«Os rouxinois nom te deixam dormir em Platres»

Esquivo rouxinol, na palpitaçom da folhagem,
tu que ofereces o orvalho musical da floresta
aos corpos separados e as almas
daqueles que sabem nom vam voltar.
Voz cega que facteias na memória anoitecida
passos e gestos -nom me atreveria a dizer beijos-
e a amargura encapelada da escrava em fúria.

«Os rouxinois nom te deixam dormir em Platres»

Que é Platres? Quem é que conhece esta ilha?
Vivi a minha vida ouvindo nomes nunca ouvidos antes:
novos sitios, novas loucuras dos homens
ou dos deuses;
é o meu destino que ondeia
entre a derradeira espada dum Ajax
e umha outra Salamina
que me trouxe aqui a este costa.

A lua
ergueu-se do mar como Afrodite;
cobriu as estrelas do Sagitário, agora vai encontrar
o coraçom do Escorpiom, e muda todas as cousas.
Onde está a verdade ?
Também eu era sagitário na guerra;
a minha sina, a de algum que nom acertou.

Rouxinol cantador,
numha noite como esta na beira mar de Proteu
as escravas de Esparta ouviram-te e soltaram o pranto
e entre elas ? quem o diria ? Helena !
Aquela que andámos a perseguir ao longo de anos junto ao Escaramandro
Estava alí, nos lábios do deserto; toquei-lhe, falou-me:
«Nom é verdade, nom é verdade», gritava.
«Nom entrei no barco de proa azul.
Nunca piseia a valerosa Tróia».

Com fundos panos atando-lhe os seios, o sol nos cabelos, e
essa estatura
sombras e sorrisos por toda ela
nos ombros nas coxas no joelhos;
pele viva, e os olhos
com grandes pálpebras
estava ali, na margem de um delta.

E em Tróia?
Nada em Tróia ? umha imagem.
Assim o quiseram os deuses.
E París, deitava-se com umha sombra como se fosse umha criatura
autêntica;
e andámos a massacrar-nos nós por Helena durante dez anos

Grande dor tinha caído sobre a Grécia.
Tantos corpos atirados
às fauces do mar às fauces da terra;
tantas almas
dadas como trigo às moas.
E os rios incham na lama o sangue
por umha ondulaçom de linho umha nuvem
um sobressalto de borboleta umha pena de cisne
por umha camisa variz, por umha Helena.
E o irmao ?
Rouxinol, rouxinol, rouxinol,
que é um deus? que é um nom deus?

«Os rouxinois nom te deixam dormir em Platres»

Pássaro lacrimoso
em Chipre, a beijada polo mar
designada para me lembrar a pátria,
acostei sozinho com esta lenda,
se é verdade ser isto umha lenda,
se é verdade que os humanos nom vam retomar
a antiga perfídia dos Deuses;
se é verdade
que um otro Teucro, anos depois,
o um Ajax, ou Príamo ou Hécuba
viu um Escamandro transbordar cadáveres,
nom têm por destino ouvir
mensageiros que vêm dizer-lhe
que tanta dor tanta vida
foram para o abismo
por umha camisa vazia por umha Helena.