« ao pé da letra | "O primeiro de Abril vam os burros onde nom têm que ir" » |
Non sei por que, non sei como,
non sei onde, nen sei cando;
pero entre fusco e lusco,
estareite aquí agardando.
Dime por que, dime como,
dime onde, dime cando;
sabes que entre fusco e lusco,
seguireite aquí esperando.
Como un paxaro sen aire
atravesando camiños,
vives no teu mundo alleo
e foxes do teu destino.
Se che canto, non me escoitas;
se te chamo, non respondes.
Non me colles, nen me deixas;
non me deixas, nen me colles.
Quítasme o sono na noite
e por moito que che diga,
acabas sempre levándome
os soños que prometías.
Non me queres ver de lonxe,
nen de perto tan sequera.
Pasas diante dos meus ollos,
como se eu non estivera.
Non sei por que, non sei como,
non sei onde, nen sei cando;
pero entre fusco e lusco,
estareite aquí agardando.
Dime por que, dime como,
dime onde, dime cando;
sabes que entre fusco e lusco,
estareite aquí esperando.
Quico Comesaña
(Viaxe por Urticaria, Berrogüetto)