A seguir aparecem várias afirmaçons para medir o teu grau de reintegracionismo. Marca com 1, 2, 3 cada umha delas atendendo à tua concordáncia com elas.

1. Nom concordas
2. Concordas mais ou menos
3. Concordas.

Quando finalizares, soma os pontos obtidos e repara na tabela que aparece no final.

1. Na Idade Média o latim fragmentou-se em várias línguas, umha das quais localizada no noroeste da península Ibérica num território que incluía a Galiza e o norte da atual República de Portugal. Daí avançou para sul. 1 2 3
2. Esta língua sofreu nos fins da Idade Média umha sorte díspar. O território a norte do Minho ficou inserido no Reino de Castela, e a língua dos seus habitantes passou a ser exclusivamente oral. Os postos de relevo fôrom ocupados por castelhanos, passando a ser a língua deles sinónimo de poder. 1 2 3
3. No território a norte do Minho, sendo o castelhano a língua do poder, começou a dar-se um processo de mistura das falas dos galegos (as) que provocava que a cada nova geraçom o idioma se fosse castelhanizando. 1 2 3
4. No território a sul do Minho, ao ser a língua que falavam as elites e o resto da populaçom a mesma, conservou a sua identidade. 1 2 3
5. Quando nos fins do séc.XIX começa a ser escrita a nossa língua no nosso país, a escolha da ortografia castelhana fai-se porque era o único código em que fôrom alfabetizados e desconheciam a nossa rica história medieval. 1 2 3
6. Perante o estado de castelhanizaçom da variedade galega há três atitudes possíveis:
   1. Que alcance o seu estádio final e se complete,
   2. Enfrentá-lo superficialmente,
   3. Enfrentá-lo radicalmente e ir, portanto, às suas raízes. 1 2 3
7. A extensom da nossa língua nom se limita ao Reino de Espanha mas é oficial em 4 continentes e 9 países. 1 2 3
8. Os(as) galego-falantes na hora de lerem um livro, usarem um programa informático ou brincarem com um jogo de mesa é preferível, caso nom exista umha versom em galego Ilg-Rag, utilizarem a versom em português 1 2 3
9. O português de Portugal e do Brasil devia ser difundido na Galiza porque é a nossa vantagem competitiva no contexto europeu e mundial. 1 2 3
10. Consideras que devemos escrever como os portugueses(as) e brasileiros(as) para que a nossa língua tenha umha difusom internacional.

Menos de 15 pontos (-)

Gostas da solidom, está claro. Bom, por momentos é precisa, mas viver sempre só nom dá muito jeito. Subtrair é a operaçom matemática menos atrativa. Abre o coraçom e deixa que a brisa sacuda o teu corpo. Em companhia podemos desenvolver muito mais as nossas potencialidades. É certo que ao princípio cria algumhas inseguranças mas se persistires, os frutos logo chegarám.

Entre 16 e 22 pontos (+)

Estás pertinho. Restam algumhas dúvidas que a roçadura e o amor conseguirám dissolver. Ordena os teus sentimentos e marca as tuas prioridades. Estar sempre a queixar-se deve ficar para atrás. Presume do teu potencial, que é muito. Gostas de somar, vê-se bem.

Entre 23 e 30 pontos (x)

Estás na boa! Aquilo de que a nossa língua nom cruza a fronteira do Reino ou que a coitada serve para o que serve, nom vai contigo. Tu tés umha rede de comunicaçom muito ampla. Nom te apetece esperar a que se fagam as cousas, vás junto delas e apanhá-las. A tua operaçom matemática favorita é multiplicar.