| « "O primeiro de Abril vam os burros onde nom têm que ir" | a importância dumha letra » |
pitas
30-03-2005
pitas
Meus avós levárom as galinhas do pátio para a cortinha, onde lhes figérom um curral com um chabolo. Podem entrar e sair quando quigerem, sempre estám pola cortinha adiante junto às ovelhas que andam a pastar.
Acontece que o outro dia o galo, que é chulito de caralho, picou-lhe a minha avó numha perna. Deixou-lhe umha boa ferida, minha pobre. Estava também por aló meu tio, tivo que defender-se do ataque do galo, e arreou-lhe com umha vara, mas ainda se lhe repicava. (Duelo de titáns)
Minha avó nom quijo que o matassem, que nom tinha gana de ter que despená-lo. Além disso, diz que dá gosto vê-lo, e como leva às pitas. (Mundo animal)
Só passar por ali e nom para de cacarejar. É bem bonito.
2 comentários
Eu teñolles manía aos galos (aos animales, non á xente de Francia :D)desde que con 4 anos tiven unha dura experencia cun.
Antes tiñamos unha piscina na aldea e eu dirixíame ata ela cando foi o do galo. Só levaba o bañador posto, e cando estaba pola metade do camiño veu un galo e saltou cara a min. Eu caían cara atrás e el botouse encima e picoume todo polo lombo e pola barriga. Se a miña avoa non me ve, non sei o que pasaría. O galo non vin saír o sol nin unha vez máis.Aquel día comeuse galo, e comino cunhas gañas… :-D.
David
És-me um pouco sádico, David :P
Xávi: …suicida-te.
