ovnis e isoglossas

quería uns versos para a cociña, para os azulexos da cociña, si, gústame ler cando agardo que ferva a auga da pasta, cando agardo que amolezan as bolachas e os ols brans no leite e non sei como rechear ese tempo do ovo pasado por auga no que a miña nai e a miña avoa adoitaban rezar un Pai Noso.

Que me suxire e a que prezo?

Algo breve, non? Sería para recurtar en letras de molde ou facer unhas pegatinas. Un haiku non, por favor, crería a cada momento que vou comer sushi.

Un retrouso galego, unhas cobras dobras, un proverbio do Sil seica vaian ben… En fin, vostede é o experto.

Está vostede de sorte. Tenho aqui uns estupendos versos alejandrinos, perfeitos para fazer pam, para fazer pum, para fazer pim, pam, pum, que tenhem muito bom preço. Som restos de stock. E venhem em tons grises, mas nom um gris qualquer: gris perla, que é elegante, funcional e discreto.

Mas também tenho umhas clausulas administrativas rimadas, que som o último em verso postmoderno, ecléctico e iniciático.

Mas, se tem vostede um gosto esquisito, escolherá, sem dúvida, estes pequenos sonetos de quatro versos, com rima livre, cheios de dipsácea senhardade, e que som perfeitos para conjugar a metáfora da cozinha e a dura realidade da palavra literária. Umha profusom de sumptuosidade ao alcance de poucas pessoas.
As suas vizinhos, os seus vizinhos, as amizades essas tam plastas que lhe entram até a cozinha, morrerám com a inveja.

Com um dez por cento de desconto se paga ao contado. Se nom quer factura, desconto-lhe também o IVA. Também dispomos de financiaçom até 12 meses sem custos adicionais.

Eu quería algo barato. Não sei… nunca experimentei… deixo-me aconselhar. Sinto-me atraído pelas falésias e adormeço nas janelas, mas na cama ou no divã não deixo de imaginar que corro até à extenuação.
O senhor poeta o que me recomenda? Rogo me atenda depressa, faça favor.

Senhor Ferreiro, chega vostede a tempo. Em breve, pechamos a tenda, porque o poeta em paro, desempregado, já nom estará desempregado. O ADSL (que parece o nome dumha droga alucinogena), chama-me.
Tem vostede sorte, ainda temos por aqui os restos da temporada. Tendo em conta a sua situaçom, aconselharia uns descordos ou umhas pastorelas, com profussom de cobras capfinidas, capcaudadas e capdenals. Se isto nom lhe parece apropriado, poderiamos provar com uns tercetos desencadeados, com molho de copla picante.