01-09-2005
Tira por ela Galiza... (II)
Hoje, no Diario de León (página 12, ediçom Berzo), publicam, em espanhol, o artigo que aparecia neste blog há uns dias. Podede-lo ver cá.
31-08-2005
Essa que nom conheces
Essa que nom conheces
é a palavra que procuras
E quando des com ela
assinalará-che qual é
aquela que precisas
para completar o verso
que remate o poema
que ainda nom sabes
que vas escrever
Matarile fazendo História em Ponferrada
Pois sim. Matarile Teatro, fará História em Ponferrada. Nom é umha exageraçom.
RuídoSilêncio
Silêncio
é ainda silêncio
E a palavra pervive
Vive
Resiste
ante tanto ruído
sob eterno ruído
omnipotente
e omnisciente
O ruído
é ainda ruído
E a palavra pervive
Vive
Resiste
ante tanto silêncio
sob eterno silêncio
omnipotente
e omnisciente
O ruído
O silêncio
30-08-2005
Connemara em Ponferrada
O 18 de Julho, ao pouco de ter começado a trabalhar na Gatera, Daniel Verdú publicava em "El País", o periódico independente da manham e dependente de quem todos sabemos, umha entrevista com um escritor do que eu nom tinha escuitado falar nunca. Jamie O'Neill: "Joyce siempre murmura al oído de cualquier escritor irlandés".
Se ides à ligaçom, que nom tem a entrevista, porque para isso há que pagar, poderedes comprovar, ademais, que o periódico chama-lhe "Jaime" o pobre Jamie.
As mulheres deviam vir com livros de instruçons
De nom ser porque estava exposto na livraria que nom é umha papelaria, nem um "tudo-a-euro", nem umha tenda de objectos de regalo, nem um quiosque..., mas umha livraria que realmente é umha livraria (e da que já tenho falado), e de nom ser pola editorial que o publica (Txalaparta), nunca teria comprado um livro que se titulara assim (e ainda por riba em espanhol: "Las mujeres deberían llevar libro de instrucciones").
Pequenos movimentos sísmicos (II)
Parece que há novos pequenos movimentos sísmicos na comarca do Berzo. Hoje El Mundo-La Crónica de León desperta-nos com o titular "El PSOE comarcal busca el acercamiento político entre el Bierzo y la comunidad gallega". Agora é nada menos que o Secretário Comarcal do PSOE, e actual alcaide do concelho, galegófono, de Camponaraia, o que fala sobre a necessária reintegraçom da nossa comarca na CAG.
Tira por ela Galiza, mas Castela nom a solta
Onte, 29 de Agosto, foi enviado a diversos meios de comunicaçom, impresos e electrónicos, da Comunidade Autónoma Galega e do Berzo, o seguinte artigo, assinado, a título individual, por 34 pessoas pertencentes a diversos campos da sociedade berziana (cultural, artístico, associacionismo juvenil, sindical, partidos políticos, etc...). Hoje, às 10 da manham, ainda só aparece publicado no PGL. Aguardemos que outros meios o recolham nas próximas horas e/ou dias.
24-08-2005
Castela e Leom... nacionalidade histórica?
Evidentemente, algo de história já tem esta comunidade autónoma formada, por decissom político-administrativa, há menos de 30 anos. Antes existia Leom, por um lado, e "Castilla La Vieja" por outro.
Mas agora, vam estes de IU e solicitam que Castela e Leom seja considerada nacionalidade histórica! Increível!
O PP cualifica a central térmica de Endesa de "perigosa"
E nom só isso, mas criticam a contaminaçom que emite a central instalada em Cubilhos, e mostram a sua preocupaçom por estes factos.
Será que um grupo de hábiles ecologista radicais forom quem de infiltrar-se no PP e tomarom os seus organismos de direcçom?
Nom. É só umha monstra mais de cinismo. A teoria do ventilador e a merda, que eles tam bem conhecem.
