23-12-2005

Café com queijinho

Chegárom as férias! Ainda que sejam polo motivo que som, bem-vindas sejam &#59;)

A semana passada foi bastante estressante, e estes dias aproveitei para descansar e outras cousas. Anteontem fum com Sabela jantar ao mítico "O Dezaseis" de Compostela. Ainda que a comida nom era para botar foguetes estava boa, e o local é precioso, de pedra e mui acolhedor. Ademais, pudem comprar ali o novo disco de Guadi Galego, mas outro dia falarei polo miúdo das novidades discográficas destes meses, que som muitas.

O mais divertido do momento foi a minha ocorrência de botar-lhe algo da crema do tiramisu ao café, sem dar-me conta de que nom é nata mas queijo mascarpone..., e a minha cara vermelha ao mo advertir o camareiro e Sabela rir de mim xD

Umha cousa que me passa sempre que vou por Compostela é que topo gente do ?mundo da cultura?, e que eu reconheço. Poderia fazer umha revista rosa galega, disque. Nom é para tanto, por exemplo também me passa com gente que estudava no meu colégio e que meus companheiros nom reconhecem. E é que devo ter mui boa memória fotográfica, ou que reparo muito na gente e nos detalhes, nom sei. Para outras cousas, porém, sou muito despistado, igual nom lembro o nome de um companheiro ou companheira de aulas, e tenho que evitar ter que dizer o seu nome ou fico pensativo...

Bom, hoje festa com os coléguis, mas depois vai tocar continuar estudando nas férias... Isso sim, o 29 a Compostela! :D Vai ser a primeira partida de futebol que veja em muito tempo, mas seguro que vai ser umha noite bem bonita. E, ademais, tenho muitíssimas ganas de ver os grupos que vam tocar no concerto de Siareir@s Galeg@s.

Passai-no bem tod@s nestas festas! &#59;D

FOI ESCRITO @ 23:20:02 na categoria cousas minhas Link permanente 3 comentários »

07-12-2005

a dar hóstias

FOI ESCRITO @ 18:25:57 na categoria outras cousas Link permanente 3 comentários »

01-12-2005

BD Banda

Sempre piso Ca-Cola

Nom sabia que os de BD Banda tinham blogue! Está mui bem algo assim para @s que gostamos da banda desenhada (e para @s que nom também), ainda que para ler a revista haja que comprá-la &#59;)

FOI ESCRITO @ 14:07:27 na categoria blogomilho Link permanente Deixe o seu comentário »

27-11-2005

Obra-Prima

Temos um património para o futuro!

Finalmente nom foi, ainda que ontem nom deixou de haver festa em Paris. Segundo a UNESCO passamo-nos, tanta cultura depois nom iam poder pôr medidas para protegê-la. Queriam cousas mais concretas, já que a nossa candidatura abrangia praticamente toda a cultura tradicional: a nossa música, os ofícios tradicionais, o ciclo agrário, o Entruido, o Magusto... Bom, nom quero pensar mal e imaginar conspirações... xD Por exemplo da ministra espanhola de cultura, ocupada em promover exclusivamente a candidatura do flamenco (que como tod@s sabemos está em perigo de extinçom).

O trabalho feito está aí (e que continue), e a difusom que se fijo e a implicaçom dos meninos e meninas das escolas. Parabéns a tod@s @s que participárom na iniciativa, especialmente a Ponte... nas Ondas! O importante é que se tome consciência de que temos um amplíssimo património, que se conheça e que se valore. E nom como peça de museu, mas criando e inovando a partir da tradiçom.

Para outra vez será, e até se reconhecerá o maior património comum: a língua &#59;)

FOI ESCRITO @ 01:28:00 na categoria música, língua, galician country Link permanente 2 comentários »

27-11-2005

Apostasia

Nom tardárom em responder à minha carta os do bispado de Lugo... Isto é o que me contam:

Lugo, 24 ? XI ? 05

Estimadao señora:

Recibimos, en su día, el escrito en el que Ud. nos expresa la decisión de no ser considerado como miembro de la iglesia católica.

Estamos dispuestos a reconocer su voluntad mediante el racional procedimiento que seguidamente detallamos:

En primer lugar, se requiere una declaración oficial que garantice
a) Que se trata de la decisión de persona mayor de edad;
b) Tomada con pleno conocimiento de lo que significa y de las consecuencias que implica, especialmente respecto al matrimonio y a las exequias;
c) Adoptada con entera libertad, sin forma alguna de coacción de personas o grupos;
d) Realizada ante quien pueda dar fe pública de todo ello y testifique la autenticidad de la firma otorgada en su presencia

Dicha declaración, si lo desea, puede hacerla ante notario, trayéndola posteriormente a este Obispado. También puede realizarla ante el Vicario General de la Diócesis en este Obispado.

En todo caso, debemos poner en su conocimiento que la inscripción en el Libro de bautizados constata un hecho histórico que no puede modificarse. Y que a efectos estadísticos o de otro tipo de registro no nos afecta ya que no poseemos dichos registros.

Por último, queremos reiterarle el hecho de que su personal decisión no modifica nuestra voluntad de comprensión y servicio hacia Ud. y para todos. Además, tenga la seguridad de que encontrará siempre las puertas abiertas, si algún día desea modificar su resolución actual.

Le saluda atentamente

* *
Vicario General

Era visto que nom mo iam pôr tam fácil. Na carta ia bem clarinho que sabia o que significava, e evidentemente só tinham que ver a minha data de nascimento para saber que sou maior de idade. Adoptada com liberdade dim! Sem o meu consentimento foi que me baptizárom.

Enfim, vou ver se chamo por telefone, já que nom podo ir por ali directamente... Ah, alguém sabe se isso que me contam de que o "livro de baptizados" nom se pode modificar é certo? Nom o é segundo o escrito que lhes enviei. Está claro que querem que me bote para atrás com isso e com o de que nom afecta estatisticamente, som pouco listos...

Parece que o bispado de Lugo nom é evidentemente umha excepçom, aqui está a resposta, com argumentos similares, que lhe dérom ao Gerardo, outro apóstata &#59;D

FOI ESCRITO @ 00:47:48 na categoria cousas minhas Link permanente 4 comentários »

24-11-2005

Melhor romance galego do último quartel do século XX

Filipe de Amância, por Fausto C. IsornaUmha magnífica notícia para @s reintegracionistas é o reconhecimento ao livro Oxalá voltassem tempos idos! de José-Martinho Montero Santalha, que foi publicado por Laiovento em 1994. Um grupo de hispanistas alemães escolheu-no entre os vinte melhores romances do Estado espanhol do último quartel de século. É o único livro galego da selecçom (recolhida num volume: Romane in Spanien), na que se encontram também livros em catalám (três) e em espanhol (o resto), polo tanto este grupo está a reconhecer o livro de Montero Santalha como o melhor romance galego deste período.

O autor do estudo referente a este livro, um tal professor Zimmermann, vê na obra de Montero Santalha umha representaçom simbólica da Galiza actual, que se debate entre o esmorecimento da sua tradiçom secular sob os influxos da sociedade moderna e umha regeneraçom da sua identidade cultural para o futuro. Núcleo dessa identidade é a língua, e Zimmermann salienta o valor da proposta linguística galego-portuguesa de Montero Santalha como umha recuperaçom da genuína identidade galega.

Comprara o livro há uns meses, mas como tenho por costume (comprar e nom ler ou deixar passar um bom tempo até fazê-lo) ainda nom o lim. Queria ler antes o Merlín e familia de Cunqueiro, já que o livro de Montero Santalha continua a sua tradiçom do mago Merlim. De facto o título completo do livro é Oxalá voltassem tempos idos! Memórias de Filipe de Amância, pajem de Dom Merlim. Agora, claro, entrárom-me muitas ganas de ler o livro, mas esperarei a ter mais tempo...

Oxalá que, aproveitando que este ano é o Ano Merlim, comemorando o cinqüenta aniversário da publicaçom do livro de Álvaro Cunqueiro, se dê a conhecer este reconhecimento, que como tantas vezes tem que vir de fora. Já que na própria Galiza, devido à censura oficial que sofremos, pouco conhecida será neste momento a obra.

E bom, amanhã decerto teremos umha outra boa notícia e a candidatura do património imaterial galego-português será reconhecida pola UNESCO como obra mestra, para felicidade da humanidade &#59;)

FOI ESCRITO @ 19:55:50 na categoria livros, língua Link permanente Deixe o seu comentário »

22-11-2005

Ramón Estévez aka Martin Sheen

Martin SheenLembro que já mo comentara Arturo, mas até que escuitei umha cançom do mítico grupo compostelano Fame Neghra nom volvim acordar-me. E é que, para @ que nom o saiba (que seredes poucas/os), o actor norte-americano Martin Sheen chama-se na realidade Ramón Estévez e é galego. Polo que parece seu pai é de umha vila do sul da Galiza, que emigrado em Cuba acabou nos EUA, onde deveu conhecer a umha irlandesa (e daí saiu o antedito actor xD). Eu pergunto-me se estivo algumha vez na Galiza e nom me inteirei..., molava que vinhesse a algum programa de entrevistas da futura flamante televisom galega, aí deixo a ideia &#59;).

Ah, a cançom é esta de cá em baixo (a verdade é que nom estou certo de a que vem a letra, podedes contar-me nos comentários &#59;)). Para o que nom conheça o grupo (já desaparecido) recomendo-vos que procuredes por aí o disco, mola muito: O Neno Carburador, Fame Neghra (Lixo Urbano, 1998).

que fai um galego no vietnam?

Polo delta do Mekong sem a maior explicaçom vás buscando... o que? Nom o sei, nom o sei. Vás pedindo explicaçom. Pero de, de que, de que bando estás, de que parte estás? Que vergonha, que pensaria a tua nai? Que vergonha, que pensaria o teu pai? Cara o inferno e a destruiçom, com a maior convicçom, gás mostaza, gás napalm, e nom há mais. Pero que, que caralho fás, Martin Sheen onde vás, de que vás? Que vergonha, que pensaria a tua nai? Que vergonha, que pensaria o teu pai? Que fai? Que fai? Que fai? Que fai um galego no Vietnam? Charlie nom entende, Charlie nom compreende, Charlie só aponta, dispara e pum! E há um menos com o que pelejar, e ti coma um parvo nom te inteiras... que mais dá! Que vergonha, que pensaria a tua nai? Que vergonha, que pensaria o teu pai?

FOI ESCRITO @ 01:10:54 na categoria galician country Link permanente 9 comentários »

18-11-2005

Maria Castanha e eu

Maria Castanha rebelou-se contra o bispo de Lugo. Eu, que sou mais diplomático, mandei-lhe hoje umha cartinha... &#59;D

Agora esperar a que me responda e nom me toleem...

Ah, e nom vos esquecer! Amanhã, às 19h00 junto ao farrapo em Riazor, umha grande rachi!

Todo dios a apostatar!
FOI ESCRITO @ 23:51:37 na categoria cousas minhas Link permanente 2 comentários »

16-11-2005

Gostei muito do comunicado da Casa Encantada de Compostela, que se pode ler em Arredemo, e que eu fago meu e colo aqui:

Comunicado da Casa Encantada ao respeito das detençons:

A criminalizaçom da disidência no estado espanhol segue o seu rumo habitual apoiado e auspiciado por um governo espanhol que se autotitula de esquerdas. Nom só na Galiza, senom também nos Países Cataláns, Asturies, Euskadi,... toda pessoa que se mova organizadamente contra este sistema capitalista-terrorista corre o risco de ser detida, criminalizada e represaliada.

De feito as dez pessoas detidas estám lá por ser activas, rebeldes e combativas, e nom comungar com as rodas de moinho que dia a dia traga a maioria da populaçom.

Os cárregos que se lhes imputam podem qualquer dia imputar-se-lhos a toda a gente que considera que a monarquia é um anacronismo, que a autêntica violência é a que cometem os mercenários das grandes multinacionais apoiadas e respaldadas polos governos dos países industrializados, ou que os danos dos que som acusadas (pintadas em murais entroutros) nom som nada comparados com as mortes que ocorrem todos os dias nos postos de trabalho por culpa das condiçons laborais que se fomentam no capitalismo e sem que ninguém seja ajusticiado por isso.

Sentimo-nos afectivamente doidas e resentidas por esta actuaçom mediática do governo espanhol, da audiência espanhola e do seu braço armado. A carnaça servida ao falsimedias com o espectacular despregue das forças armadas, derom lugar a capas principais nos meios relacionando as pessoas detidas com actos dos que nom se aporta nengumha prova e criminalizando também aos Centros Sociais da Gentalha do Pichel (Compostela), A Revolta (Vigo) e A Esmorga (Ourense).

Amanhá pode ser que venham por nós, poida que inventem qualquer motivo para encerrarnos, fotografarnos, sacar-nos polas ?merdateuves?, dizer os nossos nomes e apelidos, relacionar-nos com ETA ou Al Qaeda e meter-nos nos seus centros de extermínio, polo simple feito de ser dissidentes e combativas.

Actuaçons como estas nom pode ficar sem resposta independentemente de quem seja criminalizada.

Nom às montagens mediático-policiais!!!

Liberdade para @s dez detid@s já!!!

FOI ESCRITO @ 02:29:50 na categoria revolta Link permanente Deixe o seu comentário »

12-11-2005

O home inédito

O home inéditoO HOME INÉDITO

Carlos G. Meixide

"Amor, humor e sexo todos metidos nun bote"

Unha mestura entre Sexo En Nova York e No ventre do Silencio.

Un galego da Coruña, resultón, deportivista e sentimental, dúas coreanas que falan portugués e un profesor universitario brasileiro no Nova York post 11-S, nunha historia de amor, humor e sexo.

Alén diso, e a xeito de flash-back, un galego da Coruña que se emperra en publicar os seus poemas en Positivas e en namorar dunha rapaza que bebe os ventos polo Anxo Quintela de finais dos 90.

Estou a ler o romance desde ontem que o descarreguei, depois de ter escuitado esta semana ao autor entrevistado na rádio, e vou polo capítulo 10. Tem uns toques divertidíssimos, nom paro de rir xD Este fim de semana acabarei de lê-lo, e já darei a minha valoraçom científica. Polo de agora, recomendo-vos a tod@s que passedes e lhe dedes umha vista de olhos em Ediciós da Rotonda, um novo projecto editorial de livre distribuiçom através da internet.

É grátis, assim que já sabedes, a ler! &#59;D

FOI ESCRITO @ 17:46:15 na categoria livros Link permanente Deixe o seu comentário »

<< 1 2 3 4 5 6 7 8 9 10 11 >>

mariacastanha.agal-gz.org

Tocando em aberto é o blogue pessoal, agora inactivo, de um gaiteiro-engenheiro (sem ser ainda nenhuma das duas cousas) sócio da AGAL onde fala do que gosta, do que lê por aí, das suas intimidades (sem exceder-se) e do primeiro que lhe sai da cabeça se fica bonito.

Dezembro 2017
Seg Ter Qua Qui Sex Sab Dom
 << <   > >>
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Busca

  Feeds XML

powered by b2evolution free blog software