ovnis e isoglossas

Os dous poetas muito pendurados protagonizarám na próxima semana, se o tempo nom o empece e as autoridades o permitem, a página de poesia do Diário Cultural da Rádio Galega, com motivo das suas exposiçons na Galeria Sargadelos de Ferrol. Isso significa, que de segunda a sexta-feira, todos os dias recitaremos um poema entre as 15.00 e as 16.00h.
(Mas, umha hora inteira recitando um poema? Nom, ho! Um minuto apenas, dentro dessa hora).
Já sabedes que a rádio galega se sintoniza na rádio, ou na rede. E se nom, sempre tedes a oportunidade de escuitar no seu web as gravaçons passados esses dias. Para quem esteja aí, escuitando-nos, saúdos.

Continua:

A imagem que acompanha hoje esta entrada no blogue, é o cartaz feito por mim, dentro do projecto em permanente construçom "poesia para Ver/poesia para Ler", do poema "Parábola, Astrazeneca nom se pecha", escrito e publicado em solidariedade com os e as trabalhadoras dessa empresa. O cartaz leva já vários dias subido à rede na galeria de Flickr.
Lamentavelmente, este cartaz nom chegou a tempo para a exposiçom do Ferrol, assim que haverá que aguardar outra futura cita para poder ve-lo pendurado das paredes junto com os outros que componhem actualmente esse projecto.