Quando hoje, por volta das 15h15 (GMT+2), cheguei à minha casa encontrei na caixa do correio o último número da revista Tempos Novos.

Na sua sétima página o Nº 137 de Tempos traz o design que para ilustrar os Dias Soltos do Bieito Iglesias figem no passado 25 de Setembro (quinta-feira) e enviei no dia a seguir (sexta-feira 26).

Na véspera, a amiga Belén Puñal enviara-me o texto via e-mail e informara-me ao telefone de que era a mim a quem correspondia ilustrar este mês os Dias Soltos (o Xosé Tomás Díaz Teijo e mais eu alternamo-nos na ilustraçom da secçom que o Bieito Iglesias tem na revista Tempos).

Segundo a Belén (que é quem leva conta de tudo) já me correspondia a mim fazê-lo no mês anterior mas no mês anterior os Dias Soltos nom sairam ao nom poder o Bieito Iglesias acudir ao encontro mensal com as leitoras e os leitores da revista Tempos por motivos de saúde materna.

Até que a Belén mo contou eu, que no mês de Agosto estivem como ausente, nom sabia nada de todo isto. Mais tarde, quando lim o texto do Bieito a ilustrar, fiquei sabendo mais detalhes:

Setembro 5
INSUFICIENCIA
Nos doce anos ou máis que levo escribindo este dietario nunca faltara á cita mensual cos lectores de Tempos. O mes pasado, no entanto, non puden entregar os Días soltos, se cadra porque vivín días insólitos (solto, do latín solitu e pronunciado co primeiro o pechado, quer dicir habitual, frecuente, acostumado, oposto a día santo ou festivo). Non é que andivese festexando, sucedeu que percorrín un calvario por ver se operaban á miña nai dunha insuficiencia cardíaca. Por último tiven que acompañala a unha clínica privada vasca, onde o doutor Goiti lle mudou dúas válvulas, salvándoa polo momento do afogo e a defunción (eskarrik asko!). Todo pola nosa conta e risco, porque os médicos da seguranza social non interveñen cun perigo de morte do 19% (así mo estamparon nun papel). Pregúntome pra qué valen eses cirurxiaos que se escoan dos riscos. Deben ser moi bos operando doentes saos como buxos. Aforrareilles o relato da morosidade e insidia burocrática que reina no sistema público de saúde, así como a descrición dunhos galenos empertigados que se dan aire de xamanes. Se enferman, eviten a planta de cardioloxía da residencia ourensá, na que exercen o doutor Perece (Pérez), o doutor De Pena (De la Peña) e o doutor Sandez (Sánchez).

[Bieito Iglesias, Dias Soltos, Tempos Novos Nº 137 (Outubro de 2008), pág. 6].

De Angueira de Suso um afetuoso saúdo para o bom do Bieito Iglesias e o sincero desejo de que a sua senhora mãe se encontre muito melhor.

Domingo, 5 de Outubro de 2008, Sam Froilám. Desde ontem, dia 4, até o próximo dia 12 a cidade de Lugo celebra, na honra do seu padroeiro, a mae de todas as festas patronais.

No ano passado, Angueira de Suso somou-se à celebraçom das festas de Sam Froilám publicando cada dia, de 5 a 11 de Outubro, as fotos dum susodito estabelecimento comercial luguês diferente: Mesón-Cervecería Suso (dia 5), SusoMotor (dia 6), Suso Comercial (dia 7), Suso Maquinaria Agrícola (dia 8), Instalaciones Eléctricas Suso (dia 9), Talleres Suso (dia 10) e Mesón do Suso (dia 11 de Outubro de 2007).

Esses eram todos os susoditos estabelecimentos comerciais lugueses de cuja existência, até aquela altura, tínhamos constância. Parecia impossível que pudesse haver mais mas... impossible is nothing! Como dizemos sempre, para susoditos estabelecimentos comerciais, Lugo!

?Frutería Suso?

No passado 8 de Agosto (sexta-feira) a Teresa e mais eu fomos no seu carro à cidade de Lugo. Às 00h10 (GMT+2) do sábado dia 9 saía da sua rançosa Estaçom Rodoviária o autocarro que nos levaria a Madri, desde cuja vanguardista T4, às 12h55 (GMT+2), voaríamos a Atenas.

Ao entrarmos em Lugo pola Avenida das Américas foi quando, por acaso, descobrim a Frutería Suso. A susodita frutaria nom figurava nem figura como tal no guia QDQ nem nas Páginas Amarelas. A sua descoberta foi, portanto, toda umha surpressa para mim. Mas aquele nom era o melhor momento para parar a fazer o freakie assim que a Teresa e mais eu acordamos adiar a sessom fotográfica para a volta.

À volta, no sábado 30 de Agosto, figemos noite em Lugo. No dia a seguir, domingo 31, pegamos o carro da Teresa e vinhemos para Compostela. Mas antes de deixar a cidade da muralha paramos na Avenida das Américas para fazermos as ansiadas fotografias por três longas semanas adiadas.

Seriam por volta das 12h40 (GMT+2) da manhã. As ruas estavam desertas. Nom havia ninguém pola rua. E quem aparece por ali ainda bem nom ponho o pé fora do carro!? Pois nada mais e nada menos que o Sr. Guitián, velho amigo e grandíssimo artista luguês residente em Barcelona!

Após o animado bate-papo com o amigo Guitián (sobre a vida, o universo e tudo mais) a Teresa e mais eu figemos as susoditas fotografias e, depois, tiramos para Compostela.

Um mês e cinco dias depois Angueira de Suso soma-se à celebraçom do Sam Froilám com a publicaçom das susoditas fotografias. Viva o Sam Froilám!!! Viva Lugo, indiscutível capital do susodito estabelecimento comercial!!!

Fonte dos Ranchos

A Frutería Suso encontra-se, como digemos, na Avenida das Américas, muito perto da Fonte dos Ranchos. Os ranchos som animais omnívoros, comem de tudo, fruta também. Durante o franquismo -com e sem o Franco- a Fonte dos Ranchos chamou-se Plaza del Ejército Español. Eis a explicaçom do porquê:

A Fonte dos Ranchos, era umha fonte nos arrabaldes de Lugo, onde iam os porcos, marraos, cochos, chinos, quinos, bácoros: Ranchos!! (palavra para denominar o porco, normalmente o porco de ceva, rancho de ceva). Naquel passado andavam ceivos e a fonte era exclusiva para eles, para nom contaminarem outras. C'o tempo esse lugar urbanizou-se. Mudou-se-lhe o nome à espanhola. A traduçom foi simples, Fuente de los ranchos, Fuente de las "comidas hechas para muchas personas, comidas para los soldados". La fuente pues donde los soldados comían! Ao ficar a fonte sob o cimento, pugérom um monólito, com brasom e nome de "Plaza del Ejército Español." Verídico. Se a Galiza depender de Lisboa a praça seria chamada Praça dos Passeios ou Praça da Gaita ... a imaginar, mas nunca Praça dos Porcos, como muito muito Praça dos Suídeos.

Desde 17 de Julho até anteontem, 28 de Setembro, na sede compostelana da Fundaçom Caixa Galicia (Rua do Vilar, 19) permaneceu patente ao público a exposiçom Joseph Beuys Múltiples (objectos, fotografias, gravuras, etc. de Joseph Beuys, um dos mais influentes artistas europeus da segunda metade do século XX).

Na imelhorável companhia da Teresa visitei esta excelente exposiçom no dia 11 do corrente, 11-S, quinta-feira. A nossa visita vespertina foi dupla. Por livre primeiro e guiada (pola Araceli) depois. Foi o Roberto Abuín, grande admirador do alemao a quem por acaso encontramos no segundo andar, quem nos informou de que havia visita guiada às 19h30 (GMT+2). Muitíssimo obrigado, amigo Roberto!

Full story »

Das cinco Cíclades que a Teresa e mais eu visitamos no passado mês de Agosto (veja-se post anterior) a penúltima foi a ilha de Milos (Μήλος).

Procedentes de Folegandros chegamos a Milos na manhã do sábado 23 e de Milos partimos rumo a Sérifos três dias depois, na terça-feira 26. Umha estada breve de mais como para podermos apreciar tanta maravilha como a ilha mais a sudoeste das Cíclades tem, que é muita.

Umha das maravilhas que a ilha de Milos tinha mas que infelizmente já nom tem (tenhem-na os franceses sequestrada no Museu do Louvre) é famosíssima Vênus de Milo / Afrodite de Milos.

Full story »

Após mês e meio de férias blogueiras aqui estamos outra vez de novo com todas e todos vós.

Depois de assistirmos o concerto de Caetano na Quintana (tema do último post postado antes de ir-nos de férias) neste verao estivemos de campismo em Louro (22 e 23 de Julho), no Festigal (24 e 25 de Julho), de turismo rural em Igom (de 27 a 30 de Julho), no XXIX Festival de Pardinhas-Guitiriz (1, 2 e 3 de Agosto), no meu Bueu natal (de 4 a 7 de Agosto) e três semanas (de sábado 8 a sábado 30 de Agosto) de viagem por terras gregas e mares gregos (Atenas e cinco das Cíclades: Paros, Santorini, Folegandros, Milos e Sérifos) em companhia da Teresa.

Três semanas física e psiquicamente longe de Espanha, fora do alcance da Brunete mediática (a isso e ao que eu chamo estar de férias) e passando olimpicamente de Beijing.

Full story »

Ontem, 21 de Julho de 2008, segunda-feira, tivem o privilégio de assistir o concerto que o Caetano Veloso, com a única companhia do seu violão, deu na Quintana dos Mortos, emblemática praça da capital da Galiza.

Para mim era já a quarta ocasiom em que podia desfrutar em direto da arte do meu admirado Caetano (e a terceira em que podia fazê-lo na minha terra, a Galiza, e na companhia da minha Teresa).

Full story »

Aproximadamente nove meses e meio após O Grande Salto, continuo com a pubicaçom em Angueira de Suso dos exercícios de animaçom tradicional que, em 1996 e enquanto estudante Erasmus, realizei no Technological Educational Institute of Athens (T.E.I.-Athens). Na Grécia, sim. Mas Sempre em Galiza!!!

Após A Metamorfose (27-MAR-07), Galician Man Walking (02-MAI-07), Galego Corredor (15-JUN-07) e O Grande Salto (24-SET-07), hoje toca-lhe a vez à Caminhada em Perspectiva.

Este exercício de caminhada em perspectiva foi feito ao final da minha estada enquanto estudante Erasmus no país heleno. Nom podo precisar em que dias do mês de Junho exatamente (porque nom o tenho anotado no meu diário) mas, como podedes imaginar, foi em vários.

2ª ediçom, 12 anos depois

Como já contei aqui nas quatro anteriores ocasiões, a fita VHS em que trouxera gravados os trabalhos de animaçom tradicional realizados durante a minha estada na Grécia sumiu misteriosamente poucos anos depois do meu regresso. A versom da caminhada em perspectiva que publicamos hoje é, portanto, umha reediçom digital feita a partir dos desenhos originais que, felizmente, ainda conservo.

Os cinquenta e quatro desenhos diferentes que, se reparades bem, podedes ver neste exercício (54!!!) tinha-os escaneados já desde Novembro do ano passado (escaneei-nos em três sessões: domingo 18, segunda-feira 19 e terça-feira 27 de Novembro de 2007), mas nom foi até esta semana que me animei a reanimá-los digitalmente.

Figem-no na passada segunda-feira (7 de Julho, São Firmino) estando em Bueu e empregando Adobe Photoshop e Adobe Premiere Pro para fazê-lo.

Deixei pendentes apenas o título (Caminhada em Perspectiva / Walk in Perspective) e a banda ou trilha sonora (Foliada da Montanha, primeira faixa de Aires d'a Terra, O Primeiro Disco Galego), cousas ambas as duas que lhe coloquei ontem à noite (quarta-feira, 9 de Julho de 2008) aqui em Compostela.

Hoje (quinta-feira, 10 de Julho) subim-na ao YouTube... et voilá!

Em 30 de Janeiro do ano passado, coincidindo com o 121º aniversário do nascimento em Rianxo de A.R. Castelao, publicávamos aqui, em Angueira de Suso, um post intitulado The Invisible Man.

Nele contava-se a pequena intra-história dumha cousa (cartoon? charge? ilustraçom?) que lá polo ano de 1993(?) eu figera acrescentando o rótulo "The Invisible Man" a umha das mais famosas auto-caricaturas desenhadas por Castelao (esta).

Um ano, cinco meses e dous dias após a publicaçom daquele post publicamos estoutro post intitulado... tacham, tacham...

The Invisible Man (O Vídeo)

Nom podo precisar com exactidom quando foi que me ocorreu a ideia de fazer umha versom animada, em imagem real, do meu Castelao, The Invisible Man (inspirada, obviamente, na famosa cena do homónimo filme de James Whale). Procurei umha anotaçom nas velhas cadernetas que por cá tenho mas nom tivem nengum sucesso. O que sim sei é que a ideia me ocorreu há já vááários anos.

Seja como for, o caso é que nom foi até este passado sábado, 28 de Junho (por acaso Dia do Orgulho LGBT, jornada ludo-reivindicativa que visa a visibilizaçom de Lésbicas, Gays, Bissexuais e Transgéneros), que a minha ideia desceu do mundo das idens e virou umha realidade.

Com a imprescindível ajuda da Teresa e do Breixo no sábado, após o almoço, gravei na sala-cozinha da minha morada o vídeo The Invisible Man. Estivem editando a tarde inteira e à meia-noite (UTC+2) enviei-no ao concurso Umha Imagem Para O Galego de Vieiros.com.

Na manhã da segunda-feira, 30 de Junho, anteontem, o meu vídeo aparecia publicado em destaque na capa de Vieiros. Cum link à seguinte notícia:

CONCURSO EN REDE
CASTELAO, THE INVISIBLE MAN
Suso Sanmartín proponnos este vídeo para 'Unha imaxe para o galego'.
Redacción - 12:30 30/06/2008

O concurso 'Unha imaxe para o galego' está que arde. Xa temos 88 fotografías e nove vídeos. Un dos últimos que nos chegou é este de Suso Sanmartín coa seguinte lenda: ?Desenhei Sempre Em Galego, escrevim Sempre Em Galego, e se tirades o que há de galego e de humano na minha obra, nom ficaria nada dela?.

Xa sabedes que ampliamos o prazo até este venres, cando pecharemos definitivamente o concurso. A vindeira semana reunirase o xurado para escoller as mellores fotos e vídeos.

Como diria o outro: Alea jacta est!

Agradecimentos

Muitíssimo obrigado a Teresa Díaz (camerawoman), Breixo Tomé Díaz (Best boy) e Pepe Penabade (vestuário). Sem a sua inestimável ajuda a realizaçom deste vídeo Made in Feito na Casa (na cozinha, concretamente) nom teria sido possível.

No dia de hoje, terça-feira 1º de Julho, o carteiro trouxo à minha casa o último número d'O Pasquim.

O Pasquim Nº 12 (e último) distribui-se conjunta e (in)separavelemente com o último (o mais recente) número do periódico galego de informaçom crítica Novas da Galiza (NGZ Nº67).

Porque com efeito, caras/os leitoras/es, o número d'O Pasquim que nestes dias podedes encontrar nos quiosques é o último número do Suplemento de Humor do Novas da Galiza. Ao menos da sua primeira época.

Pola primeira vez e, como é lógico, sem abrir precedente, o tema d'O Pasquim Nº 12 é livre. Até a data cada número d'O Pasquim foi monográfico e monotemático: 25-J: O humor começa por um mesmo (Nº 1), os fode-chinchos (Nº 2), o Regresso às aulas (Nº 3), o plus dos altos cargos (Nº4), as Mudanças climáticas (Nº 5), a Censura no Reino de Espanha (Nº 6), a ICAR (Nº 7), as Eleições Gerais no Reino de Espanha ( (Nº 8), os/as tangallegos/as (Nº 9), a crise econômica (Nº 10) e o 25 de Maio, Dia do Orgulho Lusista e Reintegrata (Nº 11). Mas neste número os nossos dessinteressados colaboradores tiveram, como digemos, liberdade criativa total. E para terminar... barra livre! é o título que, galego-portuñolesismo por consumaçom livre incluído, leva o último número pasquineiro.

Para além de mim, colaboraram neste último número d'O Pasquim Gerardo Doco Velo, Maceirax, Pestinho+1, Gonzalo Vilas, Bruno Ruival e Franjo Padin. Muitíssimo obrigado a todos!!!

So Long and Thanks for all the Fish

Com a saida a lume d'O Pasquim Nº 12 o Xico Paradelo (coordenador adjunto) e mais eu (coordenador) cumprimos o compromisso adquirido com o pessoal do Novas há pouco mais dum ano e ganho um merecido descanso. O Gerardo Uz, entusiasta maquetista-propagandista d'O Pasquim, e resto dos colaboradores que desinteressadamente fizeram possível mês a mês que este entusiasmante projeto virasse umha realidade(in alphabetic order: Bruno Ruival, Carlos Meixide, Fer, Franjo Padin, Gerardo Doco Velo, Gonzalo Vilas, Heitor López de Castro, Maceirax, Pepe Carreiro, Pestinho+1, Séchu Sende e um servidor, Suso Sanmartin), também o merecem.

A todos eles, a todos e todas vós, até logo e obrigado pelos peixes!!!

Ainda nom chegou à minha morada (a ver se amanhã!) mas acabo de encontrá-lo no bem sortido revisteiro do Café-Bar 13 (R. Santa Clara, 13, Compostela). Estou a referir-me ao número 133, de Junho de 2008, da revista Tempos Novos.

O desenho que na Tempos deste mês da ilustra os Dias Soltos do escritor ourensano fixado em Compostela Bieito Iglesias nom é original mas é inédito.

Full story »