tocando em aberto

Há mais de um mês dixera que falaria das últimas novidades discográficas galegas, passou o tempo e já nom serám tanta novidade... Bom, escuitando na rádio umha cançom do novo e primeiro disco de Guadi Galego e Guillermo Fernández, Espido, tivem ganas de colocar aqui a letra dessa cançom, além do mais queria escrever de algo e nom se me ocorria o quê xD.

Guadi Galego e Guillermo Fernández som a voz (e pandeireta, gaita...) e a guitarra de Berrogüetto (a minha banda preferida, e que polo visto vai sacar novo disco, por fim!, em Maio) respectivamente. O nome, Espido, porque é só a sua voz, despida, sem mais acompanhamento que a guitarra. Este trabalho discográfico vê a luz separadamente da banda, depois de ter apresentado algumhas das canções em espectáculos como Ao Pé da Letra. Está na linha do feito por Xabier Díaz e o próprio Guillermo Fernández, de facto é o selo de ambos, Músicas de Salitre, o que edita o CD.

amar a mares

Xogar perder pagar
A lei que só ti fas
O tempo que me dás
non chega pra soñar

A paz o ben o mal
Sinais que só ti dás
O tempo pasa e eu
Non vou ficar atrás

Que amor non sei
Non sei o que é amar
Que amor non sei,
Non sei se é pan ou fame

Que amor non sei,
Non sei o que é amar
Sete vidas pra poder
Amar a mares

A vida que me dás
Eu non a quero máis
O tempo pasa e eu
Non vou mirar atrás

Que amor non sei
Non sei o que é amar
Que amor non sei,
Non sei se é pan ou fame

Que amor non sei,
Non sei o que é amar
Sete vidas pra poder
Amar(te) a mares

Letra: Guadi Galego, Uxía. (Inspirada num poema de Manolo Rivas)