06-06-2008

Link permanente 17:30:05, por i (gor) Email , 879 palavras   Português (GZ)
Categorias: Cousas por aí, Gz é bem pequena, Stop hipocrisia!

A igreja (católica, apostólica, romana) mata

Caminhando polas ruas virtuais, visitando as casas dos amigos e as amigas, tomando-lhe um café por aí e um licor café por alá, atopei um lugar onde descansar um pouco mentres via umha interesante curta.
De súpeto, descobres umha das melhores vozes da nossa literatura, a falar nessa curta, porque o texto é seu, e se calhar mesmo a música está escolhida por ela.
Vejo umha, duas, três vezes o vídeo, ensino-lho a umha das companheiras do trabalho, e, sem poder resistir-me, escrevo este pequeno comentário, para dar-lhe publicidade, cumprindo com umha das minhas (auto)obrigas: ser um operário da agit-prop. E entom decidido seguir caminhando por essas ruas que poucas vezes visito.

[youtube]CMHdp_Rf05o[/youtube]

Leia mais »

14-05-2008

Link permanente 11:55:45, por i (gor) Email , 10 palavras   Português (GZ)
Categorias: Cousas por aí, Estam tolos estes espanhois, Stop hipocrisia!

De derrota em derrota...

Leo isto em Vieiros, e lembro-me disto no El Pais.

15-02-2008

Link permanente 18:01:27, por i (gor) Email , 647 palavras   Português (GZ)
Categorias: Cousas por aí, Cousas por cá, Estam tolos estes espanhois, Stop hipocrisia!

CONTRA A CAÇA ÀS BRUXAS EM COMPOSTELA

Alentada pola extrema direita espanhola, nas suas facçons política, meiática e universitaria, começou a caça às bruxas. Ou melhor dito: mais umha vez, pom-se em marcha a caça às bruxas contra tudo aquilo que se afaste do seu ideal, do seu ideário de “Orden, Dios y Patria”.

Leia mais »

20-04-2007

Link permanente 01:06:02, por i (gor) Email , 352 palavras   Português (GZ)
Categorias: Cousas por aí, Estam tolos estes espanhois, Stop hipocrisia!

Pola retirada dos símbolos franquistas e contra o julgamento de quem os retira

Chega-me polos correios electrónicos, um manifesto de solidariedade com as 4 pessoas que vam ser julgadas no próximo 26 de Abril, por terem pintado de cor de rosa a chamada "cruz dos caidos" do concelho de Neda, na comarca de Trasancos.
Mais abaixo podes ver, na integra, o manifesto. Quero fazer um apelo a todas as pessoas que lem este blog para que mostrem o seu apoio e solidariedade assinado o manifesto. Para isso, só tes que enviar um correio electrónico com os teus dados, nome, apelidos, número do Bilhete de Identidade, e profissom ou actividade que realizas, ou cargo da entidade à que pertences, a: antifascismogalegoarrobagmail.com (lembre de mudar a arroba polo símbolo correspondente).
Participa! Colabora! Encaminha o manifesto aos teus contactos.

Leia mais »

Link permanente 00:35:38, por i (gor) Email , 481 palavras   Português (GZ)
Categorias: Cousas por aí, Stop hipocrisia!

O teu parlamento nom é móvel? Pois troca-o!

"O BNG pede à Junta que exija a implantaçom do galego nos telemóveis". Pudestes ler o titular em praticamente toda a imprensa nestes dias. Umha iniciativa do parlamentar do BNG Bieito Lobeira, para que a Junta inste às empresas de telefonia móvel a que incluam a nossa língua tanto nas opçons dos terminais como no serviço de atendimento ao cliente.

Leia mais »

23-03-2007

Link permanente 00:28:51, por i (gor) Email , 749 palavras   Português (GZ)
Categorias: Stop hipocrisia!

Cópia todo o que saibas, todo o que podas, todo o que queiras

Agora que já aprovaram que uns quantos advogados e economistas sem muitos escrúpulos, vam poder viver melhor graças a isso que eles chamam "indústria dos direitos de autor", e que nom é mais que umha forma de conseguir dinheiro sem bater pancada, decido modificar a legenda do meu blogue, e daquel "Alguem sabe como funciona isto?", passamos ao "Defende a cultura:Cópia todo o que saibas, todo o que podas, todo o que queiras".

Leia mais »

23-01-2007

Link permanente 19:08:02, por i (gor) Email , 82 palavras   Português (GZ)
Categorias: Stop hipocrisia!

Da esquerda da esquerda à direita do centro

Ia escrever um comentário sobre aquela velha (e agora já, caduca) "esquerda da esquerda" que nos anos 60 e 70 caminhavam entre nós, ao fio do aniversário dumha velha publicaçom da esquerda esquerdista espanhola, que estivo cheia de personagens que presumiam precisamente disso, de estar à esquerda da esquerda, para terminar, hoje em dia, à direita do centro (quando nom à direita da direita), mas atopei em Rebeliom um muito bom texto de Emir Sader, que recomendo: Guía para ser ex izquierdista

27-12-2006

Link permanente 08:39:33, por i (gor) Email , 156 palavras   Português (GZ)
Categorias: Estam tolos estes espanhois, Stop hipocrisia!

Um País em espanhol

A estas alturas já as poucas pessoas que lêm algumha vez este blog sabem que El País (o diário independente da manham e dependente de quem todos sabemos), tem umha ediçom galega. Já falarei mais adiante da especial importáncia que tem ver, cá no Bierzo, que o País publica artigos, notícias e reportagens em galego, porque, por se nom o sabedes, a ediçom de El País que se reparte no Bierzo é, por suposto, a ediçom galega!!!
Mas o que mais me chama a atençom dessa ediçom é ver como algumhas pessoas (outras nom), aproveitam a existência dessa ediçom para escrever EM ESPANHOL!!! os seus artigos, textos, comentários... Supostos jornalistas, artistas e intelectuais, está a aproveitar a existência dessas páginas para iniciar a sua viagem cara as letras espanholas.
É é que, parafrasando a Obélix mais umha vez, está tolos estes espanhois!

16-10-2006

Link permanente 15:22:36, por i (gor) Email , 515 palavras   Português (GZ)
Categorias: Stop hipocrisia!

Contra quê pobreza?

Há vários dias escuitei na rádio umha notícia, na que se falava dum informe elaborado por um amplo grupos de ONG's (já sabedes, essas organizaçons que presumem do que nom som: dim que nom som governamentais, mas o 90% vivem do dinheiro que lhes dam os diferentes, diversos e variados governos e administraçons públicas). Neste caso, tratava-se do grupo das mais grandes ONG's do Estado espanhol (que nisto da "solidariedade" burguesa ainda há classes, e nom me vas comparar umha ONG séria e responsável com sedes em várias capitais de província e por suposto em Madrid e projectos e meio mundo ou mais, com umha ONG dessas que todo o que tenhem é um apartado de correios em algumha província perdida do mapa).

Leia mais »

Link permanente 14:56:15, por i (gor) Email , 338 palavras   Português (GZ)
Categorias: Stop hipocrisia!

Democracia e partidos democráticos

Agora que começou a campanha eleitoral para as eleiçons autonómicas na Catalunha, andam, como sempre, os jornalistas alborotados, cagando sentências polas esquinas, e explicando-nos aos pobres mortais como é que o melhor que se pode passar é o que eles dim que se deve passar, e nom o que livremente os e as catalans podam decidir que se passe.

Hoje na rádio, na rádio progre espanhola por antonomásia, vários jornalistas e "expertos", explicavam como ERC é umha organizaçom que nom oferece garantias, porque nom é séria, nom é responsável. Em que se baseavam para dizer isto? Em que, no processo de reforma do Estatut da Catalunha, finalmente ERC defendeu nom o que umha parte da sua direcçom queria defender, mas o que as suas bases, quer dizer, a maioria, a imensa maioria da organizaçom, quixo defender.

Em que quedamos? Nom é que os partidos políticos, para ser legais, devem ser democráticos, respeitar a democracia, e toda essa lenga-lenga burguesa? Pois entom, como é que se pode criticar a um partido por fazer e defender o que maioritariamente as pessoas que fam parte desse partido decidem? É que obviar a opiniom dos e das membros dumha organizaçom, e fazer o que os dirigentes decidam, sem ouvir nem ter em conta as opinions dos e das suas filiadas pode ser considerado "democrático"?

Haverá, de facto há, muitas razons para criticar ERC, mas nom precisamente essa: criticar a sua democracia interna. Nom será, mais bem, que é que os outros partidos nom é que nom sejam sérios ou responsáveis, o que nom som é "democráticos"? Nom será que com as Leis na mao (as leis espanholas, as mesmas que eles mesmos promulgarom) haveria motivos para a sua ilegalizaçom, por nom terem um funcionamento interno democratico? Nom di a sacrosanta Constituiçom espanhola algumha cousa ao respeito? E a famosa Lei de Partidos políticos, também nom di nada sobre o necessário fucionamento democrático dos partidos para ser legais?

<< 1 2 3 4 5

Julho 2014
Seg Ter Qua Qui Sex Sab Dom
 << <   > >>
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Busca

Ferramentas do usuário

Feeds XML

free open source blog