Após um mês, o do Agosto, em que Angueira de Suso descansou (nom assim o Suso propriamente dito, o susodito, que o único que fijo foi ir com a muxica a outra parte) retomamos a publicaçom das nossas angueiras (trabalhos, cargas ou sofrimentos).

E fazemo-lo com esta ilustraçom paródica que aparece (em escala de cinzento, como nom podia ser doutro jeito) na página 3 do último número (Nº 45, de 15 de Agosto a 15 de Setembro de 2006) do "Periódico Galego de Informaçom Crítica" Novas da Galiza.

Aproveito para dizer que discordo em parte dessa turma que na manife do passado 20 de Agosto, convocada pola plataforma Nunca Mais, portava uns pirulitos com os retratos de Rajoy, Suárez Canal, Feijóo, Zapatero, Touriño e Quintana. Concordo com o de que o Alfredo Suárez Canal, coronel da "U" e Conselheiro do Meio Rural, é un ghicho "responsável" (o Vice-Presidente Quintana também, apesar do seu abuso do ter+particípio e outras "toluras"). Agora, os Feijó, Rajoy e toda essa ralé parecem-me uns irresponsáveis absolutos!

Por último, muito obrigado ao mestre Panchez polo papel, o isqueiro e mais a liçom de Photoshop através do Yahoo! Messenger. Muito nom aprendim mas rim a cachom com ele.

* Digem eu, deixa-me fazer a piada fácil antes de que venha algum esperto e se me adiante.