02-06-2007
10 x 10 em Compostela
Há mais dum ano que o projecto do livro colectivo de poesia anda por aí. Por fim, está já nas ruas, nos andeis das livrarias, nas bancadas de materiais de centros sociais, locais sociais, bares, pubs,...
Um livro colectivo, onde 10 autoras, 10 autores, aportam os seus versos, as suas palavras, a sua poesia, para comemorar o X Aniversário de Primeira Linha.
O próximo Sábado, 9 de Junho, celebraremos a sua apresentaçom em Compostela.
31-05-2007
alimentARTE avança
O Encontro artístico, literário e gastronómico que estamoa a argalhar, sob o nome de "alimentARTE", caminha cara adiante. Por agora, já temos perto de 20 artistas, que anunciarom a sua participaçom, de diversas disciplinas, diferentes ópticas, distintos formatos.
27-05-2007
Línguas Cruzadas
[gvid]-7399630610169788180[/gvid]
20-05-2007
Ainda caminha o cadáver...
Isto é o que di, sobre o nosso Cadáver na Rede, Armando Requeixo no seu artigo sobre Maria Marinho "Aventura Courelá. Unnha poeta mancomunada", aparecido no Faro da Cultura do Faro de Vigo da semana passada:
"Ora ben, o espírito lúdico e creativo
da aventura courelá segue entre
nós e o seu herdo foi recollido polos
poetas máis novos, ducias dos
cales participaron na recente iniciativa
de cibercadáver proposta
en Rede (www.agal-gz.org/blogues/
index.php?blog=10) por Igor
Lugrís, que frutificou xa en preto
dun cento de composicións, logo
tamén abertas ao público no Expo-
Cadáver que a finais de marzo
se inaugurou en Ponferrada.
Velaí como nunca máis vivo estivo
este cadáver, que segue a ser exquisito
para calquera padal literario e
que confirma, como escribía naquel
afastado 1966 M. Mariño, que
?lúa sempre hai/ o que fai falla é a
luz que non se apaga anos dela?."
19-05-2007
Campanha Eleitoral
Já sabemos que estamos em época eleitoral. Que se lhe vai fazer...
Cá no Bierzo, como praticamente na totalidade da Galiza, nom há opçons nas que votar. Se vivira em Ponte Areas, nom teria dúvida algumha. Mas... nom é possível. Vivendo no Bierzo nom há opçom, e o voto em branco, nulo ou abstençom vai ser a única via para todas aquelas pessoas que pensamos que um outro mundo, umha outra Galiza e um outro Bierzo é possível.
Mas ainda assim, quero oferecer, aproveitando a campanha eleitoral, umha pequena intervençom política. Se puder participar num acto político, recitaria estes versos de Roque Daltom.
Podiam estar escritos hoje mesmo, mas já tenhem décadas. Podiam estar escritos no Vigo de hoje, ou na Compostela de hoje. Mas nom, estám escritos no Salvador de há anos. Mas conservam a sua actualidade.
Cá vai umha modesta traduçom à nossa língua, e, depois, o texto original. Duvido que algum candidato ou candidata queira empregá-lo na sua campanha, nos seus discursos, nas suas intervençons para explicar o que vam e nom vam fazer.
E ti, já sabes: se vives em Ponte Areas, vota. Se vives em Vigo, vota. E, se nom, pois coma mim: a aguardar tempos melhores.
PARÁBOLA A PARTIR DA
VULCANOLOGIA REVISIONISTA
O volcam de Izalco,
como volcam,
era ultra esquerdista.
Botava lava e pedras pola boca
e fazia ruído e fazia tremer
atentando contra a paz e a tranqüilidade.
Hoje é um bom volcam civilizado
que coexistirá pacificamente
com o Hotel da Montanha do Cerro Verde
e ao qual poderemos por-lhe no foucinho
fogos artificiais como os que botam
os deputados populares.
Volcam para executivos
e até para revolucionários e sindicalistas
que sabem quedar-se no seu lugar e nom som calenturientos,
já nom será o símbolo dos tolos tonantes guerrilheiristas
que som os únicos que anhoram os seus ex-abruptos geológicos.
Proletários respeitaveis e mansos do mundo,
o Comité Central convida-vos
a aprender a liçom que dá o volcam de Izalco:
o fogo passou de moda,
por quê teremos entom nós de querer levá-la
dentro do coraçom?
Roque Dalton
10-05-2007
alimentARTE
Encontro artístico literário e gastronómico em Ponferrada
Conjuntamente desde este blog e desde a Galeria de Arte Dosmilvacas.arte de Ponferrada, estamos a organizar um Encontro Artístico Literário e Gastronómico baixo o título "alimentARTE".
03-05-2007
Escatumbararibe
Paga a pena. Xende nom era quem de tirar os olhos das imagens. O seu pai também nom.
[youtube]ft6Kg7S-LBE[/youtube]
20-04-2007
Categorias: Cousas por aí, Estam tolos estes espanhois, Stop hipocrisia!
Pola retirada dos símbolos franquistas e contra o julgamento de quem os retira
Chega-me polos correios electrónicos, um manifesto de solidariedade com as 4 pessoas que vam ser julgadas no próximo 26 de Abril, por terem pintado de cor de rosa a chamada "cruz dos caidos" do concelho de Neda, na comarca de Trasancos.
Mais abaixo podes ver, na integra, o manifesto. Quero fazer um apelo a todas as pessoas que lem este blog para que mostrem o seu apoio e solidariedade assinado o manifesto. Para isso, só tes que enviar um correio electrónico com os teus dados, nome, apelidos, número do Bilhete de Identidade, e profissom ou actividade que realizas, ou cargo da entidade à que pertences, a: antifascismogalegoarrobagmail.com (lembre de mudar a arroba polo símbolo correspondente).
Participa! Colabora! Encaminha o manifesto aos teus contactos.
O teu parlamento nom é móvel? Pois troca-o!
"O BNG pede à Junta que exija a implantaçom do galego nos telemóveis". Pudestes ler o titular em praticamente toda a imprensa nestes dias. Umha iniciativa do parlamentar do BNG Bieito Lobeira, para que a Junta inste às empresas de telefonia móvel a que incluam a nossa língua tanto nas opçons dos terminais como no serviço de atendimento ao cliente.
19-04-2007
Cadáver #31
Há umha certa luz incompreensível na distáncia
unha palabra afogada un sinal ou desexo
a noite non esgota o seu fulgor metálico
cando o eu colectivo suplía aquel pasado inefable
indefinible, que permanece inalterable
Igor Lugris
eduardo estévez
elvira riveiro tobío
rosanegra
Cruz Martínez
