06-05-2006
Nom há mais butano amor
Nom há mais butano amor
Quanto tempo tarda em acabar-se todo
Um nom sabe bem que sentimento
cria quem esquece o parto, assente a pele e tensa o corpo
A procedência da nossa pele é anterior ao anterior
Contornando o jardim botánico
sempre há umha princesa
porque as laranjas dos reis eram pequenas e doces
Os teus olhos nom olham o que te bica
Assim che medrou no peito um tambor de buxo
Estou como escrita amor no fundo dos versos fluidos
(Os versos som de de Fran Alonso, Yolanda Castaño, Emma Couceiro, Marta Dacosta, Antón Dobao, Estíbaliz Espinosa, Eduardo Estévez, Maria Lado, Franck Meyer, Carlos Negro e Luisa Villalta. A composiçom é minha. Plágio? Criaçom? Recriaçom? Original? Cópia?... Já noutra ocassom falei da minha condiçom de "bilhei".
Homenagens no Dia das Letras
Como informei no anterior comentário, este ano, na celebraçom do Dia das Letras no Berzo, Fala Ceive realizará umha homenagem a Aquilino Poncelas e a Alícia Fonteboa.
05-05-2006
13 de Maio: Dia das Letras no Bierzo
Finalmente, haverá acto polo Dia das Letras no Bierzo organizado por Fala Ceive. Com a colaboraçom dum grande número de pessoas que, após ter conhecimento dos entraves de diverso tipo que estavam sendo postos a FC para levar adiante esta iniciativa normalizadora no ano 2006, poderemos contar com o salom de actos do Campus da Universidade em Ponferrada.
A seguir, reproduzimos o programa de actos, ao que ainda se acrescentaram, estamos seguro, algumhas pessoas mais que quererám estar com nós esse dia, um dia de diversom, de celebraçom, mas também, e sobre todo, de REIVINDICAÇOM.
Agradeceremos, muito, a difussom desta informaçom por todos os meios possíveis.
03-05-2006
Vimo-nos na Ceia...
Já vos digem que nos veriamos na Ceia... E assim foi!
Reproduzimos a seguir a minha intervençom na na ceia e acto político do passado dia 22 de Abril, em que foi comemorado o décimo aniversário de Primeira Linha
******************
É forte a tentaçom de fazer umha intervençom meláncólica e nostálgica, com motivo deste décimo aniversário de Primeira Linha. Mas a minha intençom nom é essa. E nom o é porque nengumha das pessoas que estamos hoje aqui vimos pensando em encontrarmo-nos com camaradas, companheiros e companheiras, amigas e amigos para rememorar tempos passados, para lembrar que novos eramos há dez anos, quedistinto era todo e como eramos capazes de fazer cousas que agora já nos cansam. Nom. Nom estamos por isso nem para isso hoje aqui.
Xnd no seu primeiro Primeiro de Maio
No Berzo nom havia manifestaçom nem concentraçom convocada, porque os sindicatos estám ao que estam e nom ao que tenhem que estar. Mas ainda figemos umha pequena celebraçom. No dia anterior, celebramos os, já, 4 messes.
Dia das Letras no Berzo em risco
Colo aqui a informaçom tirada do PGL sobre a celebraçom do Dia das Letras no Berzo, da autoria da Sílvia Ribas. Evidentemente, agradecemos a sua maxima difussom possível, e a colaboraçom de todas as pessoas.
Os actos que desde há uns anos vêm decorrendo no Berzo, organizados pola Associaçom Cultural Fala Ceive, correm o risco este ano de nom se poderem realizar. Nos últimos anos, membros da associaçom corriam com as despesas das actividades, que, ainda que modestas, davam a conhecer por muitos lugares a problemática do galego e do ensino em galego nesta parte da Galiza nom administrativa.
21-04-2006
Vemo-nos...
... na Ceia
centrais térmicas situadas na Galiza entre as 100 que mais contaminam
Pois é certo. As centrais térmicas situadas na Galiza estam entre as cem que mais contaminas de toda a Uniom Europeia, segum vem de publicar o organismo sueco The Swedish NGO Secretariat on Acid Rain, no seu estudo que foi dado a conhecer nestes dias.
No primeiro posto de toda a lista atopamos à Central Térmica das Pontes, de Endesa. No posto 20 está a Central de Compostilla, no Berzo, também de Endesa. No 24, a de Meirama. E no 92 a de Anlhares, em Páramo do Sil, também no Berzo, de Uniom Fenosa. Umha duvidosa honra para a Galiza, sem dúvida nengumha, estar tam bem situada.
18-04-2006
A nossa fame de outrora
"Ja podem os leiros dar
colheitas bem avondosas,
podem en Madrí falar
com palavras bem formosas,
que nunca, nunca nos ham pagar
a nossa fame de outrora!"
(Fuxan os Ventos, Mulher)
Se escreverdes no "guguel" as palavras "Débeda histórica", aparecerám-vos 15.600 resultados. Se escreverdes "Débeda histórica Anxo Quintana", aparecerám 427 resultados. Se escreverdes "Dívida histórica", os resultados serám 540.000, e se acrescentardes "Anxo Quintana", o resultado é de 328. Também podedes provar com "Dívida histórica Galiza" e "Débeda histórica Galiza", tendo entom 57.000 e 18.700 respectivamente. Com "Débeda histórica Galicia" o resultado é de 15.000 páginas. Desconheço que se passará escrevendo essas palavras noutros idiomas distintos do galego-português, em qualquer das suas variantes normativas.
17-04-2006
Olhar para outro foro
Mais umha ligaçom. O Foro de Debate das Bases Democráticas Galegas, reproduz um artigo meu, a respeito da práctica política da esquerda soberanista nas comarcas da Galiza irredenta. O artigo, "A soluçom nom é olhar para outro lado", foi publicado originalmente no número 35 (correspondente ao primeiro trimestre de 2005) do Abrente, vozeiro de Primeira Linha.
No Foro de Debate, também podedes ver artigos de Ludor Castro ("Análise geral da política espanhola"); Xurxo Borrazás ("A avestruz platónica"); e Braúlio Amaro Caamaño ("A autodeterminación un direito irrenunciábel").
