ovnis e isoglossas

Levo vários anos a escrever este poema. Mais umha versom hoje.

A minha língua quero na tua boca
e nos teus lábios nos teus peitos
E no país inteiro do teu sexo
falar com o idioma que nos pertence
Procurar a humidade com a língua que nos une
para dar-lhe nome ao teu corpo
e repetir em cada rio em cada bosque
em cada outeiro da tua geografia
a promessa de quem ama sem palavras
Com o silêncio das estrelas, tam longínquo e singelo

Full story »

Tiro directamente do resistir.info esta informaçom, sem mais comentários.

EDUCAÇÃO PARA O ÓDIO
Crianças de Israel escrevem mensagens sobre munições de artilharia pesada em Kiryat Shmona, próximo à fronteira libanesa. Munições que irão assassinar outras crianças, do lado de lá da fronteira.
Nem a juventude hitleriana conseguira imaginar tal perversidade.

Con certeza, nengum meio de comunicaçom de massas ocidental titularam assim nengumha das suas notícias sobre os ataques sionistas contra o Líbano. Possivelmente, nengum desses meios recolherá tam sequera como notícia essa verdade. Mas esse titular é verdade. Ou nom de todo: se calhar, a estas horas, quando este comentário está a ser escrito, ou quando está a ser lido, a cifra será já muito maior.

O dado nom é inventado, nom é fornecido por nengumha página subversiva de internet, nom é umha informaçom tirada dos meios de comunicaçom libaneses: é um dado das Naçons Unidas, que asegura que quando menos (a dia 2 de Agosto), ascendia a 177 o número de crianças assassinadas polo estado de Israel nos seus ataques contra o Líbano, e que as vítimas infantis constituem a terceira parte dos mais de 3000 feridos por esses criminosos bombardeios desde 12 de Julho passado.

Mentras tanto, a tam cacarejada "comunidade internacional" (quer dizer, os estados ocidentais, com Estados Unidos e os da Uniom Europeia em cabeça), miram para outro lado, procuram cento e umha excusas para nom condenar a Israel e obrigá-la a cessar nos ataques, e siguem a bombardear-nos com a ladainha do fundamentalismo, integrismo e terrorismo de Hizbollah.

Poderemos sequera imaginar que sucederia se nos próximos 30 dias, umha organizaçom fortemente armada, treianada e financiada, atacara com bombas em diversos pontos Estados Unidos (ou qualquer país europeu, por exemplo, o Estado espanhol), e causará a morte de 177 crianças? É que a vida das pessoas no Líbano vale menos que a vidas das pessoas nas nossas ruas ocidentais? Nom respondam. Era umha pergunta retórica. A resposta é "Sim, claro que sim".

Aquela noite Jesus nom durmiu bem
era como se escoitara vozes no seu interior
Pensou que seria o churrasco da ceia
Ao dia seguinte
Jesus reuniu e falou aos seus discípulos
dizendo
"Mirade
isto nom vai bem
Quando organizo umha ceia aparece todo cristo
mas despois todo som desculpas
Pois a de onte foi a última"
Todos escoitarom atentos

"Logo sempre é a minha mae
que é umha santa
quem tem que recolher e fregar todo
E vós quê?
Um que si vai procurar umha barca
outro que a edificar nom-sei-o-quê sobre umha pedra
Todo excusas para nom arrimar o hombro
E o pior é o do tipo esse que só bebe Judas
que lhe dim 30 pesos para mercar o pam
e ainda nom voltou"
Estavam atónitos

"Pois se vós nom ponhedes algo da vossa parte
eu nom estou disposto a sacrificar-me"

Placa fascista na colegiata de Vila Franca do Berzo

NÓS-Unidade Popular tem realizado nos últimos meses umha intensa campanha de denúncia da simbología fascista que ainda está presente nas nossas cidades, nas nossas vilas, nas ruas, no parques, em inumeráveis edifícios, nos colégios e liceus,...
Recentemente, tem publicado, último número da sua revista, Voz Própria, um censo (incompleto) dessa simbología fascista ainda presente na Galiza. Nestes dias, pendurarom do seu web esse censo, explicando que
"já está disponível no nosso web o censo da simbologia fascista (incompleto) que ainda está presente a dia de hoje nas ruas do nosso País. O censo está incluido na reportagem sobre a campanha contra o imaginário fascista que está a realizar a nossa organizaçom, e que foi publicada no último número do nosso vozeiro nacional Voz Própria. Podes pôr-te em contacto com nos para ajudar-nos a completa-lo".

Som várias as localidades do Berzo recolhidas nesse censo onde ainda, a dia de hoje, diversa simbología fascista está presente. Ainda que podedes ver o listado completo no seu web, nom quero deixar de reproducir aqui a parte do censo referida ao Berzo, que, como vedes, nom é pequena. Nas nossas maos, e com os meios que consideremos oportunos, está o fazer desaparecer, ou contribuir para fazer desaparecer, essa simbologia.

- Bembibre
:: Rua José Antonio.
- Cacabelos
:: Rua Alferes Provisional.
:: Rua Capitám Cortés.
- Congosto
:: Placa fascista na igreja de Sam Miguel das Donas.
:: Placa fascista na igreja de Congosto.
- Fabero
:: Placa fascista na igreja.
- Magaz de Abaixo
:: Rua Queipo de Llano.
- Molinha Seca
:: Avenida Manuel Fraga Iribarne.
- Palácios do Sil
:: Avenida Generalíssimo.
:: Rua General Aranda.
- Ponferrada
:: Escudo franquista no colégio do Passeio de Santo António.
:: Cruz dos Caídos no Passeio de Santo António.
:: Vidraça com escudo franquista na igreja da Azinheira,
:: Placa com o nome de praça de Comandante Manso na actual praça de Fernando Miranda.
:: Placa fascista na igreja de Sam Estevo.
:: Rua Comandante Zorita.
:: Ponte García Ojeda.
- Pousada do Berzo
:: Rua Generalísimo.
:: Rua José Antonio.
- Toreno
:: Placa fascista na igreja de Toreno.
- Trabadelo
:: Praça Comandante Manso.
- Truchas
:: Rua José Antonio.
- Vila de Cais
:: Placa fascista na igreja.
- Vila Franca do Berzo
:: Placa com cuzifixo e listagem dos ?caídos? no lateral da colegiata.
:: Avenida Calvo Sotelo.
:: Avenida Comandante Manso.
:: Praça do Generalísimo.

Quero destacar que também fai parte desse censo, recolhendo portanto todo o território nacional da Galiza, simbología fascista ainda presente na comarca galega do Návia-Eu, e que recolhemos pola sua especial significaçom:
Terra Návia-Eu
- Castropol
:: Rua General Franco (As Figueiras).
- Santalha de Oscos
:: Cruz dos "caídos" na igreja de Santalha.
- Tápia de Casarego
:: Avenida General Primo de Rivera.
:: Rua Conrado Villar.
:: Rua Francisco Franco.
:: Rua Comandante Ceano Vivas.

Já a própria organizaçom titula o censo como "incompleto", e seguro que muita gente poderá fornecer de novos dados que contribuam a ir ampliando essa lista e poder avançar na conseqüente denúncia das homenagens ao fascismo. Eu, para começar, aportarei um novo dado para essa lista: a enorme placa que na sala de túrbinas dos grupos 1, 2 e 3, da central térmica de Endesa em Cubilhos recolhe a inauguraçom da mesma por parte do "Caudilho de Espanha pola graça de Deus". Estou certo de que se contaram por dúzias as fábricas e empresas de toda Galiza que contam com umha placa semelhante.

Como gocei com este disco no Artefacto Burbur... Nom podia menos que recuperá-lo, agora que os da Regueifa o recuperam. Mais que recomendável.

"Recuperamos para a sección de vellas músicas o único traballo de Fusquenlha, un fugaz proxecto, nascido ao abeiro da explosión de música electrónica da segunda metade da década dos 90, que non pasou dun único concerto e a inclusión dun tema no compilatorio Revolta Sonora. Con letras altamente politizadas e influidos por formacións coma Massive Attack, Asian Dub Foundation, Junkie XL, Atari Teenage Riot, Meat Beat Manifesto, Freestylers ou Portishead gravaron estes dez temas que agora vos oferecemos remasterizados".

É increível a rapidez com a que as parvoices ocupam os espaços...

Eu também quereria ser luz
quereria ser metal no fundo do mar
eu também

Ser esse pequeno ruído que nos acorda
essa insignificante onda acústica
que nos fai volver a cabeça
ou aquel momento exacto
onde escolhemos
onde dizemos
onde fazemos aquilo que sabemos

Eu também quereria ser luz
Como essa luz que te ilumina
essa luz que caminha contigo
que tu deixas caminhar contigo
ou que tu nem tam sequer sabes que caminha contigo

Ser esse metal que do fundo do mar
nos fai pensar
ou nos fai sonhar
ou nos fai viajar
ou te ilumina quando apareces andando no extremo de umha rua
ou no recanto de umha praça

E nom esta distáncia
esta terrível sensaçom de estar fora
de nom ser
de nunca jamais fazer parte
Esta obscura negaçom da possibilidade
que se estende vertiginosamente
oferecendo só o caminho da fugida e a derrota

(d'O livro das confusons)

(Também publicado no velho blog)

Olho para as leitugas
enquanto boto água nas fendas da memória
e co sacho golpeio docemente
cada umha das palavras que rodeiam esta casa
"Parabéns"
berram os gatos todos os gatos do mundo
enquanto sigo a cair polo precipício
e oito galinhas cantam
a coro
a melodia das casas habitadas

Um cam dorme diante da porta
aberta

Lentamente
esqueço as horas
os minutos os segundos
até chegar a esta pequena sensaçom de calor
Talvez todo seja arrastar palavras
dum lado para outro
sem cessar
até que alguém escuite
e entom ficar em silêncio
Para sempre

Confundim-me
ou enganárom-me
Eu queria solicitar um dos postos de músico
Acordeom
guitarra
ou bateria
Tanto me tinha um como outro
Eu nom tenho nem ideia de música
e penso que só umha vez vim um acordeom a menos de 100 metros
Mas pensei que isso teria possibilidades
Possibilidades de fugir
digo
Estar aí
com o acordeom com a guitarra com a bateria
sem chamar a atençom
e em qualquer momento
zás!
Fugir
Escapar
Evadir-me
isso é
Exactamente isso
Evadir-me
Eu escuitara em algum lado que a vida do músico
polo geral
é daquela maneira
já se sabe
mais relaxada
menos rígida
sem tanta vigiláncia e controlo
e pensei que numha dessas
entre notas partituras e semicolcheias
que eu nom sabia nem o que eram
e continuo sem saber
numha dessas
aproveitava eu
e...
A evasom
A escapada
A fugida
Eu por isso queria solicitar um dos postos de músico
Saber
o que se di saber
de música nom sei grande cousa
Mas nom som parvo
e podia aprender
Também aprendim a manejar a vassoira
a esfregar as janelas do quarto andar
que só abrem para fora e ninguém se atrevia
e a levar a roupa à lavandaria
que som o único de toda a minha secçom
a quem lhe deixam levar a roupa à lavandaria
Também podia aprender algo de música
E por isso fum pedir os papéis para solicitar um posto
Mas confundírom-me
ou enganei-me
e preenchim os papéis para o posto de operário jardineiro

E cá estou
sem poder sair destes muros
tam cinzentos
arrancando as ervas más que medram
tam verdes
nos jardins deste centro
tam psiquiátrico

(d'O livro das confusons)