Todos os benefícios derivados da venda do livro irám destinados à organizaçom do 79ª Aniversário da Proclamaçom da República Galega (27 de Junho de 1931, 27 de Junho de 2010), comemoraçom que estám a preparar em Gesteda (Cerzeda) colectivos das comarcas de Ordes, Bergantinhos e Compostela, para recordar esse fito nacional acontecido durante a greve dos trabalhadores do caminho-de-ferro.
O livro de relatos ?Arredor do Paraíso?, da autoria de Brais Zas, quem nom se considera ?um escritor?, mas sim ?um observador?, é editado pola Revoltaina Cultural da Beira de Bergantinhos. Cinco relatos que, por palavras do autor, som ?como um exorcismo dos próprios demos interiores, um repasso de experiências vividas, um compéndio dumha etapa vital e do saber adquirido nela?.
A continuaçom reproduzimos íntegro o prólogo do livro, que poder mercar enviando um correio para foucelhas.ordes@gmail.com ou esqueilam@hotmail.com. Boa literatura, cultura livre, e ajuda para recuperar umha data esquecida no nosso calendário nacional.
Prólogo de ?Arredor do Paraíso?
Darredor do paraíso son os soños que non se cumpren, os anceios que non se alcanzan, os bos tempos que nunca dán chegado. Estes cinco relatos, que, a xuízo do lector, tal vez non teñan moito que ver pola súa temática, sí a teñen no contexto da propia vida de quen os escribiu. A través deles pónse peche a unha etapa da vida do autor. É coma un exorcismo dos propios demos interiores, un repaso de experiencias vividas, un compendio dunha etapa vital e do saber adquirido nela.
Quen isto escrebe non se considera un escritor. Sí un observador, e tal vez un intérprete a través da palabra escrita da súa propia vida con tódolas súas circunstancias, sucesos, paisaxes grabadas nas retinas, personaxes que aparecen e desparecen, e tamén con tódolos pensamentos interiores.
É precisamente da experiencia vital de onde xorden os personaxes que conforman os cinco relatos. E as súas temáticas foron -en maior ou menor grado- vividas en primeira persoa. Non hai trampa nin cartón; aquí é todo auténtico. Precariedade, drogas, política, diversión?a forza da realidade plasmada, de mellor ou pior maneira, en historias que teñen como maior mérito ?modestia aparte- contar de forma simple aquilo que está a acontecer agora mesmo. Relatos frescos, quitados da máis pura realidade, e convertida, ás veces, a realidade en mito.
Do paradiso á escuridade é un concepto en si mesmo. Porque o autor cre nas obras como conceptos moi personais de quen os crea. Os cinco relatos forman unha obra que o propio título cohesiona: son personaxes que vagan polo mundo, dan voltas darredor dun soño abstracto de felicidade e grandeza representado no mito do paraíso; e ás veces chegan a el, pero volven caer ao vacío. É cando nos arredan do paradiso, cando nolo negan, cando nos damos conta de que nel estivemos ou simplemente existe.
É este un concepto que se comezou a desenrolar na propia vida do autor dende fai uns aniños e que aquí queda plasmado e inmortalizado, porque o autor necesitaba liberarse da necesidade de contalo. Ese foi o reto que me marquei, para que ti tamén, lector, saques algo en limpo del.
Brais Zas, Xaneiro do 2010.
Vou estrenar os comentários. A quem nom liu o livro, recomendolho. Para mim está bem…e tmbém se contribue a ajudar a festa da REPÚBLICA GALEGA. Só custa 7 ourinhos.
----- -------- AUTHOR: ordes TITLE: Programa da Festa da República Galega (27 de Junho de 2010) BASENAME: programa-da-festa-da-republica-galega-27-de-junho-de-2010 DATE: Fri, 28 May 2010 16:34:50 +0000 STATUS: publish PRIMARY CATEGORY: PROGRAMA DA FESTA CATEGORY: TAGS: ----- BODY:Vários colectivos da comarca de Ordes (A.C.Lucerna, A.C.Foucelhas, A.C. A Aldraba, A.C. A Revoltosa), de Bergantinhos (A Revoltaina Cultural da Beira de Bergantinhos) e de Santiago (a Comissom de Memória Histórica da Gentalha do Pichel) estamos a organizar para o 27 de Junho umha festa comemorativa do 79 Aniversário da proclamaçom da República Galega, efectuada em Compostela durante a greve dos trabalhadores do caminho-de-ferro no 27 de Junho de 1931, justo antes das eleiçons às Cortes Constituíntes da República Espanhola.
Polo simbolismo do sítio, a festa fará-se na estaçom velha de Gesteda (Cerzeda), abandonada ao passo do AVE, e situada à beira do Lenguelhe. Ainda que o programa está aberto a novas incorporaçons e/ou modificaçons, em princípio será o seguinte:
FESTA DA REPÚBLICA GALEGAPara o dia teremos publicado um pequeno livro com a investigaçom histórica que estamos a realizar; os benefícios da sua venda irám destinados à celebraçom da própria festa. Além disso, A Revoltaina Cultural de Bergantinhos publicará em breve o livro de relatos de Brais Zas Arredor do Paraíso, cujos benefícios irám também destinados integramente à celebraçom da Festa da República Galega.
27 de Junho de 1931 - 27 de Junho de 2010
79 Aniversário da proclamaçom da República Galega
-12h00: passa-ruas com gaiteiras/os.
-12h30: acto explicando a comemoraçom, e os factos de aquele revolucionário ano de 1931. Haverá também umha expossiçom.
-13h00: sessom vermouth.
-14h00: jantar popular, a cárrego do Sindicato Labrego Galego, com produtos da zona.
-16h00: aberto de bilharda.
-17h00: enquanto continua a bilharda actuará o clown Fredi para as crianças.
-À tarde haverá também projecçons de documentários relacionados com os factos, e mesmo poda que haja um estreio dum documentário realizado para a ocasiom! Os colectivos que o desejem também poderám instalar um posto com o seu material.
-À noitinha começarám as actuaçons musicais. Tocará Leo i Arremecághona e Mini e Mero, mas é possível que haja mais actuaçons.
A nossa intençom é "pôr a data no calendário", e que a celebraçom tenha continuidade. Como é um acto que trascende o ámbito comarcal, queremos pedir-vos a vossa colaboraçom, na medida em que podades: divulgar a celebraçom entre os vossos contactos, colar um cartaz na vossa vila, etc... O que esteja na vossa mao. Ao querer-lhe dar umha perspectiva nacional à celebraçom, as associaçons que assim o quigerem poderám aparecer no cartaz como "colaboradoras" só com ingressar 50 euros para ajudar economicamente à festa. O nº de conta que temos é da A. C. Lucerna: 2091 0049 31 3000049626 (especificar que o ingresso se fai para a "Festa da República Galega").
Sem mais, agradecemos a vossa atençom e aguardamos a vossa visita. Em breves disponibilizaremos um blogue para ampliar informaçom.
----- COMMENT: AUTHOR: cochiqui [Visitante] DATE: Sat, 12 Jun 2010 18:02:20 +0000 URL:Ei há um erro, onde di 27 julho festa conmemorativa…é junho.
----- --------