A ideia (que viria servir para ilustrar os Dias Soltos do Bieito Iglesias na revista Tempos do mês que termina) ocorreu-me no domingo 2 de Março, em trânsito do Porto a Compostela a bordo do autocarro da Gentalha.

Achei piada à similitude dos nomes dos partidos Unión Condado Paradanta (UCPA) e Unión, Progreso y Democracia (UPyD) [em castelhano a palavra Democracia é proparoxítona ou esdrúxula], ambos os dous partidos fundados por fachas (do PP e do PSOE, respetivamente) encabreados com a sua respetiva organizaçom política.

Dezassete dias depois (na quarta-feira 19) a jornalista Belén Puñal enviava-me por correio eletrónico o mecanoscrito do escritor ourensano fixado em Compostela para que (como cada dous meses) eu o ilustrasse. Entre outras cousas, aí pudem ler:

Marzo 12
BONECAS ANTIGAS
(...) Nunha televisión afín ao PP (tódolos opinantes son fanáticos dese partido ou da hoste de Rosa Díez) vexo que reina o desconcerto polos votos de Esquerra e Izquierda Unida emprestados ao PSOE (...).

Marzo 13
OS OUTSIDERS
(...) Érguense voces pra solicitar que se mude a lei electoral a fin de impedir que os nacionalistas sexan decisivos. Neste sentido pronunciáronse izquierdistas unidos, Rosa de España, Blanco-Valdés (La Voz) e Suárez Abel (Correo Gallego) (...).

Marzo 17
CIDADANÍA
Máis unha posta de análise poselectoral. Quen votou por Unión, Progreso y Democracia? Eu sei dun votante, funcionario por máis sinal, que pensa que o PSOE sacrificou un peón (o ex concelleiro de Mondragón asasinado pola ETA) pra gañar os comicios (...)

[Bieito Iglesias, Dias Soltos, Tempos Novos Nº 131 (Abril de 2008), págs. 6-7.]

E ao ler estas cousas lembrei-me da ideia que, a primeiros de mês, tivera a bordo do autocarro da Gentalha.

Implementei-na na terça-feira 25 de Março (três semanas e dous dias depois de tê-la), na Biblioteca da Faculdade de Filologia da Universidade de Santiago de Compostela (USC) e desde aquí mesmo enviei-na para a revista Tempos.

Em 11 de Abril (sexta-feira) recebim na minha morada o último número de Tempos Novos, incluindo a minha ilustraçom na sua sétima página.

Com um dia de atrasso conforme ao anunciado (era para ontem mas antes nom pudo ser) publicamos as fotos do segundo susodito estabelecimento comercial corunhês fotografado por nós (este plural nom é majestático, refere-se à Teresa e a mim) no passado Domingo, 21 de Abril de 2008 (Pedimos imensas desculpas aos nossos leitores polo atrasso esperando que o plural, neste caso, nom seja um exagero ).

Trata-se da Marisquería Suso-2, marisqueira (restaurante onde se servem mariscos) sita no número 7 da corunhesa Praça de Portugal.

Bom apetite! Bom proveito!

Anteontem, Domingo 20 de Abril, a Teresa tinha de ir à Corunha resolver um assunto... e eu resolvim acompanhá-la.

Em retribuiçom, umha vez resolvido o seu assunto, a Teresa acompanhou-me a mim a resolver my own bussines. Bussines is bussines (o negócio é o negócio) e o negócio (o assunto) era fotografar os quatro susoditos estabelecimentos comerciais (ou negócios) que graças ao Guia QDQ tinha desde o princípio dos tempos localizados na cidade herculina : Bar Suso (R. Olmos, 22), Grúas Suso (R. Girassóis, 14), Marisquería Suso-2 (Pça. Portugal, 7) e Suso Stylo (R. Fuente Álamo, 3).

O nosso saffari fotográfico foi bem-sucedido só a meias, pois dos quatro susoditos estabelecimentos comerciais corunheses que procurávamos apenas encontramos dous: o Bar Suso e a Marisquería Suso-2.

No número 14 da Rua Girassóis (Bairro das Flores) nom encontramos nem rasto de Grúas Suso (acabamos de comprovar que no Guia QDQ já nem aparece! Mas nas Páginas Amarelas sim!) e o cabeleireiro Suso Stylo se nom o encontramos foi porque no pré-constitucional e deteriorado mapa de La Coruña que levávamos connosco nom dêmos localizado a tal rua Fuente Álamo.

Publicamos hoje as fotos do que no Guia QDQ aparecia, já nom aparece, como Bar Suso e que na realidade nom resultou ser mais do que umha simples sucursal: Taberna Los Olmos, Sucursal del Bar Suso (R. Olmos, 22). Almost the same!.

Amanhã as fotos dominicais da corunhesa Marisquería Suso-2!

É de domínio público que Manoel-António nom morreu, nem em Asados (Rianxo) em 1930 (como se reza na sua falsificada certidom de óbito) vítima da tuberculose, nem dez anos depois na França, em 1940 (como afirma Xesús González Gómez, sob o pseudónimo de Ramón Posada, em Ucronia) vítima dos nazistas. Manoel-António está vivo, como Elvis Presley.

Vivo e sequestrado. Manoel-António foi surpreendido polos seus captores (o comando itinerante dos GALaxios, integrado por Domingo García Sabell “O Bibliótafo”, Raimundo García Domínguez “Borobó”, Roxelio Pérez González “Roxerius” e Maximino Rodríguez Buján “Máximo Sar”) na manhã dum chuvoso dia de meados do Século XX quando descansava em paz na intimidade do seu quarto.

Mas, que dia se perpetrou e-xa-ta-men-te o sequestro de Manoel-António?

Leia mais »

No passado 6 de Fevereiro (Quarta-feira de Cinzas) o meu irmao Nando e a minha cunhada Noa (pai e mãe de Nuno e Nara) enviaram-me as fotos de certas placas de sinalizaçom polas que com frequêcia passam e que, segundo Nando e Noa me contavam no seu e-mail, havia tempo que tinham vontade de fotografar para mim.

Lograram fazê-lo, por fim, no dia 1 e no próprio dia 6 de Fevereiro, à ida e à volta do Rosal, localidade onde passaram em família as férias do Carnaval.

Polos vistos as quatro primeiras fotografias (Vila de Suso somente e Vila de Suso - Serralho) foram feitas à ida (SEX, 01-FEV-08) e as duas últimas [Vila de Suso (Centro)] à volta (QUA, 06-FEV-08).

Vila de Suso é umha das seis paróquias pertencentes ao Concelho de Oia (Comarca do Baixo Minho).

O Serralho é um dos doze lugares da paróquia de Sam Miguel de Vila de Suso (os outros onze som: Barroca, Enguido, Loureiros, Mogolhom –flipa!-, Passarinhos, Peres, Portosanim, Preans, Serra Seca, Sobral e Volta das Orelhudas).

O tipo que aparece na primeira fotografia e que tanto se parece comigo nom sou eu. A sério. É o meu irmao Nando.

Dous meses e dous dias depois de que os seus autores mas enviaram (e um dia depois de publicarmos aqui umha foto feita num lugar homónimo do Concelho de Catoira), as fotografias feitas por Nando e Noa na paróquia de Vila de Suso (Concelho de Oia) por fim vêm à tona.

Muitíssimo obrigado, irmao! Obrigadíssimo, cunhada!

Caminho da Ilha de Arouça, onde desfrutamos dum idílico fim-de-semana, a Teresa e mais eu passamos por Vila de Suso, lugar da paróquia do Oeste (Santa Baia), no Concelho de Catoira.

Esta foto (com a que inauguramos em Angueira de Suso -sem tempo nom era!- a categoria dos 'susoditos' lugares) fijo-ma a Teresa no Sábado à tarde, por volta das 16h30 (GMT+2).

Repare-se em que no galego da Xunta Vila de Suso se escreve assim, tudo xunto