que abre este comentário, de solidariedade com Gaza, de solidariedade com Palestina. Porque a solidariedade também está na internet. Porque o internacionalismo também se practica na rede. Porque a construçom dum outro mundo fai-se, fará-se com as aportaçons de todas e todos nós.

Cola este banner de solidariedade, e distribue-o entre os teus contactos. Fagamos ver também na rede a solidariedade da Galiza, do Povo Galego, com a Palestina, com o Povo Palestino.