03-12-2008
6 de Dezembro: quê celebrar?
Esse sacro-santo texto legal chamado "Constituiçom espanhol", elaborado por grandes "padres da pátria espanhola", esse texto que permite que, quando as cousas se ponham sérias, o exército espanhol seja o que realmente decida o que vai passar, esse texto que umha grande maioria do povo galego nom aprovou, e umha grande parte nom votou, está de aniversário o dia 6. Celebrará os seus 30 anos ao serviço dos seus amos.
02-12-2008
Abre-lhe as portas ao Apalpador!!!
Este ano, abramos-lhe as portas ao Apalpador!!!
Nalgumhas comarcas da alta montanha do leste da Galiza, no Courel, Lóuçara e o Zebreiro, mantinha-se até datas muito recentes a tradiçom do Apalpador, um gigante com ofício de carvoeiro, que, no Natal, baixava das devesas onde morava para as aldeias, com a intençom de apalpar as barrigas das crianças para comprovar se estavam bem mantidas. O Apalpador vigiava que vivessem com fartura, desejava-lhes que no vindouro ano continuassem a nom passar fame, e deixava-lhes umha presa de castanhas quentes como presente e lembrança da sua visita.
30-11-2008
A Campabranca, mais branca que nunca
Esta é umha foto feita com o móbil desde a minha casa a sexta-feira 28 às 14.00h., mais ou menos.
A Campabranca, mais branca que nunca.
28-11-2008
Quê bonita a maldita, asquerosa e condenada neve!
Aqui estou, no trabalho, no meu posto de trabalho.
Hoje, 28 de Novembro, que tinha que estar caminho de Compostela. Nom para beijar o santo, mas para participar na inauguraçom da exposiçom "poesia para Ver/poesia para Ler", no Centro Social O Pichel.
Mas os anjos do ceu confabularom-se para que leve todo o dia nevando, impossibilitando cruzar Pedrafita.
Quê bonita, quê linda, quê simpática, a maldita, asquerosa e condenada neve!!!
De todas as formas, o acto celebrará-se igual.
Aguardo que, quando menos, as pessoas que vaiam tenham a bem beber umhas cervejas à minha saude. E que Sechu, Baldo, Estíbaliz, Alberte e Xosé (e o público que asista) me desculpem a ausência.
Compromisso com quê? Compromisso com quem?
Vem de sair à rua o número 50 do Abrente, o vozeiro de Primeira Linha.Um número especial com colaboraçons de alguns e algumhas das colaboradoras habituais nestes doze anos de imprensa independentista e comunista galega: Carlos Morais, Noa Rios, Alberte Moço, Daniel Lourenço, Berta L. Permui, Maurício Castro, André Seoane, Ramiro Vidal, Carlos Taibo, Domingos Antom Garcia, Michael Löwy, George Labica, Iñaki Gil de San Vicente, Narciso Isa Conde, Ana Barradas, Marco Santopadre..., e também de quem isto escreve.
Um artigo intitulado "Compromisso com quê? Compromisso com quem?", que colo também aqui embaixo.
Compromisso com quê? Compromisso com quem?
No mundo ocidental actual em que vivemos, o consumo é em si mesmo um fim. Consumir é, no mundo capitalista, o maior exemplo de liberdade. Nom é por acaso que os defensores deste mundo como o único mundo possível sempre falem da necessidade de defender o ?sistema de livre mercado?. A produçom cultural, para bem e para mal, nom é alheia a isto. A Produçom Cultural com maiúscula, a Cultura séria, essa que aparece em, e é promovida por, os grandes grupos mediaticos, essa que ocupa as prateleiras das livrarias dos centros comerciais, os museus e as galerias de arte, os coliseus e os palácios da música, as salas de cimena e os teatros, as discotecas e as universidades... só se produz para ser vendida, para ser comprada. E, para se vender, para poder ser comprada, tem que situar-se consciente ou inconscientemente dentro de umha aposta ético-estética, político-ideologica, que lhe permita ser compatível com a óptica burguesa do mundo. Isso significa que tem que botar pola borda o compromisso com a liberdade, com a emancipaçom, com a fraternidade, com a igualdade. Tem que ser umha produçom cultural que asuma a necessidade de se converter num bálsamo apaziguador das evidentes injustiças realmente existentes no mundo contemporáneo, gestando-se longe de qualquer preocupaçom social e excluindo do seu ADN todo o que puder contribuir para compreender os motivos polos quais este mundo deve ser transformado. A cultura situa-se, assim, no campo do colaboracionismo político-ideológico com o capitalismo e a indiferença social, e promove a visom da inevitabilidade do mundo actual tal e como o conhecemos. É umha cultura comprometida, sim, mas comprometida com o sistema imperante, actuando como parte de umha grande campanha de propaganda e publicidade do mesmo.
25-11-2008
De festa em casa alheia... (ou nommmm)
Andivemos/andamos de festa, de parranda, de esmorga, de joldra, de troula, de fartadela, de chacarandaina, de galhoufa, de reboldaina, de rejouba... em casa alheia. Ou nom tam alheia.
Nem sei muito bem como é que comezou.
24-11-2008
Categorias: Cousas por aí, Escrever nom é mau, Cousas por cá, Gz é bem pequena, Para Ver Ler, Eu também desenhar
para Ver/Ler em Compostela
Já levavamos tempo anunciando que a exposiçom "poesia para Ver/poesia para Ler" chegaria a Compostela. E agora podemos concretar datas. Do 27 de Novembro ao 27 de Dezembro, estará no Centro Social O Pichel, o local da Gentalha do Pichel.
E na sexta-feira, 28, a partir das 20.00h., faremos um recital com uns amigos, como acto de inauguraçom, com a participaçom dos/as poetas Estíbaliz Espinosa, Séchu Sende, Alberto Momam e Baldo Ramos, e a actuaçom musical de José Constenla.
20-11-2008
Poesia e militáncia
"Há que desterrar essa concepçom falsa, mecánica e daninha segum a qual o poeta comprometido com o seu povo e com o seu tempo é um indivíduo iracundo ou excessivamente doido que se passa a vida dizendo, sem mais nem mais, que a burguesia é nojenta, que o mais belo do mundo é umha assembleia sindical e que o socialismo é um jardim de rosas sob um sol especialmente tenro. A vida nom é tam simples e a sensibilidade que precisa um marxista para ser verdadeiramente tal, debe-o captar perfeitamente. É dever do poeta luitar contra o esquematismo mecanicista. Este método empece o desenvolvimento da poesia ?que como a conquista do Cosmos deve conservar sempre fresca a sua sede aventureira- e lesiona o possível conteudo conceptual possítivo"
Ponto 13 do texto de Roque Dalton "Poesia e militáncia na América Latina", publicado na revista Casa de las Américas, 3.20 (A Havana, Cuba, 1963).
19-11-2008
Já e manhám para ti
Já é manhám para ti
e para nós ainda é onte
ou antonte
Mesmo há alguns entre nós
para os que ainda é a semana passada
ou o mês anterior
Mas para ti
já é manhám
Porém
lembra que o tempo
está a favor dos pequenos
e que se para nós ainda é onte
ou antonte
é porque realmente ainda é onte
ou antonte
porque o futuro só chegará
quando nós
o construamos
nom quando tu no-lo queiras vender
Por isso
anda com olho
porque
já é manhám para ti
18-11-2008
Vim-te marchar três vezes da casa
Com esta
vim-te marchar três vezes da casa
dando um portazo
e prometendo nom voltar
nunca mais
A primeira vez
durou o tempo suficiente
para que eles pensaram que te precissavam
e sairam a chamar-te
a ti
que aguardavas fora a que te chamaram
ao descobrir que o frio
o frio real
nem era metafórico
nem romántico
nem atractivo
A segunda vez
durou o tempo suficiente
para que tu descubriras que precissavas voltar
e chamache à porta
repetidas vezes
porque sabias o agradável que era
sentir calor
mirando pola janela
mentras falavas
da neve
da chuva
e do frio
Esta é a terceira vez
A primeira vez que saiche
alegramo-nos muito
compartilhamos contigo o balbordo silenciado
e lamentamos a tua marcha
ainda que prometeras que dentro da casa
ias falar do exterior
da realidade do exterior
e da pertinência de ter presente a situaçom
A segunda vez que saiche
estavamos construindo algumha cousa
e contamos contigo
e seguimos guardando um lugar
para ti
depois de que voltaras à casa
prometendo-nos que as cousas
definitivamente
iam mudar
e todo aquel palavrório
da contextualizaçom dos conflitos
e as condiçons materiais
Hoje
quando te vejo sair
novamente da casa
prometendo nom voltar
nunca mais
só podo alegrar-me
por saber que dentro
as cousas som tam complicadas como fora
Nós só queremos botar-vos fora
E o conseguiremos
Nom para entrar nós
Só para que nom haja ninguem dentro
quando derrubemos a casa
essa maldita casa
