Busca

        As minhas visitas no mundo

        Locations of visitors to this page

      CMS software

      NESCAFÉ PARA TODOS!

      NESCAFÉ PARA TODOS!

      Ao voltar da compra, hoje ao meio-dia, encontrei à porta da casa o último número da Revista Mensal de Informaçom para o Debate Tempos Novos (Nº 124, de Setembro de 2007).

      Na sua sétima página este número traz a ilustraçom que há vinte dias (na quarta-feira, 29 de Agosto) figem para os Dias Soltos do escritor ourensano fixado em Compostela Bieito Iglesias. Concretamente, o dia solto ao que a minha ilustraçom fai referência é este:

      Agosto 23
      A BOLSA E A VIDA
      O soldo dos políticos (e os complementos retrospectivos dos altos cargos) están no presenteiro mediático. Tense a impresión de que alcaides, conselleiros e toda caste de representantes públicos queren facer o agosto. Ata hai pouco (na era de Felipe González) ían a serrucho nas contratas, pero hogano pretenden acceder ao gran diñeiro polo legal. Cando se entraba en política pra transformar a sociedade era unha cousa; desempeñar postos de servizo aos cidadaos é outra distinta e latosa, que merece polo visto unha indemnización millonaria. Sería o prezo esixido por exercer de pallasos en debates de tv, de histriós nos mitins e de charlatás de feira nas rodas de imprensa. Pobriños!

      [Bieito Iglesias, Dias Soltos, Tempos Novos Nº 124 (Setembro de 2007), pág. 7].

      A ideia da ilustraçom (umha ilustraçom sem imagem, com letra apenas) ocorreu-me apartir do que o meu amigo José Ramom Pichel me contara polo telefone no dia anterior, terça-feira, 28 de Agosto.

      Eu chegara das minhas férias no Brasil havia três dias (no sábado 25) mas, sinceramente, ainda estava a aterrar. Embora, como pudem comprovar depois, já dera capa de jornal em 24 de Julho (três dias antes da minha partida) confesso que até que o Pichel mo contou eu nem ouvira falar do assunto.

      O Pichel, ingignado, empregou naquele dia a expressom Salário Nescafé para referir-se aos sobre-soldos de 15.000 Euros, anuais e vitalícios, que para os ex-altos cargos da Junta (e nom só) aprovara por unanimidade o Parlamento de Galiza. Portanto, é justo reconhecer publicamente o seu papel como, no mínimo, muso inspirador.

      "Nescafé para todos" é, evidentemente, umha paródia de "café para todos", histórica frase pronunciada polo Ministro Adjunto para las Regiones Manuel Clavero Arévalo (UCD) durante a Transición Española.

      Escrito em 18-09-2007, na categoria: COLABORAÇÕES HABITUAIS:, Tempos Novos
      Chuza!

      2 comentários

      Comentário de: O\'Padim [Visitante]  
      O\'Padim

      Deixo aquí este comentario, que non ten moito que ver co teu poste, pero igual queres facer eco da nova.
      A finais do 2006 o suplemento de humor de DEIA “Caduca Hoy” (o “Pasquim” de DEIA) puxo na portada unha imaxe que recreaba a suposta participación de El-Rei nunha cacería en Rusia, na que, ad hoc, un oso pardo doméstico chamado Mitrofan, convenientemente embebedado, foi usado como víctima. Os deseñadores foron, evidentemente, demandados pola audiencia nacional, e estes días celébrase o xuízo. Emporiso, non ollei en ningun medio de masas referencia a esta noticia. Igual é que son bascos.

      20-09-2007 @ 17:13
      Comentário de: suso [Visitante]  
      suso

      Nom sei se é um “meio de massas” ou nom o é, mas eu já há tempo que me inteirei da notícia via Chuza.Org (acô, alá e acolá). Mas nom é inoportuno o teu comentário, algumha cousa haveria que fazer… Todos somos Josetxu Rodríguez, Javier Ripa e Nicola Lococo!!! Todos somos Nitrofan!!!

      24-09-2007 @ 16:07