O entrudo entra com tudo e, na mentres @s merdeir@s agardam colhendo folgos entre sexta e domingo, na revolta haverá festa de entrudo o sábado 18 com o concurso de disfrazes o de coplas de entrudo e o concurso-merenda de doces a partires das 20h00.

Voltam @s merdeir@s e no domingo 19 de fevereiro há jantar merdeiro no CS às 14h00. O menú inclúe lacom com grelos, empada, postre e chupinho, sendo o preço de 10€. Para assistir anotar-se no taboleiro do CS.

As pessoas interesadas podem inscrever-se no centro social até o dia 10 de fevereiro.

Já estám aqui!

(acordando o pesadelo)

Há quase 3 anos que começou todo, há quase 3 anos que o assemblearismo, a horizontalidade e a autogestom estabelecem-se nas nossas vidas como umha realidade, quase 3 anos que desafiamos a lógica provável do evidente, alcançando assim o princípio dum longo caminho incerto, cujo final está ainda por escrever. Quase 3 anos que a reafirmaçom pessoal e colectiva duns princípios de participaçom florescérom polos poros da nossa pele e timidamente ameaçam com rachar a coroça de medo na que se foi convertendo, lentamente, o nosso corpo. 3 anos nos que a utopia do desconhecido vencia ao fim à rotina condicionada e aplastante do cotiá.

Onde, por e para todxs, é sentida a significaçom mais funda do «fai-no tu mesmx» criando assim um espaço de desenvolvimento criativo político e social.

Tam só 3 anos…, como se passa o tempo…

Ainda se recorda como era todo antes; a frustraçom, a decepçom, o nom atopar nem o tempo nem o lugar… o nom entender porque aqui era impossível o que em qualquer outra parte era real. Que maus tempos!

Pois bem, ao fim sente-se que o tempo é agora. Ao fim sente-se que o lugar é aqui.

Hoje compreende-se que só nós somos quem de consegui-lo. Que nom necessitamos nem intermediárixs nem promessas a nos alumiar.

Ao fim caimos na conta de que nas nossas maos estám as rédeas das nossas vidas e nos nossos coraçons os ideários de liberdade, de igualdade, de justiza e de apóio mútuo.

Hoje é agora, e agora é o momento.

Hoje por todxs e amanhá também.

SOLIDARIZA-TE E LUITA!

Na próxima sexta-feira dia 3 de dezembro umha representaçom do nosso centro social acodirá aos atos organizados polas companheiras e companheiros do C.S.Revira com motivo do seu sétimo aniversário. As/os nossas/os representantes participarám do debate organizado para as 20h30 com membros doutros centros sociais. Desde aqui queremos parabenizar às companheiras e companheiros da Revira por estes sete anos de resistência, e desejar-lhes mil primaveras mais!

Na manhá do dia 10 acaba de deixar-nos o companheiro José Manuel Sanmartim Bouça conhecido por todos e todas nós como “Martinho”. Home bom e generoso onde os houver. Combatente a vida ou morte pola independência nacional deste País.

Nascido em Fene, milita no nacionalismo galego desde jovem e concentra na sua pessoa um abano de virtudes que é pouco comum encontrar reunidas numha mesma pessoa: singelo, generoso, inteligente, entregado absolutamente aos demais, franco, humilde, combativo...

Será essa profunda humanidade a que leve este trabalhador da Bazán de olhada cristalina e sorriso doce a incorporar-se desde jovem à luita nacionalista na AN-PG e a INTG e, com o tempo, assumir os compromissos mais altos no combate ilegal contra a opressom nacional. Correm tempos de reconversom industrial e evidenciam-se os efeitos da integraçom da Galiza na CEE. As convulsons no País refletirám-se também no campo nacionalista.

Martinho incorpora-se ao Exército Guerrilheiro do Povo Galego Ceive (EGPGC) desde os seus começos. Detido numha tentativa de expropriaçom bancária para o financiamento da luita ilegal independentista, ingressa na cadeia sob a condiçom aparente “delinquente comum”. Será em 5 de Fevereiro de 1987 quando no processo que se celebra na Audiência Provincial da Crunha contra ele, Manuel Chao do Barro e Jaime Castro Leal que anuncie publicamente a sua militáncia no EG e seja expulso da sala entre berros de Viva Galiza ceive! Umha recente “reportagem” da TVE destinada à intoxicaçom anti-independentista imortaliza esse momento em que o nosso companheiro, punho em alto, é desalojado por vários polícias.

Tempo depois, sae em liberdade para incorporar-se à clandestinidade num compromisso independentista em que assume todas as consequências. Em Maio de 1988 é capturado de novo no Canhom do Sil junto a outros militantes do EG que se refugiaram na Ribeira Sacra para fugirem da vigiláncia policial. Torturado, ingressa de novo em prisom onde permanece durante 8 anos nos centros de extermínio de Pereiro de Aguiar, Herrera de la Mancha e Alcalá-Meco. Ali Martinho é activo militante no combate da repressom carcerária, participando em chapeios, greves de fame, etc.

De volta ao País, participa nas Juntas Galegas pola Amnistia (JUGA), colabora com a Fundaçom Artábria e alenta o desenvolvimento dumha nova geraçom de independentistas que se incorpora à luita através da AMI. A sua naturalidade e humildade converterám-no rapidamente em referência para toda essa geraçom que tivo o privilégio de compartilhar a sua presença e ouvir o seu conselho sempre humilde.

Ciente da necessidade de unidades independentistas amplas, participa inicialmente no Processo Espiral (2001), mas, com um significativo contingente de militantes, abandona 4 anos depois a organizaçom resultante do processo desde posiçons críticas com a sua linha política e prática social. Incorpora-se assim nesse ano ao colectivo independentista Espaço Irmandinho. Desde 2007 participa e colabora com a iniciativa popular autodeterminista Causa Galiza desde as comarcas da Marinha e Trasancos entre as que repartia o seu tempo.

Praticante da solidariedade na sua dimensom mais ampla, Martinho contribue também com o organismo popular anti-repressivo Ceivar, participa nas Marcha pola Liberdade para reivindicar a repatriaçom e a excarceraçom d@s pres@s independentistas e fai parte nos últimos anos das listagens de visitas carcerárias dumha nova geraçom de presos e presas independentistas que, como ele no seu dia, conhecem hoje o cárcere e a dispersom.
A sua perda deixa-nos um vazio e umha ausência impossíveis de encher. Umha ausência ainda impossível de acreditar quando pensamos a luita e o país sem a sua presença. Martinho foi, é e será para todos e todas nós um exemplo luminoso desses homes e mulheres nos que cristaliza a decisom de ser de todo um povo.

Alguém dixo um dia de chuva, quando despediamos a Ramom Muntxaraz, que o ceu da Galiza chorava polo Moncho. Hoje, esse mesmo ceu, e muitas e muitos de nós, choramos porque nos deixa um dos melhores.
A nossa melhor homenagem, reproduzir o seu exemplo.

Até sempre, companheiro!