GZe-ditora

Além de editar livros em papel, a AGAL tem umha editora virtual, GZe-ditora, que tem por missom dar a lume textos de criaçom literária bem como ensaios a questionar os mais variados temas, sobretudo os de cariz social. Os textos oscilam entre 10 e 40 páginas e o formato que se tem usado até o momento é o PDF.

Os textos editados até o momento, por ordem cronológica, som os seguintes:

  1. Temporada das Letras 2003. Publicaçom inaugural da GZe-ditora, no qual se estudam as figuras de Avilés de Taramancos e Luís de Camões.
  2. Cantares Vaqueiros. Poemário humorístico, assinado com o pseudónimo de “Subcomediante E-1” por um membro do Comité Homologador Central da Via Anti-Colonial Activa (VA-CA).
  3. Declaraçom de Independência dos Estados Unidos. A Declaraçom da Independência dos embrionários EUA continua a ser um texto pouco conhecido para boa parte dos europeus e europeias. Hoje mais do que nunca torna um texto conceptualmente interessante num mundo tam agitado.
  4. A guerra santa, e petroleira, de Bush filho. Livro de Carlos Taibo que esclarece algumhas das dimensons da crise internacional que, com traços mais ou menos claros, se revela desde o 11 de Setembro de 2001.
  5. Conclusons do I Fórum da Língua, evento organizado polo MDL que decorreu em Compostela o dia 28 de Fevereiro de 2004. Há também umha versom no AO.
  6. A euro-região económica de Galiza, Norte de Portugal, do economista Joám Lôpes Facal.
  7. O "Dia das Letras" no sistema literário galego, texto de Roberto Samartim cujo objectivo é tentar explicar brevemente a funçom que o DIA DAS LETRAS GALEGAS desempenhou e desempenha no Sistema Literário da Galiza desde a sua institucionalizaçom por parte da Real Academia Galega (RAG) em 17 de Maio de 1963.
  8. A sentença Eichman: A Liberdade de Expressão é mais que uma bandeira, nesta sentença o Supremo Tribunal dos Estados Unidos decidiu que “o Governo nom pode proibir a expressom de umha ideia polo simples facto de a sociedade a encontrar ofensiva ou desagradável”, em referência à queima da bandeira dos Estados Unidos da América como acto de protesto político.
  9. Breves anotaçons sobre a relaçom Galiza-Portugal na Banda Desenhada, trabalho de Kike Benlloch acerca da BD e a cidade de Ourense como nexo da BD galega com Portugal.
  10. Mares de Queijo, poemário de Ramiro Vidal Alvarinho.
  11. A Guerra Civil na Galiza: o descobrimento das valas comuns e os romances da Guerra Civil como contra-discursos do esquecimento imposto, o estadounidense John Patrick Thompson examina neste trabalho três fenómenos inter-relacionados da Guerra Civil espanhola com ênfase na Comunidade Autónoma da Galiza. A primeira parte explica a natureza da tomada fascista da Galiza em Julho de 1936 e assinala o papel crucial desta comunidade para ajudar a Franco a ganhar a guerra. A segunda parte do artigo analisa os efeitos que a actual exumaçom de valas comuns em todo o Estado está a ter na memória colectiva de Espanha. A última secçom do artigo explora a funçom benéfica da narrativa de ficçom escrita sobre a Guerra Civil para transmitir os factos e a memória deste acontecimento traumático.
  12. Cultura portuguesa e legitimaçom do sistema galeguista: historiadores e filólogos (1880-1891). Neste trabalho o Prof. Elias J. Torres Feijó mostra como nas bases do galeguismo ocupa desde os seus inícios um lugar preferente o reintegracionismo cultural (e a ameaça do político) como alicerce da legitimidade de existir e reforço da própria identidade e da soberania cultural.
  13. Contos grotescos, narraçons arrepiantes do brasileiro Paulo Soriano.
  14. As línguas na Alsácia, trabalho de Arlette Bothorel-Witz, traduzido do francês por Miro Momam, revisado por Valentim R. Fagim e maquetado por Heitor Canto.
  15. O nome da Galiza, Trabalho de José Martinho Santalha.
  16. As eleições do "ano da gripe", trabalho de Ernesto Vazquez Sousa sobre as primeiras angueiras eleitorais do nacionalismo galego.
  17. Joana e a Lua. Conto infantil ilustrado de Luzia Rodrigues Cao.
  18. Joana e a rã da branha nova. Conto infantil ilustrado de Luzia Rodrigues Cao.
QR Code
QR Code pt_agal:que_e_a_agal:gze_ditora (generated for current page)