ovnis e isoglossas

Qualquer empresa presente na Galiza e que tenha um serviço de atençom telefónica aos seus clientes, deveria de dar a oportunidade de configurar essa atençom telefónica na nossa língua, em galego.

Nom todas as empresas oferecem essa possibilidade, e isso deberia ser umha cousa a denunciarmos constantemente de todos os sectores interessados na normalizaçom da língua galega.

Mas nom só. Exigir um serviço telefónico na nossa língua, também é umha forma de defender os postos de trabalho na nossa terra: as empresas onde podas configurar a tua conta como cliente para ser atendido sempre em galego, nom poderam contratar essa atençom com outras empresas (os call centers) de fora do país, porque nom teram gente que poda atender em galego.

Assím, se em todas as empresas com as que tenhas relaçons telefónicas, configuras o teu perfil de cliente para ser atendido em galego, estarás contribuindo a que haja postos de trabalho nos call centers das nossas vilas.

Por exemplo, se es cliente de Vodafone, e exiges que te atendam sempre em galego, serás atendido por pessoas galego-falantes que trabalham numha cidade da Galiza irredenta.

Mas o mesmo sucede com outras empresas: Movistar, Orange, R, Gas Natural, Endesa, Iberdrola, BBVA, Nova Caixa Galicia, etc, etc...

Para defender a língua, para impedir que as empresas "deslocalizem" a produçom: exige ser atendido na nossa língua.

Vou escrever
Se calhar um poema
Para quando tenha que dizer
que ainda escrevo

Um poema cheio de palavras
e de silêncios
Que diga poucas cousas
mas que tenha algum significado

Vou escrever
Se calhar qualquer cousa
que poda parecer
um texto

Assim
ante essa incomoda
e impertinente pergunta
poderei dizer
que sim
que ainda escrevo

Se calhar
um poema

Esqueceremos os nomes todos
os nomes de todos
e de todas
as cousas
mas as cousas seguiram a ser
as mesmas
todos seguiram a ser os mesmos
com novos nomes
e os nomes todos
seram novamente esquecidos