Mais um ano, a Associaçom Cultural A Revira quer celebrar com toda a cidadania ponte-vedresa um dia de reivindicaçom e festa dedicado à nossa língua.

Ao longo de cada ano, da Revira acompanhamos as luitas populares que tenhem lugar na nossa comarca. Dinamizamos a cultura da cidade por meio do nosso Centro Social, aberto a diversos movimentos organizados da comarca. Um centro que atende todas as causas justas, desde a nossa própria formaçom como pessoas comprometidas coa naçom e a classe trabalhadora, até o internacionalismo ou as festas populares. E com certeza, sempre com um compromisso irrenunciável com a nossa língua, visualizando-o e empregando-o em todo momento e circunstância, porque nom é um objeto de museu, senom um instrumento vivo que deve ser normalizado em todos os espaços. Porque é inteiramente lógico suponher que a língua da Galiza se torne o referente lingüístico por excelência deste país. Porque é o nosso dever luitar por refrear e reverter as tendências que querem acabar com a nossa língua milenária, umha criaçom cultural colectiva que foi mantida polo povo trabalhador apesar de séculos de humillaçom, opressom e repressom.

Sabemos da dureza dos nossos tempos. Estamos a viver no pior periodo histórico para a nossa língua. Mas também sabemos que existe um povo galego combativo e unido em defesa do galego, que conhece as causas reais da situaçom actual. Assim, da Revira negamos qualquer legitimidade ao quadro jurídico-político imposto desde Madrid, que reduce a nossa língua a umha posiçom subordinada, e denunciamos a intençom do governo autonómico de acelerar a substituiçom lingüística, do que deu exemplos avondosos.

A sua vontade é que o galego dessapareza mais cedo do que tarde. Mas nom o imos consentir. Imos prolongar a mobilizaçom em favor da presença do galego em todos os espaços sociais, nomeadamente no ensino, o mundo do trabalho ou os meios de comunicaçom. Sabemos que estamos no lado certo: o do povo, o da razom, o da confiança num futuro mais justo. Hoje temos um dia cheio de actividades, de convívio, de alegria, de festa e reivindicaçom. Um espelho do que queremos que sejam todos os meses, todas as horas e todos os dias do ano.

Concluimos animando a cidadania ponte-vedresa a mergulhar-se no galego todo o ano, e a implicar-se em todas as mobilizaçons em defesa dos nossos direitos, como nós continuaremos a fazer. Viva a nossa língua!

No vindouro sábado 5 de maio às 19:30 celebraremos no nosso centro social a IV sessom do grupo de estudos da Revira. Desta volta trataremos umha breve introducçom às teorias da crise feito por Josep Manuel Busqueta, membro do Grupo Taifa de Economia Crítica.Quem quixer o texto que contacte com nós via o correio : centrosocial@revira.org

Volta a festa da lingua!

Mais um ano, a festa da lingua volta as ruas de ponte vedra organizada pola Associaçom Cultural Revira. Palestras, contacontos, regueifa, jogos populares, livros viageiros, aberto de bilharda e muito mais teram lugar na praça da ferraria mais no centro social Revira o sábado 12 e 18 de maio.

-Sexta-feira 11 de maio no Centro Social Revira
21:30 Actuaçom musical que dará inicio a Festa da Lingua 2012

-Sábado 12 de maio

Praça da Ferraria :

11:30 – 14:00 Jogos populares , livros viageiros e obradoiro de bilharda para crianças

12:00 Regueifa a cárrego de Bieito e Josiño da Teixeira

13:00 Contacontos Codia e Miolo

14:00 Lectura do manifesto da Associaçom Cultural Revira

-Centro Social Revira

14:30 Jantar popular. Apontar-se no correio : centrosocial@revira.org

-Recinto Feiral ( parque Rosalia de Castro)

17:00 I Aberto de Bilharda Festa da Lingua 2012

Centro Social Revira

19:30 O Galego e o Bretom Palestra impartida por Robert Neal Baxter, Mestre de interpretaçom simultánea e consecutiva ( galego-inglês) na Universidade de Vigo.

-Sábado 19 de maio no Centro Social Revira :

20:00 Apresentaçom do projecto “Vitaminas para o Galego”.

Mais um ano, a Associaçom Cultural Revira celebrará no seu centro social umha nova festa em conmemoraçom polo 25 de abril português. Será o vindouro sábado 28 a partires das 19:30.

19:30 Projecçom " As Armas e o Povo " ( 1975). Documentário português de longa-metragem que ilustra os primeiros 6 dias da Revoluçom dos Cravos.

22:00 Ceia de confraternizaçom : Frango com patacas + vinho verde. O preço é de 10€. Tambem teremos outro tipo de produtos a degustar coma os pasteis de belem, bolinhos de bacalhau etc.Apontar-se em : centrosocial@revira.org ou bem no nosso centro social.

23:00 Para rematar...Festa rachada! Música popular portuguesa, cervejas de importaçom ( super bock e sagres),vinho verde, petiscos e bem mais!

Este 7 de abril celebraremos o primeiro campionato de matraquilhos na nova ubicaçom do centro social. Numerosas parelhas enfrontaran-se neste histórico jogo durante a tarde do sábado,no qual os ganhadores ou ganhadoras teram prémio. Para rematar a noite,terá lugar tambem no nosso local umha pinchada de musica jamaiquina. Durante a mesma sortearemos um lote de cd´s de musica negra.