Busca

        As minhas visitas no mundo

        Locations of visitors to this page

      multiblog

      Galiza Nom Se Vende... Presenteia-se!!!

      Galiza Nom Se Vende... Presenteia-se!!!
      ?Galiza Nom Se Vende... Presenteia-se!!!?, ?Novas da Galiza? Nº 60 (15-NOV / 15-DEZ-07), pág. 3.

      Neste Domingo, 17 de Fevereiro de 2008, estamos tod*s convocad*s por Galiza Nom Se Vende (plataforma que envolve desde a ADEGa à Verdegaia, passando por Arredemo e a FEG), a manifestar-nos em Compostela contra a destruiçom do território.

      Esta convocatória serve-nos de pretexto para publicarmos em Angueira de Suso a charge que em 23 de Novembro do ano passado figemos, digitalizamos e enviamos para a secçom de humor do sexagésimo número do periódico galego de informaçom crítica Novas da Galiza, cuja reportagem central (A Fundo) tratava do Plano Aqüícola da Junta e dava notícia da Marcha Nacional que, em 4 de Novembro de 2007, tivera lugar em Corrubedo.

      A inspiraçom para a realizaçom desta charge chegou com a leitura destes dous trechos da reportagem que o seu autor, Raimundo Serantes, tivera a gentileza de enviar-me uns dias antes para a sua ilustraçom:

      ?A criaçom da plataforma Galiza nom se Vende é o primeiro exemplo de umha Galiza saudável que está a ganhar terreno na defesa do território sem necessidade de aprovaçom pola parte das cúpulas partidárias e sindicais? (capa).

      ?Os colectivos afectados insistem na desproporçom desta incidência socioeconómica, sobretodo criticando os 400 milhons de euros em conceito de subsídios públicos que as transnacionais piscícolas vam receber, apesar do impacto ambiental e paisagístico que vam produzir. A multinacional mais beneficiada por estas quantias que vam pagar até 50% da construçom das unidades de produçom será a Stolt Sea Farm...? (pág. 12).

      Escrito em 13-02-2008, na categoria: COLABORAÇÕES HABITUAIS:, Novas da Galiza
      Chuza!

      3 comentários

      Comentário de: Vixía [Visitante]  
      Vixía

      Recomendo ao caro axitador de conciencias deste blogue a apertura dun novo espazo,

      Mostras de apoio popular a Angueira de Suso:

      “Alén do Milladoiro, ábrese á vista unha basta extensión de terra, a falla Carballo-Tui, atravesada polos vales que van morrer nas rías. Angueira fica nese punto no que un home do norte como eu cre estar a cruzar unha fronteira invisible cara ás terras de Pontevedra e Portugal. Altos montes, casas de granito, parras, sol! E esta aldea de rúas estreitas e curvas, coas señoras “de antes” coidando das flores a escasos metros das obras do TGV, como che digo, moi auténtico. Ese lugar quedoume gravado na mente porque foi onde sufrín unha das persecucións caninas máis adrenalínicas da miña vida (nótese que os cans adoitan perseguir todo aquilo que se move sobre si, como bólas ou ródas). Alí tamén gocei dunha boa conversa cun veciño que tiña un can igualiño ao meu. En fin, Angueira de Suso é unha mistura de ingredientes galaicos, un preludio do sur da Galiza e, como ti apuntas, un nexo entre Portugal e Compostela, entre o Minho e as duras terras altas que fican ao norte de Santiago.”

      Para logo non andares a dicir que non o puxen. Hum! X-))

      20-02-2008 @ 11:27
      Comentário de: Vixía [Visitante]  
      Vixía

      Ou mesmo:
      “Qual foi a tua experiência Suso?”

      xD

      20-02-2008 @ 11:30
      Comentário de: suso [Membro]  
      suso

      Caro Vixía, entendo que o que me sugires é que abra no meu blogue umha nova categoria intitulada Mostras de apoio popular a Angueira de Suso ou Qual foi a tua experiência Suso?… Há tempos que tenho pensado abrir aqui umha categoria dedicada aos Susoditos Lugares mas o certo é que ainda nom o figem… Qualquer dia destes! Embora nom seja este o post mais acaido (já liches este? e estoutro?) muitíssimo brigado por copiares e colares aqui aquilo tam bonito que polo correio electrónico que me digeras o outro dia! É que me dava pena nom poder compartilhá-lo com o resto do mundo! ;-)

      21-02-2008 @ 12:50