ovnis e isoglossas

Dedica-lhe um minuto à defesa da língua e cultura galegas no Berzo.

Há no Diário de Leom (pertencente ao Grupo Voz), umha enquisa dessas electrónicas, nas que se debate sobre o ensino da nossa língua na nossa regiom. Já vos podedes imaginar que os comentários por parte dos espanholistas, dos carcas e dos fachas disfarçados de leonesistas som do mais xenófobo, antigalego e racista que se poda imaginar.
Se tes um minuto, passa-te pola sua página , e participa: vota, e se tes mais de um minuto, deixa umha mensagem.

Por agora, o resultardo é dum 88% de votos contra o ensino da nossa língua na nossa regiom, e só um 11% a favor, sobre um total de 1431 votos. A ver se entre todas e todos podemos dar-lhe a volta ao marcador ; ), ou equilibrá-lo um pouco.

Full story »

Ao cantor dos Prisoners
condenárom-no com catorze anos
a permanecer noventa e nove anos na cadeia
no cárcere
privado da liberdade
Entre os muros da prisom
formou um grupo musical
vocálico
e gravou vários números um
Lá
Na cadeia
A música era umha evasom
e a voz o seu único recurso
a sua única arma
a ferramenta com que golpear
silenciosamente
aquelas paredes
Isto foi há muitos anos
cinqüenta ou sessenta anos antes
da vitória eleitoral do assassino G. W. Bush
cinqüenta ou sessenta anos antes
da derrota eleitoral do sucessor do assassino J. M. Aznar
que nunca serám condenados a noventa e nove anos de cadeia
de cárcere
de privaçom da liberdade

Nom som as vidas as que se cruzam
som as memórias
Hoje os cantores dos Prisioners
nom podem nem estudar música
na prisom

Obrigatoriamente contra o inferno
e os pecados
construim a tua igreja à tua imagem e semelhança
como era o teu desejo
e berrei bem forte os mandamentos
todos
que tu me impugeras
do primeiro ao último
sem esquecer nengum
sem acrescentar nem modificar nada
porque nom era permitido interpretar as tuas palavras
Propaguei a tua mensagem
que saía da minha boca
nas ruas nos templos e nos palácios
e mostrei-lhes a luz
como tu me dixeras
Carreguei com a cruz de ser teu filho
e pronunciei sempre com respeito e veneraçom o teu nome
para que pudesse ser santificado
para que aprendessem também a falar contigo
e para que tivessem o justo e necessário medo
Figem assim a tua vontade

Mas às vezes
sem pretendê-lo
escuitei as suas palavras
lim os seus livros
e reparei nas suas vidas

Por isso decidim desertar
Nom é que me cansara
ou que me cegara o brilho da carne
como tu dixeche a quem te quijo ouvir
Foi que nom suportava saber-me morto
saber-me já morto
mesmo antes do sacrifício
a que me conduzias
prisioneiro dum fado maldito
de que nom podia afastar-me
Figem-no
porque sabia que essa era a maneira definitiva
de nom cair nunca
na tentaçom
e libertar-me do mal

Onte mesmo, falavamos sobre a renovaçom do convénio "del gallego", e criticavamos que todo se resumira, finalmente, na esperança de que a vontade da "Ghunta" de Castela e Leom em permitir o ensino da nossa língua na nossa regiom nom tivera fim. De certo, na próxima quarta-feira, quando o conselheiro de educaçom da "Ghunta", Francisco Javier Álvarez Guisasola, e a conselheira da Junta, Laura Elena Sánchez Piñón, assinem o novo acordo, todo serám fotos, declaraçons de boas intençons, promesas. Propaganda. Pura e dura propaganda. E agitaçom, claro. Que a realpolitik nom está rifada com a agitprop (isso já o descobrirom os políticos profesionais há muito tempo). Mas será tudo, realmente, umha grande mentira.


Onte mesmo pudemos descobrir novamente a realidade. A realidade que, com certeza, nom vai sair nos meios de comunicaçom massiva. A realidade que demostra que a política a respeito da nossa língua no Berzo (e em geral no conjunto dos territórios da faixa oriental) nom é mais que promesas e mentiras.

Full story »

Começou a anexom, a colonizaçom, a invasom,... Como lhe queirades chamar.
Política de factos consumados. E logo ainda haverá quem diga que o bipartito nom tem audácia!

Parece que finalmente na próxima quarta-feira, a Junta da Galiza e a "Ghunta" de Castela e Leom vam assinar, por meio dos/as seus/suas conselheiros/as de educaçom, a renovaçom do convênio que permite impartir a nossa língua na nossa regiom. Nom está mal. Nom foi sem tempo que andiverom a negociar. Fala Ceive vinha reclamando há tempo esta renovaçom, como um mal menor.

Full story »

O CGAC, o Centro Galego de Arte Contemporánea, apresentou onte o novo vestiário d@s trabalhadores/as, que foi encarregado às alunas (todas elas som alunas, nom há homens), do Centro de Estudos Superiores de Desenho Textil e Moda de Galiza (Esdemga), radicado em Ponte Vedra, onde compartilha edifício com a Faculdade de Belas Artes da Universidade de Vigo.

Full story »

Nos EUA duvidam da capacidade intelectual de Bush. Editorialistas e comentaristas conservadores norte-americanos estam começando a duvidar da capacidade do presidente George W. Bush para dirigir os EUA e se questionam a respeito de sua política exterior, especialmente no Iraque, segundo AFP.

"Bush é um imbécil?". Tal foi a provocadora pergunta que há dias atrás lançou Joe Scarborough, ex-legislador republicano e apresentador do programa "Scarborough Country", da cadeia de televisom MSNBC, um questionamento ouvido mais freqüentemente entre os grupos da esquerda norte-americana.

"Há seis anos que George W. Bush é ridicularizado polos círculos de esquerda do país. Mas agora, em lugar de rir-se da arrogáncia dos democratas, os republicanos se unem à esquerda para questionarem a respeito das façanhas intelectuais do presidente", disse Scarborough no site de seu programa, onde censura o mandatário por sua "falta de curiosidade intelectual".

Numerosos candidatos republicanos, em campanha para as eleiçons legislativas de Novembro, se distanciam da administraçom Bush sobre Iraque, enquanto vários editorialistas e comentaristas conservadores da televisom, os chamados "formadores de opiniom", começaram a lançar suas dúvidas.

Aparece nos meios a projecçom hoje do documental. Podedes ver a notícia no web de NÓS-UP e no de Corrente Vermelha (acertadamente, titulam: "Galiza: NÓS-UP y Corriente Roja organizan proyección del video documental Memoria, Dignidad y lucha"). Também no Diário de Leom, que parece que querem boicotar o acto e dim que é para as 22'00h, e nom para as 20'00h. E também aparece no Mundo-Crónica de Leom, mas só na sua ediçom impresa.

Esta Quinta-feira, 24 de Agosto, a partir das 20?00horas, na Casa da Cultura (Polígono das Hortas), em Ponferrada, projectará-se o documental ?Memória, Dignidade e Luita?, realizado polo colectivo La Plataforma , num acto organizado conjuntamente pola Assembleia Comarcal do Berzo de NÓS-Unidade Popular e a estrutura berziana de Corrente Vermelha.
O documental, é umha reflexom sobre a ?Transiçom democrática? ou a continuidade do franquismo por outras vias.

Full story »