ovnis e isoglossas

O Cadáver esta vivo!, e caminha por Ponferrada. O Sábado 31 de Março, a partir das 20'30h., em Ponferrada, na Galeria de Arte Dosmilvacas.arte , na rua Avenida de Astorga nº 7, realizaremos umha exposiçom dos Cadáveres realizados, e um recital de poesia onde apresentar esses poemas, e onde qualquer pessoa participante poderá recitar os textos que lhe apeteza compartilhar com nós.
Até o momento, som um total de 56 cadáveres, 56 poemas distintos, o resultado desta experiência, na que tenhem participado já perto de 70 pessoas. Contaremos esse dia com a presência do cantautor Xosé Constenla.
Por suposto, a entrada é livre e gratuita. E desde aqui queremos animar a todas as pessoas participantes na construçom deste cadáver, destes cadáveres, a estar presentes esse dia em Ponferrada para celebrar a boa saúde do nosso cadáver. Viva o Cadáver!

Full story »

Entrevistarom-me sobre cultura fotocopiada os de Culura Galega, e isto foi, mais ou menos o que digem (ainda que, por respeitar a verdade, eu respondim em norma AGAL).

Full story »

Penso que nom esqueço a ninguém, mas pode que algum nome apareza repetido. De todos os cadáveres que até o de agora me chegarom, estes som os nomes das e dos autores/as.
Um cadáver caminha pola rede! Avante!

Full story »

O cadáver medra sem fim... isso é o que dim.

Levamos dous dias e meio, mais ou menos, de cadáver a circular pola rede, e o pequeno bechinho medra sem fim... Já recebeim perto de 30 linhas, mais ou menos diversas, todas diferentes, onde aparecem umha 20 e pico pessoas.
Nom sei o que durará, mas por agora, parece ter umha vitalidade absoluta. Este cadáver está bem vivo!!!

Full story »

Há umha certa luz incomprensível na distáncia
Um cadaver na rede

Já sabes o que é um ?cadaver exquisito?: esse texto, com vontade literária, escrito a vários maos por diversas pessoas, no que sucessivamente vam aportando novas partes para esse escrito.

A proposta que agora te chega é participar na realizaçom dum plural cadáver esquisito na rede e em rede. A partir dum primeiro verso (?Ha umha certa luz incomprensível na distáncia?), diferentes pessoas iram acrescentando as suas palavras para a construçom dum poema, de muitos poemas. E como? Pola rede, pola internet, por meio dos correios electrónicos.

Este, que é o primeiro envio por correio electrónico, chegará a vários contactos. Se queres participar, terás que, primeiro, acrescentar um novo verso, e, depois, copiar e curtar todo este correio (junto com o verso que tu aportes) e colá-lo num novo envio de correios electrónicos a todos os contactos que tu desejes, sem limite de número, e acrescentando o teu nome. As pessoas que recebam o teu correio, simplesmente deveram fazer novamente o mesmo: aportar um verso, copiar, curtar e colar, e enviar a novos contactos, acrescentando o seu nome baixo o teu.

Full story »

Para descansar do mundo, a vida e as preocupaçons durante quatro minutos e 16 deliciosos segundos.

O Foro Cultural pola Província do Bierzo recolhe assinaturas para recuperar a Cruz de Penalva.

O Foro Cultural pola Provincia do Bierzo, entidade que trabalha em defesa da cultura, identidade história, territorialidade e idiosincrásia da regiom berziana, vem de iniciar umha campanha de recolhida de assinaturas para conseguir a devoluçom da Cruz de Penalva, símbolo do Bierzo que aparece na Bandeira e no Escudo desta nossa regiom.
O Foro informa de que esta iniciativa se insire dentro das suas actividades de denuncia do expólio do património histórico-artístico berziano, e que tem como obxectivo recuperar esta cruz votiva de Ramiro II, datada cara o 940, que foi feita ?dessaparecer? e levada a Leom a meados do século XX por um penitenciário da Catedral de Leom que, posteriormente, chegou a ser Bispo de Astorga.A Cruz, é umha das principais peças históricas das que se reivindica, desde há tempo, a sua devoluçom ao Bierzo por parte de numerosas associaçons e colectivos conscienciados na defesa do património berziano.
O Foro declara que ?resulta muito triste que o Sr. Presidente da Junta (de Castela e Leom), Juan Vicente Herrera, diga que tem muito presentes os museus do Bierzo, ao tempo que possa, diante dumha das principais obras de arte expoliadas?, e que mentres diversas instáncias leonesas protestam da dispersom do seu património por diversos museus e cidades, afanam-se em apresentar como um dos seus principais reclamos turísticos umha peça ?substraida ao Bierzo?.
O Foro insiste em que esta iniciativa nom é negumha reclamaçom partidista, mas umha exigência dos berzianos e as berzianas ante a falta de atençom que a nossa regiom vem sofrendo ao reclamar a devoluçom do património.O seu comunicado remata dizendo: ?Queremos que a Cruz de Penalva e todas as demais peças ROUBADAS ao Bierzo sejam devoltas?.

Durante esta semana, os poemas que se poderam escuitar no Diário Cultural da Rádio Galega, serám os do meu livro "O Livro das Confusons".

Lembra que a Rádio Galega pode-las escuitar nestes pontos do teu dial, ou bem na internet em directo, ou escolhendo o programa que desejar.

Escuitamo-nos nas ondas!

E para rematar, umha ligaçom musical. Que gostedes!

Navegando pola rede, chego até esta página, do Instituto Nacional (espanhol) de Estatística, na que podes escrever o teu apelido, ou qualquer outro, e mirar a sua distribuiçom geográfica polo estado, tendo em conta bem o lugar de nascimento ou o actual lugar de residência.
Provei com Lugris, e di-me que há 95 pessoas que o tenhem como primeiro apelido (distribuidos principalmente entre a Corunha (78) e Madrid! (13), e outras 135 que o tenhem como segundo apelido, distribuidos novamente entre Corunha (96), Ponte Vedra (8)e Madrid (11). No resto do estado, só haveria 4 pessoas que o levam como primeiro apelido (e eu e Xende somo duas delas , e 20 que o tenhem como segundo apelido.
Curioso!
Depois decidim seguir provando com outros apelidos galegos. E constatei o que já todos sabemos: que há galegos em todas as partes, mas que a emigraçom às grandes cidades também se deixa notar aqui, e depois das quatro "províncias" da Comunidade Autónoma, os lugares onde mais apelidos galegos existem som Madrid e Barcelona, e muitas vezes mesmo por diante dalgumha das "nossas" províncias.

Enviam-me duas ou tres pessoas distintas, um correio para me informar da convocatória por parte da Incomunidade, dum filo-café em Ponferrada, que, coordenado por Deborah Nofret, terá lugar o 24 de Fevereiro, Sábado, a partir das 22:30 horas, no Café de Arlés, na Rua Ancha, nº 18 (zona alta da cidade).

Full story »